<p><strong>កំពង់ឆ្នាំង</strong> ៖ ដោយសារតែចាញ់ល្បែង អស់លុយរលីងពីខ្លួននិងម្យ៉ាងទៀត ម៉ូតូដែល ជិះទៅ<br />បង្រៀនជារៀង រាល់ថ្ងៃបានលក់និង ដាក់បញ្ចាំអស់ទៀតនោះ បានធ្វើឱ្យ លោក គ្រូបង្រៀន<br />ម្នាក់ក្រពុលមុខ គិតអ្វីមិនចេញ និងទំនងមួរម៉ៅនឹងម្ដាយចាស់ជរា ដែលនៅ ផ្ទះផងនោះ បាន<br />ដុតកំទេចចោលផ្ទះរបស់ខ្លួន អស់គ្មានសល់ រួចហើយគេចខ្លួនមិនដឹងជាទៅ ណា បន្សល់ទុក<br />ឱ្យម្ដាយ ដែលមានអាយុរហូត ទៅដល់៨៦ឆ្នាំ រស់នៅគ្មានទីជម្រក។</p>
<p>ហេតុការណ៍លោកគ្រូបង្រៀននៅបឋមសិក្សាដុតកំទេចផ្ទះខ្លួនឯង ដោយសារតែ ចាញ់ល្បែងអស់<br />រលីងពីខ្លួនខាងលើនេះ បាន កើតឡើងកាលពីវេលា ម៉ោងប្រហែល ៨និង ៣០នាទីយប់ថ្ងៃទី០៩<br /> ខែធ្នូ ឆ្នាំ២០១២ ស្ថិត នៅក្នុងភូមិចំបក់កន្ទ្រាញ ឃុំតាំងក្រសាំង ស្រុកទឹកផុស ខេត្ដកំពង់ឆ្នាំង <br />បណ្ដាលឱ្យផ្ទះ មួយខ្នង ធ្វើពីឈើឆេះ ហ្មត់គ្មានសល់ ខូចខាត ទ្រព្យសម្បត្ដិអស់មួយចំនួន ប៉ុន្ដែ<br />មិនទាន់ដឹង ថា មានទំហំប៉ុន្មាននោះ ។</p>
<p>យោងតាមប្រភពព័ត៌មានពីប្រជាពលរដ្ឋ ដែលរស់នៅក្នុងភូមិកើតហេតុបានឱ្យដឹងថា ជនដែលដុត<br />ផ្ទះខ្លួនឯងខាងលើនេះ មាន ឈ្មោះស្រ៊ន សុខុម ភេទប្រុស អាយុ៣២ឆ្នាំ មានមុខរបរជាគ្រូបង្រៀន<br />នៅសាលាបឋម សិក្សាតាំងក្រសាំង ដែលបច្ចុប្បន្នរស់នៅពីរ នាក់ម្ដាយឈ្មោះសៀក ឃីម អាយុ<br />៨៦ឆ្នាំ ហើយក្រោយ ពីបានដុតផ្ទះខ្លួនឯងរួច ជននេះ មិនដឹងជាទៅណានោះឡើយ ដោយឡែក <br />ម្ដាយដែលមានវ័យចាស់ជរា គ្មានជម្រកស្នាក់ នៅឡើយ ។</p>
<p>ប្រភពព័ត៌មានពីប្រជាពលរដ្ឋបានឱ្យដឹងទៀតថា មូលហេតុដែលនាំឱ្យលោកគ្រូបង្រៀនម្នាក់នេះ<br />ដុតកំទេចផ្ទះខ្លួនឯងយ៉ាងដូច្នេះ ដោយសាររូបគេបានចាញ់ល្បែងរបៀរអាប៉ោងអស់លុយពីខ្លួនរលីង<br />ហើយកន្លងមកម៉ូតូ ចំនួន២គ្រឿង បានយកទៅលក់និងបញ្ចាំគ្មានដល់ ដោយសារតែងុបនិងល្បែង<br />ខ្លាំងពេក ។</p>
<p>បើតាមប្រជាពលរដ្ឋល្បែងដែលជននេះ ចាញ់លុយអស់ជាច្រើននោះ គឺស្ថិតនៅទីប្រជុំ ជនផ្សារមាស <br />ក្នុងស្រុកទឹកផុស ប៉ុន្ដែគេមិន ដឹងច្បាស់ថា ល្បែងនៅទីនោះមានប៉ុន្មាន កន្លែងឡើយ ។ ដូច្នេះបើមាន<br />វង់ល្បែងខុស ច្បាប់ខាងលើនេះមែន ប្រជាពលរដ្ឋសង្ឃឹម ថា អាជ្ញាធរនិងសមត្ថកិច្ចនិងមានវិធានការ ជួយលុបបំបាត់វង់ល្បែងទាំងនេះផង។</p>
<p>យ៉ាងណាក៏ដោយ ស្ដ្រីចំណាស់ជាម្ដាយ បាននិយាយថា មូលហេតុដែលកូនរបស់ខ្លួន ដុតផ្ទះខ្លួនឯង<br />យ៉ាងដូច្នេះ ដោយសារតែមាន ជំងឺសរសៃប្រសាទ ប៉ុន្ដែសម្រាប់អ្នកភូមិវិញ បានសង្ស័យថា មកពីចាញ់<br />ល្បែង ទើបបាន ជាមកដុតផ្ទះខ្លួនឯង យ៉ាងដូច្នេះទៅវិញ ៕</p>
<p><a class="thickbox" title="" href="/FileManager/Commons/2012/12/10/hong-0125-10-12-2012--15-50-37.jpg"><img src="/FileManager/Articles/mce/2012/12/10/hong-0125-10-12-2012--15-50-37.jpg" alt="" /></a></p>
<p><a class="thickbox" title="" href="/FileManager/Commons/2012/12/10/nak-169-10-12-2012--15-51-00.jpg"><img src="/FileManager/Articles/mce/2012/12/10/nak-169-10-12-2012--15-51-00.jpg" alt="" /></a></p>
<p><a class="thickbox" title="" href="/FileManager/Commons/2012/12/10/nak-170-10-12-2012--15-51-23.jpg"><img src="/FileManager/Articles/mce/2012/12/10/nak-170-10-12-2012--15-51-23.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54057-2012-12-10-08-27-37.html"><span style="color: #0000ff;">ដើមអំពិល</span></a></p>