<div class="article-content">
<p><strong>ភ្នំពេញ ៖</strong> និស្សិតឆ្នាំទី១ នៅវិទ្យាស្ថាន សុខាភិបាល កងយោធពលខេមរភូមិន្ទ ហៅថា សាលា<br />ពេទ្យ បានលង់ទឹកស្លាប់ ពេលកំពុងចុះងូតទឹក រណ្ដៅជាមួយមិត្ដភ័ក្ដិ កាលពីវេលាម៉ោង ៩ និង<br />២០នាទីព្រឹក ថ្ងៃ ទី២៤ ខែឧសភា ឆ្នាំ ២០១៣ ហើយសព ជនរងគ្រោះ ត្រូវបានគេរកឃើញតាម<br />រយៈ ការអូសអួន នៅវេលាម៉ោង ១២ និង២០ នាទីរសៀលថ្ងៃដដែល ។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា មុនពេលកើតហេតុ ជនរងគ្រោះ<br />ឆក ប្រុសរាជ អាយុ ២១ឆ្នាំ ស្នាក់នៅផ្ទះលេខ ២អា ផ្លូវលេខ ៣៧១ ភូមិទ្រា សង្កាត់ស្ទឹងមានជ័យ <br />ខណ្ឌមានជ័យ រួមជាមួយមិត្ដរួមថ្នាក់ បានទៅធ្វើពលកម្ម នៅជិតរណ្ដៅទឹក ក្នុងភូមិព្រៃល្ង សង្កាត់<br /> ចោមចៅ ខណ្ឌពោធិសែនជ័យ ចាប់ពីវេលា ម៉ោង ៧ ព្រឹក ដល់ម៉ោង ៨ និង៣០នាទី ព្រឹក ដោយ<br />សារតែថ្ងៃនេះជាថ្ងៃឈប់ សម្រាកបុណ្យពិសាខបូជា ។</p>
<p>សមត្ថកិច្ចមូលដ្ឋានបានបន្ដទៀតថា ក្រោយពីធ្វើពលកម្មរួច ជនរងគ្រោះជា មួយមិត្ដភ័ក្ដិម្នាក់ទៀត<br />ឈ្មោះ យី រ៉ាដា បាន ចុះទៅហែលទឹកក្នុងរណ្ដៅ ដែលមានទំហំ ២០០គុណ៨០០ម៉ែត្រ និងមាន<br />ជម្រៅ ៦ ម៉ែត្រ ។</p>
<p>ពេលនោះមិត្ដភ័ក្ដិរបស់ជនរងគ្រោះ បានហែលពីត្រើយម្ខាង ទៅត្រើយម្ខាង ទៀត រួចជាស្ថាពរ ប៉ុន្ដែ <br />ជនរងគ្រោះពេល កំពុងហែលជិតដល់ត្រើយម្ខាង ទំនងជា អស់កម្លាំង ក៏លិចចូលទៅក្នុងទឹកលង់<br />ស្លាប់ តែម្ដងទៅ ។</p>
<p>សមត្ថកិច្ចមូលដ្ឋានបានបន្ដថា ក្រោយ កើតហេតុ និងបន្ទាប់ពីមានការភ្ញាក់ផ្អើល ឆោឡោយ៉ាងដូច្នេះ<br /> ទាំងមិត្ដភ័ក្ដិជនរង គ្រោះ និងសមត្ថកិច្ចបានជួយរាវរករហូត ដល់រកឃើញសពជនរងគ្រោះ នៅវេលា<br /> ម៉ោង ១២ និង២០នាទីរសៀលថ្ងៃដដែល រួចហើយប្រគល់ជូនក្រុមគ្រួសារយកទៅ ធ្វើបុណ្យតាមប្រពៃ<br />ណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0756.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0757.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0758.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0759.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0760.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>