<p><span style="color: #000000;"><strong>(ម៉ាឌ្រីដ)៖</strong> ក្រុមយក្សរបស់អេស្ប៉ាញ FC Barcelona បានគ្រងតំណែងជើងឯកពានលំដាប់ទី២ Copa del Rey ឆ្នាំ ២០១៦ ជាលើកទី២៨ ប្រចាំក្លឹប ក្រោយពីបំបាក់គូប្រជែងជើងខ្លាំង Sevilla ដោយលទ្ធផលបច្ចេកទេស ២-០ ក្នុងវគ្គផ្តាច់ព្រ័ត្រនៅកីឡដ្ឋាន Vicente Calderon របស់ក្លឹប Atletico Madrid យប់មិញនេះ ។</span></p>
<p><span style="color: #000000;">តាមរយៈសារព័ត៌មាន BBC បានផ្សាយឲ្យដឹងថា កីឡាករខ្សែបម្រើប្រយុទ្ធ Jordi Alba ជាអ្នកស៊ុតគ្រាប់បំបែកពងមាន់ Sevilla នៅនាទីទី៩៧ ក្នុងខណៈដែលនៅសល់សមាជិកតែ១០នាក់ដូចគ្នា ក្រៅពីបាត់បង់ខ្សែការពារឆ្នើម Javier Mascherano នៅនាទីទី៣៦ ដោយការចាប់តោងអាវខ្សែប្រយុទ្ធ Kevin Gameiro ឲ្យដួល និង Sevilla បានបាត់បង់ សមាជិក១រូបដូចគ្នានៅនាទីទី៩០ Ever Banega នោះ ។</span></p>
<p><span style="color: #000000;">យ៉ាងណាក៏ដោយម្ចាស់ជើងឯក La Liga រដូវកាលឆ្នាំ២០១៥-២០១៦ បន្តសម្រុករហូតដល់កីឡាករ Daniel Carrico របស់ Sevilla ទទួលបានកាតក្រហមទៀត (កាតលឿង២ដង) ដើម្បីបើកផ្លូវឲ្យខ្សែប្រយុទ្ធវ័យក្មេង Neymar រកបានគ្រាប់ទី២ឲ្យ Barca នៅនាទីទី១២០+៤ ដើម្បីមានសិទ្ធិពេញលេញក្នុងការឈ្នះពាន Copa del Rey លើកទី២៨ ដោយស្រួល និងឈ្នះពាន២ក្នុងរដូវកាលនេះផងដែរ ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/6186/production/_89766942_barcatrophyreuters.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/1208A/production/_89766837_jordialbacellyepa.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/AE7A/production/_89766644_copadelreybannergetty.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/D58A/production/_89766645_mascheranofoulreuters.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/123A/production/_89766640_mascheranoredcardreuters.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/605A/production/_89766642_unaiemeryepa.jpg" alt="" width="730" /></span></p>
<p><span style="color: #000000;"><object width="480" height="380" data="http://www.youtube.com/v/uyLtXOFxNUs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/uyLtXOFxNUs&rel=1" /></object><br /><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>