<div class="article-content">
<p><strong>ភ្នំពេញ ៖</strong> កម្លាំង នគរបាលខណ្ឌទួលគោក បានឃាត់ខ្លួនជនសង្ស័យម្នាក់ ជាក់ស្តែង វេលា<br />ម៉ោង១៩និង២០នាទី នៅថ្ងៃទី០៥ ខែមីនា ឆ្នាំ២០១៣ ពីបទ ឆក់ខ្សែក នៅចំណុចមុខផ្ទះលេខ<br />១៥ផ្លូវលេខ១៣៨ ក្រុមទី២៤B ភូមិ៩ សង្កាត់ផ្សារដេប៉ូទី២ ខណ្ឌទួលគោករាជធានីភ្នំពេញ។</p>
<p>នគរបាលខណ្ឌទួលគោក បានឲ្យដឹងថា ជនសង្ស័យដែល សមត្ថកិច្ចឃាត់បានមាន ឈ្មោះរិន<br /> ពុទ្ធបញ្ញារិទ្ធ ភេទប្រុស អាយុ២១ឆ្នាំ ជនជាតិខ្មែរ មុខរបរជាងជួសជុល ម៉ាស៊ីនត្រជាក់ ចល័ត<br />ស្នាក់នៅផ្ទះគ្មានលេខផ្លូវលំ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។<br /> ចំណែកជនរងគ្រោះមានឈ្មោះ តែ ចិន ភេទស្រី អាយុ៣៨ឆ្នាំ មានមុខរបរលក់គ្រឿងទេស ស្នាក់<br />នៅផ្ទះលេខ១០៣ ផ្លូវលេខ១៣៨ ក្រុមទី៥ ភូមិ២សង្កាត់ផ្សារដេប៉ូទី២ ខណ្ឌទួលគោក រាជធានី<br />ភ្នំពេញ។</p>
<p>នគរបាលមូលដ្ឋាន បានឲ្យដឹងថា នៅមុនពេលកើត ហេតុជនរងគ្រោះឈ្មោះ តែ ចិន បានជិះម៉ូតូ<br />ឌុបចេញ ពីផ្សារអូរឡាំពិក គោលបំណងមកផ្ទះ លុះ ពេលធ្វើដំណើរមក ដល់ចំណុចកើតហេតុ <br />ស្រាប់តែមានជនសង្ស័យ ពីរនាក់ ជិះម៉ូតូមួយគ្រឿង ម៉ាក Honda Scoopy ពណ៌ស តាមមកពី<br />ក្រោយ អែបខាងស្តាំ ហើយធ្វើសកម្មភាព ឆក់ខ្សែក ដែលជនរងគ្រោះតែម្តង ។ ភ្លាមៗនោះ <br />ជនរងគ្រោះក៏បានហក់ចុះ ពីលើម៉ូតូឌុបស្ទុះទៅចាប់ ទាញកអាវជនសង្ស័យ ឈ្មោះរិន ពុទ្ធបញ្ញារិទ្ធ<br /> ដែលជិះខាងក្រោយបណ្តាល ឲ្យ ធ្លាក់ពីលើម៉ូតូ ព្រមទាំងដណ្តើម យកបណ្តោងខ្សែក បានមកវិញ<br /> ជាមួយគ្នានេះ ដែរកំលាំងសមត្ថកិច្ច នគរបាលប៉ុស្តិ៍រដ្ឋបាលផ្សារដេប៉ូទី២ ដែលកំពុងល្បាតការពារ<br />សុវត្ថិភាព នៅក្នុងមូលដ្ឋាន បានអន្តរាគមន៍ទាន់ ពេលវេលា ដោយឃាត់ខ្លួន ជាក់ស្តែង តែម្តង<br />ចំណែកជនសង្ស័យម្នាក់ ទៀត ដែលជាអ្នកបើកម៉ូតូ បានជិះម៉ូតូគេចខ្លួនបាត់ ដោយយកទាំងខ្សែ.ក<br />របស់ជនរងគ្រោះ ទៅជាមួយ។</p>
<p>បច្ចុប្បន្ន ជនសង្ស័យឈ្មោះ រិន ពុទ្ធបញ្ញារិទ្ធ កំពុងឃាត់ខ្លួន ជាបណ្តោះអាសន្ន នៅអធិការដ្ឋាន <br />នគរបាលខណ្ឌទួលគោក ដើម្បីសាកសួរនិងកសាងសំណុំរឿង ចាត់ការតាមផ្លូវច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0080.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>