<p><span style="color: #000000;">ភ្នំពេញ៖ ក្រសួងសុខាភិបាល បានអំពាវនាវដល់ប្រជាពលរដ្ឋទាំងអស់ ត្រូវប្រុងប្រយ័ត្នជំងឺចំនួន ៧មុខ ដែលកើតមានញឹកញាប់ក្នុងរដូវភ្លៀង ក្រោយពីក្រសួងធនធានទឹកបានប្រកាសថា រដូវវស្សាបានឈានមកហើយកាលពីក្នុងសប្តាហ៍ទី៣នៃខែឧសភានេះ។</span></p>
<p><span style="color: #000000;">លោក លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានឲ្យដឹងកាលពីថ្ងៃសៅរ៍ថា ជំងឺ៧មុខ ដែលកើតមានញឹកញាប់នៅក្នុងរដូវភ្លៀងនោះ មានដូចជា ជំងឺគ្រុនឈាមនិងគ្រុនចាញ់ ជំងឺគ្រុនផ្តាសាយ ជំងឺគ្រុនក្តៅ ជំងឺចំលងពីចំណីអាហារ ជំងឺចម្លងពីទឹក ជំងឺអាសន្នរោគ និងជំងឺលិបតូ ដែលចម្លងពីទឹកនោមសត្វកណ្តុរ ដែលច្រើនកើតមាននៅពេលមានលិចទឹក។</span></p>
<p><span style="color: #000000;">លោកលី សូវ៉ាន់ បានណែនាំនូវវិធានការមួយចំនួន ដើម្បីថែរក្សាសុខភាពក្នុងពេលរដូវភ្លៀង ដូចជា ត្រូវអនាម័យខ្លួនប្រាណ បំបាត់ដង្កូវទឹកនិងជម្រកមូស បរិភោគអាហារប្រកដោយអនាម័យ បរិភោគអាហារសំបូរវីតាមីនសេ ងូតទឹកក្រោយត្រូវទឹកភ្លៀង ទទួលទានទឹកយ៉ាងតិចឲ្យបាន២លីត្រក្នុងមួយថ្ងៃ រក្សាអាវភ្លៀង ឆ័ត្រ និងស្បែកជើងលុយទឹកជាមួយអ្នកជានិច្ច និងត្រូវទទួលទានទឹកក្តៅ ទឹកស៊ុប ទឹកដោះគោក្តៅជាដើម។</span></p>
<p><span style="color: #000000;"><a class="thickbox" title="" href="/FileManager/Commons/2019/5/21/1-21-05-2019--10-35-53.PNG"><img src="/FileManager/Articles/mce/2019/5/21/1-21-05-2019--10-35-53.PNG" alt="" /></a><br /></span></p>
<p><span style="color: #000000;">លោកថា៖ «រដូវភ្លៀងឈានចូលមកដល់ហើយ សូមបងប្អូនការពារសុខភាពឲ្យបានល្អ»។</span></p>
<p><span style="color: #000000;">ការណែនាំរបស់ក្រសួងបានធ្វើឡើង ស្របពេលដែលក្រសួងធនធានទឹក និងឧតុនិយម បានជូនដំណឹងពីស្ថានភាពអាកាសធាតុថា រហូតមកដល់ពេលនេះ ឥទ្ធិពលបាតុភូត El Nino បានថយចុះជាបន្តបន្ទាប់ ប៉ុន្តែនៅតែបន្តមានអត្ថិភាពនៅលើកម្ពុជានៅឡើយ។ តែក្រសួងថា៖ «រដូវវស្សាសបានចាប់ផ្តើមហើយ ដោយគិតពីដើមសប្តាហ៍ទី៣ ខែឧសភា កន្លងមកនេះ»។</span></p>
<p><span style="color: #000000;">ក្រសួងបន្តថា ចាប់ពីថ្ងៃទី២១ដល់ថ្ងៃទី២៥ ខែឧសភា ជ្រលងសម្ពាធទាប និងខ្យល់មូសុងនិរតី ចាប់ផ្តើមបង្កើនឥទ្ធិពលឡើងវិញ ដែលជាហេតុធ្វើឲ្យកម្រិតទឹកភ្លៀងមាន ភាពកើនឡើងជាលំដាប់ក្នុងកម្រិតពីមធ្យមទៅបង្គួរ និងមានភាពរ៉ាយប៉ាយកាន់តែល្អប្រសើរ ខណៈដែលបាតុភូត(Thunderstorm)ផ្គររន្ទះ និងខ្យល់កន្ត្រាក់ នៅតែបន្តកើតមានច្រើន ដែលតម្រូវឲ្យមានការប្រុងប្រយ័ត្នខ្ពស់ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/21/khmertime-21-05-2019--10-36-02.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>