<p>ក្រុមអ្នកបច្ចេកវិទ្យា ជឿជាក់ថា Project Ara នឹងជាប្រភពទាក់ទាញដ៏ខ្លាំងក្លា សម្រាប់វិស័យទូរ<br />ស័ព្ទចល័តនៃពិភពលោក ហើយសង្ឃឹមថា Google នឹងឆ្លងផុតការលំបាកនាពេលខាងមុខ ដើម្បី<br />ជួយឱ្យស្មាតហ្វូនទម្រង់ថ្មីនេះ ក្លាយជាការពិតនៅឆ្នាំក្រោយ។</p>
<p style="text-align: center;"><a class="thickbox" title="" href="/FileManager/Commons/2014/4/22/project-ara3-22-04-2014--10-40-55.jpg"><img src="/FileManager/Articles/mce/2014/4/22/project-ara3-22-04-2014--10-40-55.jpg" alt="" /></a></p>
<p>Project Ara គឺជាគម្រោងសំខាន់មួយរបស់ Google ស្ដីអំពីទម្រង់ទូរស័ព្ទជំនាន់ថ្មី ដែលវានឹងពេញ<br />និយមក្នុងពេលអនាគតដ៏ខ្លីខាងមុខ អនុញ្ញាតឱ្យអ្នកប្រើប្រាស់អាចផ្គុំ ប្ដូរ និងបន្ទាន់សម័យផ្នែក<br />ដោយឡែកនិមួយៗ របស់ស្មាតហ្វូន ដូច CPU, RAM, ថ្ម ឬ កាមេរ៉ា។ល។ ធ្វើបានបែបនេះ គឺ<br />ដោយសារទូរស័ព្ទ ត្រូវបានគេផលិតជាបំណែកដាច់ៗពីគ្នា និងអាចផ្គុំចូលគ្នាដោយងាយស្រួល។ <br /><br />បច្ចុប្បន្ន Google កំពុងអភិវឌ្ឍទូរស័ព្ទទម្រង់ថ្មីនេះ ហើយតាមគម្រោង Project Ara នឹងត្រូវបង្ហាញ<br />ខ្លួន នៅថ្ងៃទី ១ ខែមេសា ឆ្នាំក្រោយ។<br /><br /><strong>គំនិត Google Ara</strong><br /><br />មុននេះ កម្លោះជាវិស្វករ Ara Knaian នៅ Massachusetts បានធ្វើឱ្យគំនិតរបស់ខ្លួនល្បីឈ្មោះ <br />ដោយពេលនោះ Ara Knaian បានច្នៃជាកំណែសាកល្បងចំនួន ៦ គឺ អង្គចងចាំ ថ្ម ប្រូសេសឺរ ជា<br />ដើម ហើយទាំងអស់នេះ សុទ្ធតែត្រូវបានរចនាឡើង ដើម្បីអាចផ្គុំចូលទៅក្នុងគ្រោងមួយដែល<br />ហៅថា "endoskeleton" ។ អ្នកប្រហែលជាគិតថា ឈ្មោះរបស់កម្លោះខាងលើ ដូចជាធ្លាប់ឮ នោះ<br /> វាមិនមានអ្វីចម្លែក ព្រោះថា គម្រោងស្មាតហ្វូនផ្គុំ ដែល Google កំពុងអភិវឌ្ឍនេះ ត្រូវបានដាក់<br />ឈ្មោះទៅតាមនាមរបស់គាត់ ៖ Ara Knaian (គម្រោង Ara)។</p>
<p style="text-align: center;"><a class="thickbox" title="" href="/FileManager/Commons/2014/4/22/project-ara7-22-04-2014--10-32-19.jpg"><img src="/FileManager/Articles/mce/2014/4/22/project-ara7-22-04-2014--10-32-19.jpg" alt="" /></a></p>
