<p><span style="color: #000000;"><strong>ភ្នំពេញៈ</strong> អស់រយៈពេលជាង ៥ឆ្នាំហើយ ដែលតារាសម្តែង រូបស្រស់ផូរផង់ អ្នកនាង ខៀវ សុខារ៉ាវី បានបញ្ឈប់ការងារ សិល្បៈ ចោលទាំងស្រុង ដោយនាងបានទៅរួម រស់នៅជាមួយ បុរសសម្បូរទ្រព្យផ្កាយ២ ជាគូស្នេហ៍ និងមានកូន១យ៉ាងមានក្តីសុខ ។ ប៉ុន្តែអ្វីដែលធ្វើឲ្យទស្សនិកជន និងអ្នកគាំទ្រ នាងមានការចាប់អារម្មណ៍នោះ គឺថ្មីៗនេះ សុខារ៉ាវី បានចេញមុខ ប្រកាសក្តែងៗថា នាងនឹងដាក់ចិត្ត ដាក់កាយ វិលរកឆ្នាំងចាស់ ដូចដើមវិញ ដោយនាងរំពឹងថា ការវិលមកលើកនេះ នាងអាចស្រវ៉ាបានប្រជាប្រិយភាព និងកេរ្តិ៍ឈ្មោះ មិនចាញ់មុនឡើយ ។</span></p>
<p><span style="color: #000000;">ក្រោយពីអតីត តារាសម្តែង ដែលធ្លាប់មានឈ្មោះ បោះសំលេងលោតខ្លាំង ក្នុងអំឡុង ឆ្នាំ២០០៧-២០០៨ អ្នកនាង ខៀវ សុខារ៉ាវី បង្ហាញវត្តមាន នៅលើវិថីសិល្បៈ សារជាថ្មីម្តង ទៀតនោះ គេសង្កេតឃើញថា តារារូបនេះ ហាក់មាន ការខំប្រឹងប្រែងខ្លាំង មែនទែន ដោយនាងបានបង្ហាញវត្តមាន នៅលើកញ្ចក់ទូរទស្សន៍ ស្ទើរតែគ្រប់ប៉ុស្តិ៍ ហើយនាងសម្រុក ការងារច្រើន ស្ទើរតែរកពេលសម្រាកគ្មាន។</span></p>
<p><span style="color: #000000;">បើតាមប្រភពពីអ្នក នៅជិតដិត និងអ្នកដឹកនាំតាមកញ្ចក់ ទូរទស្សន៍មួយចំនួន បានលួចបង្ហើប ប្រាប់គេហទំព័រ LookingTODAY ឲ្យដឹងថា ចាប់តាំងពីរ ខៀវ សុខារ៉ាវី វិលចូលសិល្បៈវិញ មួយរយៈចុងក្រោយនេះ គឺមានខាងស្ថានីយ ទូរទស្សន៍ជាច្រើន បានផ្តល់ឱកាសឲ្យ នាងបង្ហាញវត្តមាន លើកញ្ចក់ ទូរទស្សន៍ជារឿយៗ មិនដាច់ទេ ។ ខៀវ សុខារ៉ាវី ក៏ខំប្រឹងមិនអន់ដែរ ព្រោះថា ឲ្យតែមានអ្នកទាក់ទង ហៅថត និងចូលកម្មវិធីសម្ភាសន៍ តាមទូរទស្សន៍ម្តងៗ គឺនាងមិនដែលបដិសេធន៍ទេ ពោលគឺឲ្យតែហៅ គឺនាងចូលរួមជានិច្ច ។</span></p>
<p><span style="color: #000000;">ប្រភពដដែល បានប្រាប់ឲ្យដឹងទៀតថា តាមការតាំងចិត្ត របស់អតីតតារាសម្តែងរូបនេះ គឺនាង ចង់ច្បាមយកប្រជាប្រិយភាពឡើងវិញ ទន្ទឹមនឹងវិស័យសិល្បៈ នាពេលបច្ចុប្បន្ន កំពុងតែមានភាពរីកចម្រើន ដូចផ្សិតផងនោះ ។ បើទោះជា រ៉ាវី បានផ្តាច់ខ្លួនចេញពី សិល្បៈច្រើនឆ្នាំ ក៏ពិតមែនតែសម្រាប់ ប្រជាប្រិយភាព របស់នាង មិនធ្លាក់ចុះ ទាំងស្រុងឡើយ ទាំងទស្សនិកជន និងអ្នកដឹកនាំរឿង ក៏ដូចជាខាងទូរទស្សន៍ នៅតែទទួលស្គាល់ ពីសមត្ថភាព និងផ្តល់ឱកាសឲ្យនាង ជាហូរហែ ។</span></p>
<p><span style="color: #000000;">ជាក់ស្តែង នាងប្រកាសវិល មកជាន់ទឹកដីសិល្បៈ មិនទាន់បាន២ខែ ស្រួលបួលផង ការងារឡើងប៉ុស្តិ៍ សម្ភាសន៍ ច្រៀង ទាំងថតទុក និងផ្សាយផ្ទាល់ គឺ នាងមានជាប់រហូត ហើយខាងផលិតកម្ម ក៏ទាក់ទង ឲ្យនាងថតកាយវិការខារ៉ាអូខេ ផងដែរ ។</span></p>
<p><span style="color: #000000;">ទោះជាមានការលើកឡើង យ៉ាងនេះក្តី គេហទំព័រ LookingTODAY ក៏បានព្យាយាមទាក់ទង ទៅនាងដើម្បីសាកសួរ ព័ត៌មានបន្ថែមដែរ ប៉ុន្តែមិនអាចទាក់ទងបានទេ កាលពីព្រឹក ថ្ងៃទី២៣ ខែតុលា ឆ្នាំ២០១៤ នេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/24/hour-166-24-10-2014--12-00-25.jpg"><img src="/FileManager/Articles/mce/2014/10/24/hour-166-24-10-2014--12-00-25.jpg" alt="" /></a></span></p>
<p><a class="thickbox" title="" href="/FileManager/Commons/2014/10/24/hour-168-24-10-2014--12-00-35.jpg"><img src="/FileManager/Articles/mce/2014/10/24/hour-168-24-10-2014--12-00-35.jpg" alt="" /></a></p>
<p><a class="thickbox" title="" href="/FileManager/Commons/2014/10/24/hour-169-24-10-2014--12-00-44.jpg"><img src="/FileManager/Articles/mce/2014/10/24/hour-169-24-10-2014--12-00-44.jpg" alt="" /></a></p>
<p><a class="thickbox" title="" href="/FileManager/Commons/2014/10/24/hour-172-24-10-2014--12-00-54.jpg"><img src="/FileManager/Articles/mce/2014/10/24/hour-172-24-10-2014--12-00-54.jpg" alt="" /></a></p>
<p><object width="496" height="425" data="http://www.youtube.com/v/3bh-U0Bq-Pw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/3bh-U0Bq-Pw&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>