<p><span style="color: #000000;"><strong>(អេហ្ស៊ីប)៖</strong> គ្រោះថ្នាក់ធ្លាក់យន្តហោះបានកើតឡើងទៀតហើយ នៅឆ្នាំ២០១៦នេះ បន្ទាប់ពីបានកើតឡើងជាហូរហែនៅឆ្នាំ២០១៤ និង២០១៥មក។ នៅថ្ងៃទី១៩ ខែឧសភា ឆ្នាំ២០១៦នេះ យន្តហោះមួយគ្រឿង របស់ក្រុមហ៊ុនអាកាសចរណ៍ EgyptAir ផ្ទុកមនុស្សអ្នកដំណើរចំនួន៦៩នាក់ បានធ្លាក់នៅក្នុងសមុទ្រមេឌីទែរ៉ាណេ ក្បែរកោះ Karpathos របស់ប្រទេសក្រិក។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/20/11-20-05-2016--10-05-36.jpg"><img src="/FileManager/Articles/mce/2016/5/20/11-20-05-2016--10-05-36.jpg" alt="" /></a><br /></span></p>
<p><span style="color: #000000;">យន្តហោះដែលបានធ្លាក់ គឺជើងហោះ Flight 804 របស់ក្រុមហ៊ុនអាកាសចរណ៍ EgyptAir ហោះហើរពីទីក្រុងប៉ារីស ប្រទេសបារាំង ទៅកាន់ទីក្រុងគែរ ប្រទេសអេហ្ស៊ីប ហើយយន្តហោះដែលធ្លាក់ ជាប្រភេទយន្តហោះ Airbus 320។</span></p>
<p><span style="color: #000000;"><strong>តើអ្នកដឹងថាទេ ថាយន្តហោះរបស់ក្រុមហ៊ុនអាកាសចរណ៍ EgyptAir ដែលកំពុងបាត់ខ្លួននោះ តម្លៃប៉ុន្មាន? នៅពេលនេះ FRESH NEWS សូមបកស្រាយចម្ងល់នេះ ជូនប្រិយមិត្តអ្នកអាន៖</strong></span></p>
<p><span style="color: #000000;">យន្តហោះរបស់ក្រុមហ៊ុន EgyptAir ជាប្រភេទយន្តហោះ Airbus A320 ដូចទៅនឹងយន្តហោះរបស់ ក្រុមហ៊ុនអាកាសចរណ៍អាល្លឺម៉ង់ Germanwings ដែលបានធ្លាក់ កាលពីថ្ងៃទី២៤ ខែមីនា ឆ្នាំ២០១៥ បានសម្លាប់មនុស្ស១៥០នាក់ និងយន្តហោះរបស់ក្រុមហ៊ុនអាកាសចរណ៍ AirAsia ដែលបានធ្លាក់នៅក្នុងសមុទ្រ Java កាលពីថ្ងៃទី២៨ ខែធ្នូ ឆ្នាំ២០១៤ សម្លាប់មនុស្ស ១៦២នាក់ដែរ ហើយតម្លៃរបស់យន្តហោះនេះក៏ប្រហាក់ប្រហែលគ្នា។</span></p>
<p><span style="color: #000000;">យន្តហោះ Airbus A320 ផលិតដោយក្រុមហ៊ុន Airbus របស់ប្រទេសបារាំង ហើយយន្តហោះប្រភេទ Airbus A320 ចាប់ផ្តើមហោះហើរសាកល្បងលើកដំបូង នៅថ្ងៃទី២២ ខែកុម្ភៈ ឆ្នាំ១៩៨៧ និង ហោះហើរជាផ្លូវការនៅថ្ងៃទី១៨ ខែមេសា ឆ្នាំ១៩៨៨ ដោយក្រុមហ៊ុនអាកាសចរណ៍ Air France។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/20/11a-20-05-2016--10-05-45.jpg"><img src="/FileManager/Articles/mce/2016/5/20/11a-20-05-2016--10-05-45.jpg" alt="" /></a><br /></span></p>
<p><span style="color: #000000;">បើយោងតាមប្រភពព័ត៌មានពី គេហទំព័ររបស់ក្រុមហ៊ុន Airbus យន្តហោះ Airbus A320 មានម៉ាស៊ីន២ ដែលអាចជាប្រភេទ CFM56-5A1 ឬ CFM56-5B4 អាចផ្ទុកអ្នកដំណើរបានចំនួន១៨០នាក់ បើកបានក្នុងល្បឿន៨៣៧គីទ្បូម៉ែត្រក្នុងមួយម៉ោង ដោយហោះបានចម្ងាយឆ្ងាយបំផុត ៤,៤៤២គីទ្បូម៉ែត្រ ក្នុងរយៈកម្ពស់ជាង១០គីឡូម៉ែត្រ អាចដឹងទំនិញបានទម្ងន់៩,៤៣៥គីទ្បូក្រាម, ផ្ទុកប្រេងឥន្ធនៈបានចំនួន២៣,៨៥៩លីត្រ ហើយវាមានប្រវែង ៣៧.៥៧ម៉ែត្រ។ យន្តហោះ Airbus A320 នេះមានតម្លៃប្រមាណ ៩៧លានដុល្លារអាម៉េរិក៕</span></p>
<p><span style="color: #000000;"><img src="https://pbs.twimg.com/media/CiycOiAUYAAWvKW.jpg:large" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/13256370_1603554106625621_4008039516671471268_n.jpg?oh=123050af75888fc7408479451e85f679&oe=57DCA862&__gda__=1474107954_bcbdf4e87580d6263da9ce9a8d79b4a0" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>