<p><span style="color: #000000;"><strong>ភ្នំពេញ ៖</strong> ខុទ្ទកាល័យ សម្តេចតេជោ ហ៊ុន សែន បានប្រកាស បដិសេធចំពោះ Facebook ក្លែងក្លាយមួយចំនួន ដែលប្រើឈ្មោះស្រដៀងគ្នានឹង Facebook ពិតរបស់សម្តេចតេជោ ហ៊ុន សែន ដែលត្រូវបានបង្កើតឡើង ក្នុង គោលបំណងរិះគន់វាយប្រហារ និងបង្កបង្ខូចកេរ្តិ៍ឈ្មោះ ប្រមុខរាជរដ្ឋាភិបាល និងបង្កភាពចលាចល ។</span></p>
<p><span style="color: #000000;">Facebook ក្លែងក្លាយនេះ មានឈ្មោះថា «Samdach Hun Sen, Cambodian Prime Minister» ខណៈដែល Facebook ពិតរបស់សម្តេចតេជោ «Samdech Hun Sen, Cambodian Prime Minister» ពោលខុសគ្នាតែ បន្តិចប៉ុណ្ណោះ គឺត្រង់ពាក្យ «Samdech» និង «Samdach»។</span></p>
<p><span style="color: #000000;">ទោះជាយ៉ាងនេះក្តី Facebook ដែលខុទ្ទកាល័យនាយករដ្ឋមន្រ្តី អះអាងថា ក្លែងក្លាយនេះ ទើបនឹងទទួលបានអ្នក គាំទ្រ (Likes) ចំនួនជាង១ពាន់ប៉ុណ្ណោះ ខណៈដែលទំព័រ Facebook ពិត និងផ្លូវការរបស់សម្តេចតេជោ មាន អ្នកគាំទ្រជាង ១លាន៣សែននាក់ ។</span></p>
<p><span style="color: #000000;">ខុទ្ទកាល័យសម្តេចតេជោ ហ៊ុន សែន ក៏បានអំពាវនាវ ឱ្យអ្នកបង្កើតទំព័រក្លែងក្លាយនេះ បញ្ឈប់សកម្មភាពរបស់ខ្លួន តទៅទៀត ហើយលុបចោលនូវ ឈ្មោះក្លែងក្លាយនេះ បើមិនដូច្នោះទេ នៅពេលដែលក្រុមសមត្ថកិច្ចជំនាញស្រាវ ជ្រាវឃើញ នឹងអាចទទួលខុសត្រូវ ចំពោះមុខច្បាប់ជាធរមាន ៕</span></p>
<p><span style="color: #000000;">ខាងក្រោមនេះជា Facebook ក្លែងក្លាយដែលប្រើ ប្រាស់ឈ្មោះ សម្តេចតេជោ ហ៊ុន សែន ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/18/11-18-2015-4-48-18-pm-18-11-2015--16-55-42.png"><span style="color: #000000;"><img src="/FileManager/Articles/mce/2015/11/18/11-18-2015-4-48-18-pm-18-11-2015--16-55-42.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/18/t-0174-18-11-2015--16-55-59.jpg"><span style="color: #000000;"><img src="/FileManager/Articles/mce/2015/11/18/t-0174-18-11-2015--16-55-59.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>