<div>
<p><span style="color: #000000;"><strong>(ភ្នំពេញ)៖</strong> អតីតពិធីការិនីប៉ុស្តិ៍លេខ៥ និងជាតារាសម្តែងអ្នកនាង ឈិន សុធារី បានបង្ហាញអារម្មណ៍ពិបាកចិត្ត និងមានទុក្ខព្រួយធំប៉ុនភ្នំ នាឱកាសថ្ងៃខួបកំណើត នៅថ្ងៃទី១៩ ខែកុម្ភៈ ឆ្នាំ២០១៦នេះ ខណៈកូនប្រុសក្នុងផ្ទៃរបស់នាង មានបញ្ហាប្រឈមគ្រោះថ្នាក់ដល់ជីវិត ដោយសាររីកទឹកភ្លោះ និងមានទំហំតូចជាង ទារកធម្មតាផ្សេងទៀត។ រីកូនស្រីរួមផ្ទៃភ្លោះជាមួយគ្នា គឺមានសុខភាពល្អ មិនធ្វើឲ្យនាងព្រួយបារម្មណ៍ឡើយ។</span></p>
<p><span style="color: #000000;">នៅលើហ្វេសប៊ុករបស់តារាសម្តែងស្រីអ្នកនាង ឈិន សុធារី ដែលត្រូវជាភរិយាលោក សុវណ្ណ មករា មុននេះបន្តិចបានសរសេរថា« ពេលនេះខ្ញុំកំពុងមានបញ្ហាជាទម្ងន់ ពាក់ព័ន្ធនឹងរឿងកូនក្នុងពោះរបស់ខ្ញុំ សូមអភ័យទោស បើសិនមានការឆ្លើយតបយឺតពេល ហើយអរគុណ my dear friend យប់មិញបាន surprise ថ្ងៃកំណើតរបស់ខ្ញុំ តែវាហាក់ដូចជាចៃដន្យ ថ្ងៃកំណើតខ្ញុំគាប់ជួន មានរឿងកើតឡើងមិនសប្បាយចិត្ត សំរាប់ជីវិតខ្ញុំទៅវិញ.»។</span></p>
<p><span style="color: #000000;">អ្នកនាង ឈិន សុធារី បានបន្តថា «តែខ្ញុំក៏សូមអរគុណច្រើន សម្រាប់មិត្តល្អរបស់ខ្ញុំ ជាពិសេសស្វាមីរបស់នាងខ្ញុំ ព្រមទាំងបងប្អូនរបស់ខ្ញុំ និងមិត្តភក្តិក្នុងបណ្តាញ Facebook ទាំងអស់ក៏ដូចជាអ្នកគាំទ្រនាងខ្ញុំ។ ពេលនេះខ្ញុំកំពុងមានទុក្ខ ស្របពេលថ្ងៃពិសេសរបស់ខ្ញុំផងដែរ រកសប្បាយមិនឃើញទេ បែរជាមានរឿងអ៉ីចឹងកើតឡើងទៅវិញ។ សុំអភ័យទោសបើសិនខ្ញុំ មិនបានឆ្លើយតបទាន់ពេលវេលា ព្រោះខ្ញុំសុំទុកពេលវេលាបន្តិច នៅក្នុងការដោះស្រាយ។ សូមអរគុណបងប្អូន និងមិត្តទាំងអស់គ្នាជូនពរសុខភាពល្អ..!»។</span></p>
<p><span style="color: #000000;">សូមបញ្ជាក់ថា បើគិតរហូតមកទល់ពេលនេះ កូនភ្លោះប្រុស-ស្រី ដែលកំពុងនៅក្នុងផ្ទៃពោះម្តាយ អ្នកនាង ឈិន សុធារី គឺមានរយៈពេល៧ ខែនិង២១ ថ្ងៃហើយ បន្ទាប់ពីរូបនាង និងលោក សុវណ្ណ មករា សម្រេចរៀបការរស់នៅ ក្រោមដំបូលផ្ទះតែមួយ កាលពីកន្លងមក៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12278725_795189513942495_1692734400429006134_n.jpg?oh=8c718736295e778da7b81d01effffef0&oe=57646BCD" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t1.0-9/10538458_551695904958525_3741671322585592432_n.jpg?oh=5325755c0cde573ddd53bfbe9d3bc41e&oe=57613E46" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpa1/v/t1.0-9/10334259_530963403698442_5463503367682439579_n.jpg?oh=a90915240cbcf0460fc9081d71db1152&oe=575A5C80&__gda__=1465557560_a5004492a6f1de60a8d94d90229ddbf7" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/12745952_953131964753983_3754507548504600951_n.jpg?oh=34ba9f80bd290000758f8a41db508f93&oe=572C42B0&__gda__=1466491098_7bd40ed7de123a36a41716f96503d19b" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12742108_1715004688776659_6301866273184744283_n.jpg?oh=dd16f608c5c18b2e3153b604af42e2b3&oe=576D41E2" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12642749_1710673609209767_8544607175803129346_n.jpg?oh=b11efd6d12c75d4dcfea61fff449be49&oe=572740AD" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12688376_838238162970963_1258380975327358975_n.jpg?oh=e1cd7c57459e2118a0300baed26dbfd8&oe=57658E51" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12744151_838238196304293_8667979343969729832_n.jpg?oh=1cf2159cef7db3b18e73b9818e90ee19&oe=5760BC0F" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12715575_834624626665650_4692124139670897758_n.jpg?oh=6eaca055b0f198992c6cd08e73150977&oe=57719FEE" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>