<p>រដ្ឋមន្រ្តីការបរទេសប្រទេសម៉ាឡេស៊ី បានជំរុញឲ្យប្រទេសសមាជិកអាស៊ាន ដោះស្រាយបញ្ហា<br />សមុទ្រចិនខាងត្បូង មុនពេលកិច្ចប្រជុំ នៅក្រុងប៉េ កាំង។</p>
<p>ទីភ្នាក់ងារសារព័ត៌មានបារាំង AFP បានរាយការណ៍ថា តាមការ អត្ថាធិប្បាយរបស់លោក Anifah<br /> Aman បន្ទាប់ពីការប្រជុំរយៈពេល ១ម៉ោងជាមួយនឹងដៃគូរ លោក Yang Jeichi បានថ្លែងថា <br />ប្រទេសម៉ាឡេស៊ីចង់ឲ្យសហគមន៍ប្រជាជាតិអាស៊ីអាគ្នេយ៍ជា រួមគ្នា ប្រឆាំងនឹងការអះអាងរបស់<br />ចិន ក្នុងការគ្រប់គ្រងដែនទឹកទាំងមូលនៅសមុទ្រចិនខាងត្បូង។</p>
<p><a class="thickbox" title="" href="/FileManager/Commons/2012/8/13/scarborough-shoal---philippines-image-from-google-map-13-08-2012--14-59-19.png"><img src="/FileManager/Articles/mce/2012/8/13/scarborough-shoal---philippines-image-from-google-map-13-08-2012--14-59-19.png" alt="" /></a></p>
<p>គួររំលឹកថា ប្រទេសប្រ៊ុយណេ ម៉ាឡេស៊ី ហ្វីលីពីន វៀតណាម និងតៃវ៉ាន់ ក៏ជាភាគីដែលបានពោល<br />អះអាងថា តំបន់សមុទ្រចិនភាគខាងត្បូង ដែលពោរពេញទៅដោយធនធានធម្មជាតិនោះ គឺជារបស់<br />ពួកគេផងដែរ។ </p>
<p>លោក Anifah Aman បានបញ្ជាក់ថា ការប្រឈមមុខដាក់គ្នា ដូចជាកាលពីខែមិថុនា រវាងប្រទេស<br />ហ្វីលីពីន និងចិន បានធ្វើជំនួញឆ្លងកាត់សមុទ្រ Scarborough Shoal ត្រូវបានកាត់ផ្តាច់ ប៉ះពាល់<br />ដល់វិស័យដឹកជញ្ជូនផ្លូវទឹក យ៉ាងធ្ងន់ធ្ងរ៕</p>
<p style="text-align: right;">ដោយ ៖ និរា<br />ប្រភព ៖ AFP/VE</p>