<p><span style="color: #000000;"><strong>ភ្នំពេញ៖</strong> រឿងរ៉ាវស្នេហា ពោរពេញដោយភាពចម្រូងចម្រាស និងការដាក់រនាំងរារាំងពីឪពុក គឺលោក អ៊ិន សុភិន ទៅលើកូនស្រីនាង ភិន សុដាលីស និងតារាសម្តែងប្រុស លោក ប៉ែន ចំរ៉ុង កំពុងតែក្លាយទៅជារឿងក្តៅគគុក និង លេចធ្លោខ្លាំងក្នុងបណ្ដាញសារព័ត៌មាន រយៈពេលជិត១សប្ដាហ៍មកនេះ។ ទន្ទឹមជាមួយគ្នានោះ ដែរ ក៏មានតារាៗមួយចំនួន អត់ទ្រាំ និងទង្វើផ្តាច់ការរបស់ លោក អ៊ិន សុភិន មិនបានក៏នាំគ្នាបញ្ចេញសារម្នាក់មួយ ក្នុងបំណងចង់ឲ្យលោកយល់ ពីទឹកចិត្តមនុស្សពីរនាក់ស្រលាញ់គ្នាផង ។</span></p>
<p><span style="color: #000000;">ពិធីការិនីនៅក្នុងកម្មវិធី «តុបំភ្លឺ» អ្នកនាង ពេជ្រ សេរីរ័ត្ន បានរំលេចសារមិនគាំទ្រទង្វើរបស់ចាងហ្វាងផលិតកម្ម មហាហង្ស រូបនេះ ថា «ខឹងខុស ខឹងខូច ខឹងខាត លើលោកនេះគ្រប់បញ្ហាតែងមានដំណោះស្រាយ គ្រប់ដំណោះស្រាយ ត្រូវការពេលវេលា គ្រួសារណាក៏ជៀសមិនផុតពីបញ្ហា ចង្កៀងផ្ទះអ្នកណាភ្លឺផ្ទះអ្នកនោះ អ្នកក្រៅមិនអាចកាត់សេចក្តីបាន តែខ្ញុំគ្រាន់តែយល់ថា ចាប៉ីកាន់តែតឹង អាចនឹងដាច់ខ្សែ វាមានតែការបាត់បង់កិត្តិយស ហើយអ្វីដែលចំណេញគឺ វិប្បដិសារី បើធ្វេសប្រហែស…» ។</span></p>
<p><span style="color: #000000;">តារាសម្តែង ដែលទើបតែសម្រាលបានកូនស្រីម្នាក់ កាលពីពេលកន្លងទៅថ្មីៗនេះ អ្នកនាង ឆយី បានទម្លាយសារខ្លីមួយ ដោយនាងបានសរសេរថា «តើវាជាកំហុសអ្នកណា.....? ពូហា..នេះជាកូនស្រីពូណា មិនមែនជាទាសករពូទេ...ហើយពូមានអារម្មណ៍បែបណា ពេលបានមើល video នេះ ហើយ ... នេះជាជីវិតមនុស្សណាពូ....មិនមែនសត្វឆ្កែ ដែលត្រូវអូសក ទៅណាក៏បានតាមចិត្តពូទេ..» ។</span></p>
<p><span style="color: #000000;">ដោយឡែកភរិយារូបស្អាត របស់អតីតតារាសម្តែង ដែលធ្លាប់មានឈ្មោះល្បី ក្នុងសង្គមសិល្បៈ លោក ស៊ុក សុភា បានបញ្ចេញសារផងដែរថា «បើនិយាយអ៊ីចឹង តាំងពីមុនទាគេ ១លានដុល្លារ បែបអាចយល់ចិត្តតិច។ បើខាងប្រុសក្បាលខូច ហាមកូនស្រីមិនស្ដាប់ មកហែកហួរកូនស្រីឯងអ៊ីចឹង ដូចជាមិនសមទេ។ ការដែលចង់យកឈ្នះ ចំរ៉ុង អាចឲ្យកូនស្រី អាប់មុខអស់មួយជីវិត »។</span></p>
<p><span style="color: #000000;">សូមជម្រាបផងដែរថា រយៈពេលជិត១សប្តាហ៍ ហើយដែលគ្រួសារត្រកូល អ្នកមានទ្រព្យ និងជាម្ចាស់ចាងហ្វាងផលិតកម្ម មហាហង្ស លោក អ៊ិន សុភិន និងតារាប្រុសរូបសង្ហា លោក ប៉ែន ចំរ៉ុង បានផ្ទុះភាពចម្រូងចម្រាសជាមួយគ្នា រហូតដល់មានការផ្ទុះអំពើហឹង្សា ជាមួយគ្នាថែមទៀតផង ។ មិនតែប៉ុណ្ណោះកាលពីម្សិលមិញនេះ លោក ប៉ែន ចំរ៉ុង ថែមទាំងត្រូវបានតុលាការកោះ ហៅឲ្យចូលបំភ្លឺផងដែរ ក្រោយពី លោក អ៊ិន សុភិន បានដាក់ពាក្យបណ្តឹង ទៅតុលាការថា លោក ចំរ៉ុង មានជាប់ពាក់ព័ន្ធទៅ និងរឿងដែលកូនស្រីលោកបាត់ខ្លួន ។ ប៉ុន្តែការកោះហៅនោះ គឺគ្រាន់តែកោះហៅ តាមទូរស័ព្ទប៉ុណ្ណោះ ពោលគ្មានដីកា តាមនិតិវិធីច្បាប់នោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/3/60-03-09-2015--11-30-50.jpg"><img src="/FileManager/Articles/mce/2015/9/3/60-03-09-2015--11-30-50.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/3/60-03-09-2015--11-30-50.jpg"></a><a class="thickbox" title="" href="/FileManager/Commons/2015/9/3/61-03-09-2015--11-31-01.jpg"><img src="/FileManager/Articles/mce/2015/9/3/61-03-09-2015--11-31-01.jpg" alt="" /></a></span></p>
<p><a class="thickbox" title="" href="/FileManager/Commons/2015/9/3/62-03-09-2015--11-31-09.jpg"><img src="/FileManager/Articles/mce/2015/9/3/62-03-09-2015--11-31-09.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/3/61-03-09-2015--11-31-01.jpg"></a></span></p>
<p><a class="thickbox" title="" href="/FileManager/Commons/2015/9/3/63-03-09-2015--11-31-16.jpg"><img src="/FileManager/Articles/mce/2015/9/3/63-03-09-2015--11-31-16.jpg" alt="" /></a></p>
<p><a class="thickbox" title="" href="/FileManager/Commons/2015/9/3/42-03-09-2015--11-31-28.jpg"><img src="/FileManager/Articles/mce/2015/9/3/42-03-09-2015--11-31-28.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>