<p><span style="color: #000000;"><strong>- អគ្គិភ័យ បានរលត់ ទៅវិញហើយ នៅវេលាម៉ោង ៨ និង ៥០ នាទីយប់នេះ</strong></span></p>
<p><span style="color: #000000;"><strong>បន្ទាយមានជ័យ៖</strong> អគ្គិភ័យដ៏សន្ធោសន្ធៅនៅម៉ោង ៧ និង៤០នាទីយប់ថ្ងៃទី០៨ ខែកញ្ញា ឆ្នាំ២០១៤នេះ បាននិង កំពុងឆាបឆេះផ្សាររ៉ុងគ្លឿ ស្ថិតក្នុងស្រុកអារញ្ញ ប្រទេសថៃ ជាប់នឹងក្រុងប៉ោយប៉ែត ព្រំប្រទល់ដែនកម្ពុជា។ នៅក្នុង ផ្សារនេះ អាជីវករភាគច្រើនជាជនជាតិខ្មែរ។</span></p>
<p><span style="color: #000000;">បើតាមសេចក្តីរាយការណ៍ពីអ្នកយកព័ត៌មានរបស់មជ្ឈមណ្ឌលព័ត៌មានដើមអម្ពិលប្រចាំនៅខេត្តបន្ទាយមានជ័យ បានឲ្យដឹងថា អគ្គិភ័យបានផ្តើមចេញពីការឆាបឆេះតូបលក់ខោអាវ។</span></p>
<p><span style="color: #000000;">រហូតដល់ម៉ោង ៨ និង៣នាទីយប់នេះ សេចក្តីរាយការណ៍បានឲ្យដឹងថា តូបលក់ដូររបស់អាជីវករខ្មែរចំនួន ៥ហើយ បានរងការឆាបឆេះ។ អាជ្ញាធរថៃ បានជម្លៀសអាជីវករខ្មែរ ឲ្យចូលមកទឹកដីខ្មែរជាបណ្តោះអាសន្ន និងកំពុងអន្តរាគមន៍បាញ់ពន្លត់អគ្គិភ័យ។</span></p>
<p><span style="color: #000000;">ជុំវិញអគ្គិភ័យឆាបឆេះផ្សារររ៉ុងគ្លឿខាងលើ ត្រូវបានស្នងការនគរបាល ខេត្តបន្ទាយមានជ័យ លោកឧត្តមសេនីយ៍ អាត់ ខែម បានបញ្ជាក់ថា អគ្គិភ័យបានរលត់ទៅវិញហើយ ដោយមិនទាន់ដឹងពីមូលហេតុ ដែលបណ្តាលឲ្យ មានអគ្គិភ័យនេះនៅឡើយទេ។</span></p>
<p><span style="color: #000000;">អធិការនគរបាលក្រុងប៉ោយប៉ែត លោក អ៊ុំ សុផល បានប្រាប់មជ្ឈមណ្ឌលព័ត៌មានដើមអម្ពិល ឲ្យដឹងថា នៅម៉ោង ៨និង ៥០នាទី អគ្គិភ័យបានរលត់ទៅវិញហើយ ប៉ុន្តែខាងភាគីថៃកំពុងបូកសរុបលទ្ធផល ទំហំនៃការខូចខាត ដូច្នេះលោកមិនទាន់បានទទួលព័ត៌មានទេ គឺរង់ចាំការបញ្ជាក់ពីភាគីថៃ។</span></p>
<p><span style="color: #000000;">យោងតាមមន្ត្រីនគរបាល វរៈសេនាតូចការពារព្រំដែន៩១១ បានឲ្យដឹងថា អគ្គិភ័យដែលបានឆាបឆេះផ្សារ ឡុងគឿ(ថៃ) ដែលមានចម្ងាយប្រមាណ៨០០ម៉ែត្រ ពីអូរព្រំដែននោះ គឺបណ្ដាលមកពី ភ្លើងធូបអុច សែនព្រះខែ ប៉ុន្តែគេនៅមិនទាន់បញ្ជាក់ពីទំហំនៃការខូចខាតនេះនៅឡើយទេ៕</span></p>
<p><span style="color: #000000;"><img title=" " src="http://image.dap-news.com:81/dap-news/dap-images/2014/September/id-068/HOU-0232.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0240.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0241.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0242.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0243.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0233.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0234.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0235.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0236.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0237.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0238.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0239.jpg" alt="" width="550" /></span></p>
<p><br /><object width="350" height="300" data="http://www.youtube.com/v/r0LYKKWX20k&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/r0LYKKWX20k&rel=1" /></object></p>
<p style="text-align: right;"><br /><span style="color: #000000;"><a href="http://www.dap-news.com/2011-06-14-02-39-55/94713-2014-09-08-12-56-03.html" target="_blank">ផ្តល់សិទ្ធដោយ ៖ ដើមអម្ពិល</a></span></p>