<p><span style="color: #000000;">លទ្ធភាពច្រើនដែល iPhone ជំនាន់បន្ទាប់នឹងមានពីរម៉ូដែលផ្សេងគ្នា គឺម៉ូដែលស៊េរីខ្ពស់ និងម៉ូដែលស៊េរី តម្លៃទាប ជាមួយនឹងគុណភាពអេក្រង់ផ្សេងគ្នា។</span></p>
<p><span style="color: #000000;">តាមប្រភពព័ត៌មានពីសារព័ត៌មានជាច្រើន កាលពីពេលកន្លងមក បានកំណត់បញ្ជាក់ថា iPhone 7 នឹង មិនប្រើប្រាស់អេក្រង់ OLED នោះទេ ពោលគឺបច្ចេកវិទ្យាអេក្រង់នេះ នឹងត្រូវយកមកប្រើនៅឆ្នាំ២០១៨។ ប៉ុន្តែមានសារព័ត៌មានមួយ កាលពីពេលថ្មីៗនេះ បានបង្ហាញឲ្យឃើញថា លទ្ធភាពច្រើនដែល iPhone នឹងត្រូវបានបំពាក់បច្ចេកវិទ្យាអេក្រង់ OLED ឆាប់ជាងពេលវេលា ដែលបណ្តាព័ត៌មានចចាមអារាមបាន ចុះផ្សាយកាលពីមុនដោយផ្អែកទៅលើ កាលពីពេលថ្មីៗនេះ LG បានធ្វើការបញ្ជាក់ពីការវិនិយោគទុន ជាង ៨,៤ ពាន់លានដុល្លារ សម្រាប់ផែនការផលិត OLED ថ្មី។ កត្តានេះបង្ហាញឲ្យឃើញថា ក្រុមហ៊ុន ហាក់ដូចជាមានតម្រូវការភ្លាមៗមួយ ចំពោះអេក្រង់ប្រភេទនេះ។</span></p>
<p><span style="color: #000000;"><span style="color: #3366ff;"><a href="http://www.camnews.com.kh/News/Detail/46738/casetop-can-make-every-phone-becomes-laptop"><span style="color: #3366ff;"><em>អានអត្ថបទ៖ Dock មួយនេះអាចប្រែក្លាយស្មាតហ្វូន Android, iOS, BlackBerry ទៅជាកុំព្យូទ័រ laptop មានលក្ខណៈយ៉ាងពេញលេញ</em></span></a></span><br /></span></p>
<p><span style="color: #000000;"><a class="thickbox" title="" href="/FileManager/Commons/2015/11/30/iphone6svsiphone6video2-30-11-2015--19-54-33.png"><img src="/FileManager/Articles/mce/2015/11/30/iphone6svsiphone6video2-30-11-2015--19-54-33.png" alt="" /></a><br /></span></p>
<p><span style="color: #000000;">LG មិនបាននិយាយអ្វីទៅដល់ iPhone នៅក្នុងរបាយការណ៍សារព័ត៌មានថ្មីបំផុតនេះទេ ហើយទន្ទឹមនឹង នោះក៏មិនបានរំលឹកអ្វីទៅដល់ស្មាតហ្វូននោះដែរ។ ប៉ុន្តែក្រុមហ៊ុននេះ បានបញ្ជាក់ថា រោងចក្រថ្មីនឹង ដាក់ទីតាំងនៅ Paju ហើយបើតាមការរំពឹងទុក នឹងដាក់ឲ្យដំណើរការនៅពាក់កណ្តាលដើមឆ្នាំ ២០១៨ ខាងមុខនេះ។ ពេលវេលានេះហាក់ដូចជាស្របទៅនឹងពេលវេលា ដែលបណ្តាព័ត៌មានចចាមអារាម កាលពីពេលមុនៗ បានឲ្យដឹងថា អេក្រង់ OLED នឹងបំពាក់នៅលើ iPhone នៅក្នុងឆ្នាំ ២០១៨។</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/17111/zuk-z2-to-come-with-rotating-camera"><em><span style="color: #3366ff;">អានអត្ថបទ៖ លេចចេញស្មាតហ្វូនមានរាងដូច iPhone 6 មួយទៀត ជាមួយនឹងផ្នែកខាងលើ អាចបង្វិល កាមេរ៉ាទៅមុខក្រោយបាន</span></em></a></span><br /></span></p>
<p><span style="color: #000000;">យោងតាមប្រភពពី LG រោងចក្រ P10 នឹងមានភារកិច្ចផ្គត់ផ្គង់តម្រូវការ បន្ទះអេក្រង់ OLED សម្រាប់ បណ្តាឆ្នាំបន្តបន្ទាប់ពេលអនាគត ដែលនឹងផលិតទាំងបន្ទះអេក្រង់ធំសម្រាប់ទូរទស្សន៍ និងប្រភេទតូច សម្រាប់ស្មាតហ្វូន ក៏ដូចជាអេក្រង់បញ្ជានៅក្នុងរថយន្តផងដែរ។</span></p>
<p><span style="color: #000000;">បច្ចុប្បន្ន LG កំពុងជាអ្នកផ្គត់ផ្គង់ OLED សម្រាប់ Apple Watch ហើយក្នុងរបាយការណ៍ជាច្រើនកាលពី ពេលមុនបានឲ្យដឹងថា ទាំងក្រុមហ៊ុន LG និង Samsung អាចនឹងជាក្រុមហ៊ុនផ្គត់ផ្គង់តម្រូវការអេក្រង់ OLED សម្រាប់ iPhone របស់ Apple។</span></p>
<p><span style="color: #000000;">គួរឲ្យកត់សម្គាល់ផងដែរថា Foxconn ក៏កំពុងតែដំឡើងរោងចក្រមួយ ដើម្បីផលិតបន្ទះអេក្រង់ LCD សម្រាប់ iPhone ។ បើតាមការរំពឹងទុក រោងចក្រនេះនឹងដាក់ដំណើរការនៅដើមឆ្នាំ ២០១៨ ខាងមុខ នេះ។ ប្រភពពីសារព័ត៌មាន Korean Times បានឲ្យដឹងបន្ថែមថា Foxconn នឹងផលិត LCD សម្រាប់ ម៉ូដែល iPhone តម្លៃទាប៕</span></p>
<p><span style="color: #000000;"><span style="color: #000000;"><span style="color: #3366ff;"><em><a href="http://www.camnews.com.kh/News/Detail/35566/apple-plans-to-nix-35mm-port-on-iphone-7"><span style="color: #3366ff;">អានអត្ថបទ៖ Apple នឹងបោះបង់ចោល រន្ធដោតកាស 3,5 mm ព្រោះចង់ផលិត iPhone 7 ស្តើងជាងមុន, ប្តូរទៅប្រើ Lightning វិញ?</span></a></em></span></span><br /></span></p>
<p> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>Zing, Korean Times</em></p>