<p><span style="color: #000000;">បច្ចុប្បន្ន Samsung កំពុងតែធ្វើការចរចារ ដើម្បីប្រើប្រាស់នូវថ្ម ដែលផលិតដោយ LG Chem ដែលជាក្រុមហ៊ុនកូនរបស់ LG គឺផលិតសម្រាប់បណ្តាស្មាតហ្វូនស៊េរីក្រោយៗរបស់ខ្លួន។ សកម្មភាពនេះ ត្រូវ បានគេឲ្យដឹងថា គឺជាការបង្កើននូវជម្រើសឲ្យបានច្រើននូវអ្នកផ្គត់ផ្គង់ថ្ម ដើម្បីចៀសវាងការកើតឡើង សារជាថ្មីពាក់ព័ន្ធនឹងបញ្ហាថ្ម ដូចមាននៅលើ Galaxy Note 7 កន្លងទៅនេះ។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/12/20/s4reutersmedianet-20-12-2016--08-46-09.jpg"><img src="http://camnews.com.kh/FileManager/Articles/mce/2016/12/20/s4reutersmedianet-20-12-2016--08-46-09.jpg" alt="" /></a><br /></span></p>
<p><span style="color: #000000;">បណ្តាគំរូស្មាតហ្វូនរបស់ Samsung បច្ចុប្បន្ននេះប្រើប្រាស់ថ្ម មកពីប្រភពពីរផ្សេងគ្នាគឺ Samsung SDI និង ក្រុមហ៊ុន Amperex Technology របស់ចិន។ សារព័ត៌មាន Chosun Ilbo បានបញ្ជាក់ឲ្យដឹងថា លទ្ធភាព ទទួលបានជោគជ័យពីការចរចារខាងលើនេះ គឺមានដល់ ៩០% ហើយថ្មរបស់ LG នឹងចាប់ ផ្តើមផលិតបំពាក់នៅលើបណ្តាស្មាតហ្វូន Samsung ចាប់ពីពាក់កណ្តាលចុងឆ្នាំ ២០១៧ ខាងមុខនេះ។</span></p>
<p><span style="color: #000000;">គួរបញ្ជាក់ឲ្យដឹងផងដែរថា បច្ចុប្បន្ន LG Chem គឺជាអ្នកផ្គត់ផ្គង់ថ្ម ដ៏សំខាន់ ដល់បណ្តាស្មាតហ្វូន LG និង Apple៕</span></p>
<p> </p>
<p style="text-align: right;"><em>ប្រែសម្រូល៖ មង្គល</em><br /><em> ប្រភព៖ Reuter, Tinhte</em><span style="color: #000000;"><br /></span></p>