<p><span style="color: #000000;"><strong>កំពង់ចាម៖</strong> កម្លាំងនគរបាលយាមនៅស្ពានគីហ្សូណា និងនគរបាលប៉ុស្តិ៏វាលវង់ ក្រុងកំពង់ចាម បានរត់ទៅចាប់ស្រីស្រស់ស្អាតម្នាក់ ក្រោយនាងប៉ងលោតសម្លាប់ខ្លួន ពីលើស្ពានគីហ្សូណា ពីព្រោះខឹងឪពុកម្តាយ តែយមបាលមិនទាន់ត្រូវការ ក៏រួចពីសេចក្តីស្លាប់តែម្តង ដែលករណីនេះ បានបង្កឲ្យមានការភ្ញាក់ផ្អើល ដល់ប្រជាពលរដ្ឋ នៅល្ងាចថ្ងៃទី៥ ខែតុលា ឆ្នាំ២០១៥ ស្ថិតនៅចន្លោះសរសរ p10-p11 ក្រុងកំពង់ចាម ខេត្តកំពង់ចាម។</span></p>
<p><span style="color: #000000;">មន្រ្តីនគរបាលយាមស្ពានគីហ្សូណា បាននិយាយថា នារីរងគ្រោះមានឈ្មោះ សេង សុជាតា អាយុ២៧ឆ្នាំ រស់នៅភូមិទី១០ សង្កាត់កំពង់ចាម ក្រុងកំពង់ចាម បានប្រាប់សមត្ថកិច្ចថា ខឹងឪពុកម្តាយតែមិនដឹងថា មូលហេតុអី្វពិតប្រាកដនោះឡើយ ។</span></p>
<p><span style="color: #000000;">ក្រោយប៉ងសម្លាប់ខ្លួនមិនបានសម្រេច ក្រោយសមត្ថកិច្ចជួយទាន់នេះ នារីរងគ្រោះត្រូវបាននាំយកទៅសួរនាំ នៅប៉ុស្តិនគរបាលវាលវង់ ដើម្បីទាក់ទងទៅក្រុមគ្រួសារមកទទួលយកទៅវិញ។</span></p>
<p><span style="color: #000000;">សូមបញ្ជាក់ថា រយ:ពេលថ្មីៗនេះ មានមនុស្ស៣នាក់ហើយ ដែលប៉ងលោតសម្លាប់ខ្លួនពីលើស្ពាន គីហ្សូណា ប៉ុន្តែមិនបានសម្រេច ទាំងអស់ ក្រោយសមត្ថកិច្ ចជួយអន្តរាគមន៏ទាន់ពេលវេលា៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/6/10-6-2015-11-06-12-am-06-10-2015--11-13-44.png"><span style="color: #000000;"><img src="/FileManager/Articles/mce/2015/10/6/10-6-2015-11-06-12-am-06-10-2015--11-13-44.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>