<p><span style="color: #000000;">យប់ទីពីរក្នុងការធ្វើបាតុកម្មទូទាំងប្រទេស ប្រឆាំងនឹងប្រធានាធិបតីទើបជាប់ឆ្នោត លោក Donald </span><br /><span style="color: #000000;">Trump បានប្រែក្លាយទៅជាអំពើហិង្សានៅ Portland ក្នុងរដ្ឋ Oregon ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/12/usa-12-11-2016--08-23-08.jpg"><span style="color: #000000;"><img src="/FileManager/Articles/mce/2016/11/12/usa-12-11-2016--08-23-08.jpg" alt="" /></span></a></span></p>
<p style="text-align: center;"><span style="color: #000000;">បាតុកម្មប្រឆាំងលោក Trump នៅ Oregon</span></p>
<p><span style="color: #000000;">មនុស្សរាប់ពាន់នាក់បាននាំគ្នាចេញមកធ្វើបាតុកម្មនៅក្នុងក្រុង Portland ក្នុងរដ្ឋ Oregon នៃសហ</span><br /><span style="color: #000000;">រដ្ឋអាមេរិក។ ហាងទំនិញ និងហាងរថយន្តនានា ត្រូវបានវាយបំផ្លាញ នាំឱ្យនគរបាលប្រកាសអាសន្ន</span><br /><span style="color: #000000;"> នេះបើតាមទំព័រ BBC ។ ក្រុមបាតុករបានដុតផៅ និងដុតធុងដាក់សំរាម។ ប៉ុន្តែ បាតុកម្មនេះ មាន</span><br /><span style="color: #000000;">លក្ខណៈតូចជាង បើធៀបនឹងបាតុកម្មកាលពីថ្ងៃទី៩វិច្ឆិកា។</span></p>
<p><span style="color: #000000;">នគបាលនៅ Portland ឱ្យដឹងថា “ក្រោយពីការស្នើឱ្យបញ្ឈប់ការតវ៉ា នគរបាលបានប្រើប្រាស់កម្លាំង</span><br /><span style="color: #000000;">ដើម្បីចាប់ខ្លួន និងបំបែកហ្វូងបាតុករ”។</span></p>
<p><span style="color: #000000;">បណ្ដាបាតុកម្មដែលត្រូវបានធ្វើឡើងដើម្បីប្រឆាំងនឹងលោក Donald Trump នៅតែត្រូវបានធ្វើបន្ត</span><br /><span style="color: #000000;">នៅក្នុងបណ្ដាក្រុងនានានៃសហរដ្ឋអាមេរិក ក្នុងនោះមាន Los Angeles, Philadelphia, Denver, </span><br /><span style="color: #000000;">Minneapolis, Baltimore, Dallas និងក្រុង Oakland ក្នុងក្រុងរដ្ឋ California។</span></p>
<p><span style="color: #000000;">ក្រុមបាតុករភាគច្រើនគឺជាយុវវ័យ ពួកគេយល់ថា ការឡើងកាន់អំណាចរបស់លោក Trump នឹង</span><br /><span style="color: #000000;">បង្កឱ្យមានការរើសអើងជាតិសាសន៍ និងយេនឌ័រ (ភេទ)។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/12/usa1-12-11-2016--08-23-57.jpg"><span style="color: #000000;"><img src="/FileManager/Articles/mce/2016/11/12/usa1-12-11-2016--08-23-57.jpg" alt="" /></span></a></span></p>
<p style="text-align: center;"><span style="color: #000000;">បាតុកម្មប្រឆាំង Donald Trump នៅ Los Angeles</span><br /><br /></p>
<p><span style="color: #000000;">នគរបាលនៅ Portland បានចោទប្រកាន់បាតុករមួយចំនួនដែលប្រដាប់ដោយដុំថ្ម។ លោក Trump</span><br /><span style="color: #000000;"> ក៏បានរិះគន់ក្រុមបាតុករ ក្រោយពីមានជំនួបជាមួយប្រធានាធិបតី Obama នៅសេតវិមាន។</span></p>
<p><span style="color: #000000;">លោក Trump បានសរសេរនៅលើទំព័រ Twitter របស់ខ្លួនថា “នេះគឺជាការបោះឆ្នោតប្រកបដោយ</span><br /><span style="color: #000000;">ការបើកទូលាយ និងជោគជ័យ។ ពេលនេះ ក្រុមបាតុករជំនាញ កំពុងតែធ្វើបាតុកម្ម។ ពិតជាមិន</span><br /><span style="color: #000000;">មានយុត្តិធម៌សោះ”។</span></p>
<p><span style="color: #000000;">មកដល់ពេលនេះ នៅមិនទាន់មានព័ត៌មានស្ដីអំពីអំពើហិង្សាក្នុងបាតុកម្មនៅកន្លែងផ្សេង បើទោះ</span><br /><span style="color: #000000;">ដងផ្លូវហាយវ៉េកាត់តំបន់ Minneapolis ត្រូវបានបិទក្នុងរយៈពេលខ្លី។</span></p>
<p><span style="color: #000000;">នៅ Philadelphia ក្រុមបាតុករបានប្រមូលផ្ដុំគ្នានៅ Citi Hall ជាការិយាល័យកណ្ដាលរបស់ក្រុង </span><br /><span style="color: #000000;">បានលើកបដាដែលសរសេរថា “មិនមែនជាប្រធានាធិបតីរបស់យើង”, “ចូរធ្វើឱ្យប្រទេសអាមេរិក</span><br /><span style="color: #000000;">មានសុវត្ថិភាពសម្រាប់មនុស្សរាល់គ្នា”។ល។</span></p>
<p><span style="color: #000000;">នគរបាលនៅ Baltimore ឱ្យដឹងថា ក្រុមបាតុករប្រមាណជា ៦០០ បាននាំគ្នាហែក្បូនដោយសន្តិវិធី។</span><br /><span style="color: #000000;"> សិស្សសាលានៅ San Francisco ក៏បានចេញធ្វើបាតុកម្ម ដោយលើកបដា និងទង់ជាតិ Mexico </span><br /><span style="color: #000000;">ដើម្បីសំដែងការតវ៉ាប្រឆាំងនឹងគោលនយោបាយរបស់លោក Trump ដែលប្រឆាំងនឹងក្រុមមនុស្ស</span><br /><span style="color: #000000;">នេះ។</span></p>
<p><span style="color: #000000;"><object width="500" height="400" data="http://www.youtube.com/v/HXeD3V4LKUc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/HXeD3V4LKUc&rel=1" /></object></span></p>
<p><span style="color: #000000;">ហ្វូនមនុស្សមួយក្រុមក៏បានប្រមូលផ្ដុំគ្នានៅខាងក្រៅវិមាន Trump នៅ Chicago ផងដែរ។</span></p>
<p><span style="color: #000000;">នៅ New York ក្រុមបាតុករក៏បានត្រលប់មកកាន់វិមាន Trump ក្នុងយប់ទីពីរដើម្បីតវ៉ាប្រឆាំងនឹងលទ្ធ</span><br /><span style="color: #000000;">ផលនៃការបោះឆ្នោត៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ BBC</span></p>