<p><strong>ភ្នំពេញ៖</strong> លោក នេត្រ ដារ៉ាឧត្តម ដែលមហាជនទូទៅស្គាល់ តាមរយៈឈ្មោះក្នុងសិល្បៈថា <br />ផប់ បានឈានជើងចូល ប្រឡូកក្នុងសិល្បៈ រយៈពេលប្រមាណជា ២ឆ្នាំមកហើយ និងក្លាយ<br />ជាតារាសម្តែង មួយរូបកំពុងតែបោះ ជំហានទៅរក ភាពល្បីល្បាញ នៅក្នុងពិភពសិល្បៈ ។</p>
<p>មិនតែប៉ុណ្ណោះ តារាសម្តែងរូបនេះ ត្រូវបានហាជន និងស្រទាប់យុវវ័យ ស្គាល់យ៉ាងច្បាស់តាម<br />រយៈ ការសម្តែងខារ៉ាអូខេបទ “ពិន្ទុ១០០” ច្រៀងដោយ មាស សុខសោភា នៅក្នុងផលិតកម្ម<br />ថោន ។ នាពេលកន្លងមក តារាសម្តែងមាឌធំរូបនេះ ធ្លាប់សម្តែងខារ៉ាអូខេ បទចម្រៀងឲ្យបណ្តា<br /> ផលិតកម្មធំៗ នៅក្នុងប្រទេស បានមួយចំនួន ក្នុងនោះមាន ដូចជាផលិតកម្ម ហង្សមាស , សាន់<br />ដេ ,អឹម ,ថោន និងផលិតកម្ម ប៊ិកមេន ជាដើម ។</p>
<p>ចំពោះការសម្តែងខារ៉ាអូខេ បទចម្រៀងវិញ នេត្រ ដារ៉ាឧត្តម ហៅ ផប់ ធ្លាប់បានសម្តែង ប្រមាណ<br />ជាជាង ១០ បទមកហើយ ។ ចំពោះបទទាំងនោះត្រូវបានមហាជន និងស្រទាប់យុវវ័យស្គាល់ យ៉ាង<br />ច្បាស់តាមរយៈការបទ"ពិន្ទុ១០០" របស់មាស សុខសោភា និងថ្មីៗនេះលោក បានសម្ដែងក្នុងបទ<br /> "សង្សារតែឈ្មោះ" របស់ កញ្ញា សុខ ពិសី ក្នុងនោះគេបានស្គាល់ថា លោកគឺជាប្រុសព្រាន ។</p>
<p>កាលពីថ្ងៃទី២១ ខែកុម្ភៈ ឆ្នាំ២០១៣កន្លងទៅថ្មីៗ នេះនៅក្នុងជំនួបជាមួយ LookingTODAY ក្នុង<br />ឱកាសថត MTV របស់ផលិតកម្ម ថោន លោក ផប់ បានសារភាពត្រង់ៗដោយ មិនលាក់លៀម<br />ប្រាប់ឲ្យដឹងថា "ខ្ញុំពិតជាមានចិត្ត ជាព្រាននារីពិតមែន ព្រោះខ្ញុំចូលចិត្តធ្វើបាប ចិត្តនារីៗណាស់<br />ដែល ស្រឡាញ់ខ្ញុំខ្លាំង"។</p>
<p><br />តារាសម្តែង នេត្រ ដារ៉ាឧត្តម បានប្រាប់ឲ្យដឹងទៀតថា"ចំពោះការដែលខ្ញុំ មានចិត្តជាព្រាននារីនេះ<br /> គឺគ្រាន់តែជាការសម្តែង នៅក្នុងអត្ថន័យនៅក្នុង បទចម្រៀងតែប៉ុណ្ណោះ ព្រោះខាងផលិតកម្មភាគ<br />ច្រើន គេតម្រូវឲ្យខ្ញុំសម្តែង ជាតួអង្គបែបនេះ ដោយសារគេមើលឃើញខ្ញុំ សម្តែងជាតួអ៊ីចឹងស័ក្ដិសម<br /> នឹងមុខមាត់របស់ខ្ញុំ តែបើនៅខាងក្រៅវិញ ខ្ញុំមិនអ៊ីចឹងនោះទេ" ។</p>
<p>បច្ចុប្បន្នតារាសម្តែងមុខកាច នេត្រ ដារ៉ាឧត្តម ហាក់មមាញឹក នឹងការងារសិល្បៈច្រើនគួរសម ព្រោះ<br />ត្រូវថតឲ្យ ផលិតកម្មក្នុងស្រុកជាច្រើន ហើយថ្មីៗនេះ លោកទើបតែថតឲ្យផលិតកម្ម ប៊ិកមែន និង<br />ផលិតកម្ម ថោន ៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0242.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0243.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0244.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0245.jpg" alt="Photo by Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>