<p><span style="color: #000000;"><strong>កូរ៉េ៖</strong> តារាសម្តែង ជើងចាស់ Bae Hae Sun ថ្មីៗក្នុងបទសម្ភាសន៍ បាននិយាយថា ខ្លួនពិតជាពិបាកខ្លាំងណាស់ ពេលសម្តែងដល់ឈុត ត្រូវទះកំភ្លៀងមិត្តរួម អាជីព Kim Tae Hee ។ ក្នុងពេលសម្ភាសន៍ ជាមួយទូរទស្សន៍ កាលពី ថ្ងៃទី៣ខែកញ្ញា ឆ្នាំ២០១៥ នេះតារាសម្តែង Bae Hae Sun បាននិយាយថា« ខ្ញុំពិតជាភ្ញាក់ផ្អើលខ្លាំងណាស់ពេល បានដឹងថា ក្នុងរឿង ដែលពួកយើងសម្តែង មានឈុតមួយ តម្រូវឲ្យខ្ញុំទះកំភ្លៀង Kim Tae Hee ព្រោះខ្ញុំមិនដែលទះ កំភ្លៀង អ្នកណាទេ តាំពីខ្ញុំកើតមក សូម្បីតែសម្តែងរឿង ម្យ៉ាងទៀតមុខនាង ស្អាតខ្លាំងណាស់ ទម្រាំខ្ញុំដាច់ចិត្ត »។</span></p>
<p><span style="color: #000000;">នាង Bae Hae Su បន្តថា «ក្នុងឈុតនោះ តម្រូវឲ្យយើងទាំងពីរនាក់ ដាក់អារម្មណ៍ ដំបូងខ្ញុំមិនហ៊ានទះថ្ពាល់នាងទេ ព្រោះឈុតនេះយើង ធ្វើបានតែម្តង ហើយខ្ញុំខ្លាចមុខនាង ជាប់ស្នាមម្រាមដៃខ្ញុំ»។ ប៉ុន្តែ Kim Tae Hee និយាយថា« នាងមិនអីទេឈុតនេះ ពួកយើងត្រូវ ធ្វើឱ្យបានហើយសម្លឹងមកខ្ញុំ » ។ នាងថា បន្ទាប់ពីទះរួច Tae Hee និយាយថា «មិនឈឺខ្លាំងដូចដែលគិតទុកទេ! រីករាយដែលយើង ធ្វើបាន »។</span></p>
<p><span style="color: #000000;">តារាសម្តែងជើងចាស់ Bae Hae Su ដែលសម្តែងជាមួយស្រីស្អាត វ័យ៣៥ឆ្នាំ Kim Tae Hee ក្នុងភាពយន្ត«Yong Pal.» របស់ទូរទស្សន៍ SBS បាននិយាយសរសើរថា Tae Hee មិនត្រឹមតែមានមុខមាត់ស្រស់ស្អាត មួយមុខទេ នាង ថែមទាំងពូកែដាក់អារម្មណ៍ ណាស់ក្នុងពេលសម្តែង៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/4/38-04-09-2015--11-43-24.jpg"><img src="/FileManager/Articles/mce/2015/9/4/38-04-09-2015--11-43-24.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>