<p><br /><strong>Google Ara នឹងកែប្រែទម្រង់នៃហាតវ៉ែររបស់វិស័យទូរស័ព្ទ</strong><br /><br />គំនិតរបស់ Ara Knaian ដែលកំពុងត្រូវបាន Google ប្រែក្លាយឱ្យទៅជាការពិត នឹងផ្លាស់ប្ដូរទាំង<br />ស្រុង នូវវិស័យឧស្សហកម្មផ្នែករឹង។ ជំនួសឱ្យការរំពឹងទៅលើ Apple, Samsung ឬក្រុមហ៊ុនដទៃ <br />ដើម្បីដំឡើងផ្នែកនិមួយៗ របស់ទូរស័ព្ទ អ្នកប្រើប្រាស់ អាចទិញគ្រឿងបំលាស់ ទាំងឡាយ ដូចជា<br /> កាមេរ៉ា ប្រូសេសឺរ អង្គចងចាំ ឬថ្ម ជាដើម ហើយប្ដូរផ្លាស់ដោយខ្លួនឯង។ <br /><br /><strong>និយមន័យ endoskeleton និងលទ្ធភាពនៃការប្រែរូបរបស់ Ara</strong><br /><br />ខណៈដែល Ara ត្រូវបានវាយតម្លៃថា មានលទ្ធភាពប្ដូរផ្លាស់បណ្ដាគ្រឿងបំលាស់ដោយឡែក<br /> ប្រកបដោយភាពងាយស្រួល ប៉ុន្ដែ សំនួរសួរថា ប្រសិនអ្នកប្រើប្រាស់ចង់បាន phablet វិញតើ<br /> វានឹងធ្វើបានយ៉ាងណា? ដើម្បីតម្រូវទៅតាមបំណងនេះ Google បានច្នៃជាគ្រោងដែលមានឈ្មោះ<br />ថា endoskeleton ដែលមានទំហំច្រើនប្រភេទ ដើម្បីអាចផ្ទុក និងតភ្ជាប់គ្រឿងម៉ាស៊ីនបានទាំង<br />អស់ជាមួយគ្នា។ Ara នឹងមានទំហំ ៣ប្រភេទ ខុសៗគ្នា ជាមួយនឹង endos ដែលមានរូបរាង ៤ជ្រុង<br />ស្មើ និង ៤ជ្រុងទ្រវែង ទៅតាមទំហំនិមួយៗដែលបានកំណត់។<br /><br />ជាក់ស្ដែង ក្រៅពីការរក្សាបណ្ដាគ្រឿងម៉ាស៊ីន ឱ្យជាប់នៅជាមួយគ្នា គ្រោងនេះនឹងអនុញ្ញាតឱ្យអ្នក<br />ប្រើប្រាស់ អាចបន្ទាន់សម័យនូវផ្នែកនិមួយៗនៃទូរស័ព្ទ ជំនួសឱ្យការដែលត្រូវប្ដូរទូរស័ព្ទថ្មីជារៀង<br />រាល់ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2014/4/22/project-ara4-22-04-2014--10-33-33.jpg"><img src="/FileManager/Articles/mce/2014/4/22/project-ara4-22-04-2014--10-33-33.jpg" alt="" /></a></p>
<p><br /><strong>កំពូលទូរស័ព្ទ ដែលមានតម្លៃត្រឹមតែ ៥០ដុល្លារ</strong><br /><br />នៅក្នុងកិច្ចសម្ភាសមួយ នៅលើទំព័រ Time លោក Paul Eremenko ថ្នាក់ដឹកនាំរបស់ Project Ara<br /> បានប្រកាសថា ទូរស័ព្ទទម្រង់ថ្មីរបស់កក្រុមហ៊ុន Google នេះ នឹងមានតម្លៃត្រឹមតែ ៥០ដុល្លារ<br />ប៉ុណ្ណោះ។ ប៉ុន្ដែ នេះគ្រាន់តែជាផ្នែកសំខាន់ៗ ដោយមានអេក្រង់ គ្រោងម៉ាស៊ីន និង ឈីប WiFi ។<br /> យ៉ាងណាក៏ដោយ វាគឺជាគំនិតដ៏អស្ចារ្យមួយ នៅពេលដែលស្មាតហ្វូនទាំងអស់ នៅលើទីផ្សារ <br />សុទ្ធតែមានតម្លៃថ្លៃ។ <br /><br />ប្រសិនតម្លៃ ៥០ដុល្លារ ជាការពិត នោះ មនុស្សរាប់ពាន់លាននាក់ ដែលមានប្រាក់ចំណូលទាប <br />នឹងក្លាយជាអតិថិជនរបស់ក្រុមហ៊ុន Google មិនខាន៕</p>
<p><object style="display: block; margin-left: auto; margin-right: auto;" width="488" height="418" data="http://www.youtube.com/v/PQqudiUdGuo#t=71&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/PQqudiUdGuo#t=71&rel=1" /></object></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ PhoneArena/Autostraddle/Youtube<br /><br /></p>