<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស លោក រិន សាវ៉េត បន្ទាប់ពីត្រូវបានការជួយឧបត្ថម្ភ ជាហូរហែ ពីសំណាក់មហាជនក៏ដូចជាតារាសិល្បៈមួយចំនួន ដើម្បីមានលទ្ធភាពយកប្រាក់ ព្យាបាលជំងឺមហារីកប្រពន្ធហើយនោះ ថ្មីៗនេះ តារាប្រុសកំសត់ជាងគេក្នុងផលិតកម្ម ហង្សមាស លោក រិន សាវ៉េត ក៏ទទួលបានការជួយឧបត្ថម្ភទឹកប្រាក់បន្ថែមទៀត តាមរយៈតារាចម្រៀងចាស់វស្សា គឺអ្នកនាង ម៉េង កែវពេជ្ជតា។</span></p>
<p><span style="color: #000000;">តាមរយៈការយកអំណោយ ជាថវិកា ដើម្បីឧបត្ថម្ភដល់តារាចម្រៀង លោក រិន សាវ៉េត នេះដែរ អ្នកនាង ម៉េង កែវពេជ្ជតា ក៏បានលើកឡើងថា <strong>« ថ្ងៃនេះនាងខ្ញុំ បាននាំយកអំណោយសប្បុរសធម៌ ពីសំណាក់ឯកឧត្តម និងលោកជំទាវចំនួន២,០០០,០០០៛ (ពីរលានរៀល) ជូនដល់តារាចម្រៀង លោក រិន សាវ៉េត ដែលភរិយារបស់គាត់ កំពុងសំរាកព្យាបាល នៅមន្ទីពេទ្យ។ រួមជាមួយគ្នានេះដែរ នាងខ្ញុំ ពេជ្ជតា ព្រមទាំងកូនៗ ក៏សូមចូលរួមចំណែកបន្តិចបនួច ចំនួន៥០ដុល្លារដែរ សរុបជាប្រាក់ទាំងអស់ គឺពីរលានរៀល និង៥០ដុល្លារ!»</strong>។</span></p>
<p><span style="color: #000000;">ជាមួយគ្នា នៃការទទួលអំណោយនេះ លោក រិន សាវ៉េត បានថ្លែងពាក្យផ្តាំផ្ញើរ គោរពអរគុណជូនដល់លោក និងលោកជំទាវ ដែលលោកទាំងពីរបានជួយឧបត្ថម ដល់គ្រួសារគាត់កំពុងជួបភាពខ្វះខាត ក្នុងការព្យាបាល។ ម៉េង កែវពេជ្ជតា និយាយថា <strong>«ក្នុងនាមនាងខ្ញុំផ្ទាល់ក៏សូមគោរពថ្លែងអំណរអរគុណ យ៉ាងជ្រាលជ្រៅបំផុត និងសូមកោតសរសើរឯកឧត្តម និងលោកជំទាវដែលតែងតែធ្វើការ បរិច្ចាគធនធានផ្ទាល់ខ្លួន យ៉ាងច្រើនជួយដល់សិល្បករ-សិល្បការិនី ដែលជួបជីវភាពខ្វះខាត និងឈឺថ្កាត់ ជាច្រើននាក់ច្រើនលើកដោយពុំបានប្រាថ្នា ទាមទារយកគុណសម្បត្តិអ្វី បន្តិចឡើយ.!»</strong>។</span></p>
<p><span style="color: #000000;">អ្នកនាង ម៉េង កែវពេជ្ជតា ក៏បានបន្ថែមទៀតថា <strong>«ទឹកចិត្តល្អបរិសុទ្ធ និងភាពសប្បុរសដ៏គួរឲ្យគោរព របស់ឯកឧត្តមពិតជាធ្វើឲ្យយើងខ្ញុំ មានភាពកក់ក្តៅ និងរំភើបស្ទើរស្រក់ទឹកភ្នែក ។ នាងខ្ញុំកូនៗ សូមគោរពដឹងគុណ ចំពោះលោកទាំងពីរ ដែលតែងតែមានក្តីមេត្តាករុណា ដល់យើងខ្ញុំជារៀងរហូតមក..!»</strong>៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-26-17-14-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-26-17-14-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-26-17-14-44-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>