<div class="summary">
<p>iPhone ម៉ូដែលអន្តរជាតិ គឺជា iPhone ដែលអាចប្រើប្រាស់បាននៅគ្រប់បណ្តាប្រទេសទាំងអស់ បើទោះ ជាអ្នកប្រើប្រាស់ យកវាទៅដល់ប្រទេសណាមួយក៏ដោយ នៅលើសកលលោកនេះ។ ផ្ទុយទៅវិញ iPhone lock គឺត្រូវបានជាប់សោរ (លេខកូដ) របស់ប្រព័ន្ធទូរស័ព្ទចល័ត ទៅតាមប្រទេសនីមួយៗ ជាក់ ស្តែងនៅអាមេរិច មានប្រព័ន្ធទូរស័ព្ទចល័តដូចជា AT&T , T-Mobile, Sprint, Verizon ជាដើម។</p>
<p>ប្រហែលជាមនុស្សមួយចំនួន ធ្លាប់បានដឹងមកហើយ ពីការកំណត់សំគាល់ឲ្យដឹងច្បាស់ថា មួយណាជា iPhone Lock (ជាប់កូដ) ហើយមួយណាជា iPhone International (អន្តរជាតិ)។ ប៉ុន្តែសម្រាប់អ្នកមិនទាន់ ធ្លាប់បានដឹង ខាងក្រោមនេះគឺជាការកំណត់សំគាល់ ដើម្បីឲ្យដឹង iPhone Lock ឬ iPhone អន្តរជាតិ (Unlock)។</p>
<p><a class="thickbox" title="" href="/FileManager/Commons/2014/6/7/jkytagh-07-06-2014--17-04-06.png"><img src="/FileManager/Articles/mce/2014/6/7/jkytagh-07-06-2014--17-04-06.png" alt="" /></a></p>
<p>អ្នកប្រើប្រាស់ គ្រាន់តែចូលទៅកាន់គេហទំព័រ iphoneimei.info បន្ទាប់មកវាយលេខ IMEI ចូលក្នុង ប្រអប់។ នៅត្រង់អក្សរ SIM Lock អ្នកនឹងសង្កេតឃើញថា ម៉ូដែលអន្តរជាតិ នឹងមានអក្សរសរសេរ យ៉ាងច្បាស់ថា Unlocked ហើយផ្ទុយមកវិញបើឃើញអក្សរសរសេរថា<strong> </strong>Locked ឬ Unknown នោះ បញ្ជាក់ថា iPhone របស់អ្នកជាម៉ូដែល Lock (ជាប់កូដ)។</p>
<p><a class="thickbox" title="" href="/FileManager/Commons/2014/6/7/32img2-07-06-2014--17-04-57.png"><img src="/FileManager/Articles/mce/2014/6/7/32img2-07-06-2014--17-04-57.png" alt="" /></a></p>
<p>របៀបយកលេខ IMEI: ចូល Setting -> General -> About នោះអ្នកនឹងឃើញលេខ IMEI ដែលត្រូវ យកទៅបំពេញក្នុងប្រអប់ ក្នុងគេហទំព័រ iphoneimei.info ហើយ៕</p>
<p> </p>
</div>
<p style="text-align: right;">ប្រែសម្រួល៖ សិលា<br />ប្រភព៖ zing</p>