<p><span style="color: #000000;"><strong>(ភ្នំពេញ)៖</strong> ជំនួបជម្រុះពានរង្វាន់ AFC Asian Cup 2019 ជើងទី១ រវាងក្រុមជម្រើសជាតិកម្ពុជា និងក្រុមឆាយនីសតៃប៉ិ និងចាប់ផ្ដើមនាវេលាម៉ោង ៦ល្ងាចនេះ (ម៉ោងនៅកម្ពុជា) ដោយទូរទស្សន៍ BTV-News នឹងធ្វើការផ្សាយបន្ដផ្ទាល់ ។ លើសពីនេះ ដោយមានការសំណូមពរពីអ្នកគាំទ្រច្រើនពេក ទូរទស្សន៍ឈានមុខមួយនេះ ក៏បានបន្ថែមនូវការចាក់បញ្ចាំងផ្ទាំង LED សម្រាប់អ្នកគាំទ្រទស្សនានៅពហុកីឡដ្ឋានជាតិនាល្ងាចនេះផងដែរ ។</span></p>
<p><span style="color: #000000;">គួរបញ្ជាក់ផងដែរថា ក្រុមជម្រើសជាតិកម្ពុជា និងក្រុមជម្រើសជាតិឆាយនីសតៃប៉ិ នឹងត្រូវប្រជែងកៅអីវគ្គបន្ដនៃពាន AFC Asian Cup 2019 ដោយត្រូវជួបគ្នា២ជើង ក្នុងនោះជើងទី១ ត្រូវធ្វើការប្រកួតលើទឹកដីនៃទីក្រុង Kaohsiung លើទីលានពហុកីឡដ្ឋានជាតិរបស់ក្រុមឆាយនីសតៃប៉ិ នាល្ងាចថ្ងៃទី២ ខែមិថុនានេះ ហើយជើងទី២ ត្រូវជួបគ្នាលើទឹកដីនៃប្រទេសកម្ពុជាវិញម្ដង នៅថ្ងៃទី៧ ខែមិថុនា ឆ្នាំ២០១៦ សប្ដាហ៍ក្រោយនេះ ។</span></p>
<p><span style="color: #000000;">ការប្រកួតនេះទៀតសោត ប្រសិនបើក្រុមជម្រើសជាតិកម្ពុជា យកឈ្នះក្រុមឆាយនីសតៃប៉ិទាំង ២ជើង ក្រុមគោព្រៃកម្ពុជា នឹងទទួលបានកៅអីវគ្គជម្រុះចុងក្រោយដោយស្វ័យប្រវត្តិ ជាមួយនឹងក្រុមទទួលបានជ័យជម្នះពីការប្រកួតជម្រុះបឋមនេះដូចគ្នា ប៉ុន្ដែប្រសិនបើកម្ពុជាចាញ់ ក៏នៅមានឱកាសប្រកួតជាមួយក្រុមចាញ់ដទៃទៀតដែរ ដើម្បីបង្កើតឱកាសស្វែងរកអ្នកឈ្នះកៅអីវគ្គជម្រុះជុំចុងក្រោយ ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfa1/t31.0-8/13308391_1735674716672046_7044402121501459743_o.jpg" alt="" width="730" /></span></p>
<p><span style="color: #000000;">ជម្រើស ១១នាក់ដំបូងរបស់កម្ពុជា នាពេលកន្លងមក</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13310562_1736009049971946_3163589367314778029_n.jpg?oh=5b988134c2687a979042f32b2a8eebb5&oe=57C9AC25" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13322047_1736009046638613_4282887128149005209_n.jpg?oh=d10c089bdbfa42700d774c23339f1e74&oe=57E0D4B2" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>