<p><strong>ភ្នំពេញ ៖</strong> ក្មេងស្ទាវ ដែលចូលចិត្ដជិះម៉ូតូ ប្រដេញគ្នា បានជួបថ្ងៃស៊យ បន្ទាប់ពីពួកគេ បានជិះ<br />ម៉ូតូទៅបុកគូទរថយន្ដមួយគ្រឿង បណ្ដាលឱ្យរងរបួស ធ្ងន់ ត្រូវបានបញ្ជូនទៅ កាន់មន្ទីរពេទ្យ<br />ភ្លាមៗ រីឯម៉ូតូរងការខូចខាត ស្ទើរទាំងស្រុង ។</p>
<p>គ្រោះថ្នាក់ចរាចរបច្ចុប្បន្ន ដែលបាននឹង កំពុងកើនឡើង គួរឱ្យភ័យខ្លាច ហើយសម្លាប់ មនុស្ស<br />និងរងរបួសជាច្រើននាក់ ត្រូវបានមន្ដ្រីនគរបាល ចរាចរណ៍ជើងគោកអះអាងថា ក្រុមក្មេងស្ទាវ<br />ជាក្រុមប្រឈមមុខមួយ តែងតែបង្កគ្រោះថ្នាក់ចរាចរ ក្រៅពីការផឹកគ្រឿងស្រវឹង ពួកគេបាន<br />បើកបរ ដោយគ្មានការប្រុងប្រយ័ត្ននិងក្នុងល្បឿនលឿន ។</p>
<p>ជាក់ស្ដែងកាលពីវេលាម៉ោង១និង៤០ នាទីយប់រំលងអាធ្រាត្រឈានចូលថ្ងៃទី០៤ ខែមីនា ឆ្នាំ<br />២០១៣ ក្រុមក្មេងស្ទាវចំនួន២ ម៉ូតូ មួយគ្រឿងម៉ាក ហ្វីណូ ជិះគ្នា៣នាក់ ពាក់ស្លាកលេខភ្នំពេញ<br /> 1T-5945 និងមួយ គ្រឿងទៀត ម៉ាកស្កុបពី បានជិះប្រដេញគ្នា យ៉ាងលឿន នៅលើកំណាត់ផ្លូវ<br />ព្រះស៊ីសុវត្ថិ លុះដល់ចំណុចកើតហេតុ កែងផ្លូវលេខ១១៨ ពួកគេបានបុករថយន្ដម៉ាកអាតូសមួយគ្<br />រឿង បណ្ដាលឱ្យដួល ក្រងាប់ច្រងិល រងរបួសធ្ងន់ ត្រូវបានដឹក បញ្ជូនទៅកាន់មន្ទីរពេទ្យភ្លាមៗ<br /> រីឯម៉ូតូរបស់ពួកគេ បានរងខូចខាតស្ទើរទាំង ស្រុង ។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា មុនពេលកើតហេតុ គេបានឃើញ<br />ក្រុមក្មេងស្ទាវទាំងនេះ បាននាំ គ្នាជិះម៉ូតូឌុបគ្នា ក្នុងល្បឿនយ៉ាងលឿនឆាប ចុះឡើងៗ លុះពេល<br />បើកមកដល់ចំណុចកើត ហេតុ ក៏ជ្រុលទៅបុកគូទរថយន្ដ បណ្ដាលឱ្យ ដួលរងរបួសធ្ងន់តែម្ដង។<br />យ៉ាងណាក៏ដោយ អត្ដសញ្ញាណក្រុម ក្មេងស្ទាវទាំងនេះ មិនទាន់មានការបញ្ជាក់ នៅឡើយទេ<br /> ហើយអ្នកបើករថយន្ដមិនទាន់ ស្គាល់ឈ្មោះផងដែរ។ ក្រោយកើតហេតុ ម៉ូតូរបស់ជនរងគ្រោះ <br />ត្រូវបានសមត្ថកិច្ចយកទៅរក្សាទុក ដើម្បី ចាត់ការបន្ដទៀត ៕</p>
<p><img src="http://111.92.240.170:81/dap-news/dap-images/2013/March/id-015/T-0091.jpg" alt="Photo by DAP-News" width="400" /></p>
<p><img src="http://111.92.240.170:81/dap-news/dap-images/2013/March/id-015/T-0092.jpg" alt="Photo by DAP-News" width="400" /></p>
<p style="text-align: right;"><br />ផ្តល់សិទ្ធិដោយ៖ ដើមអំពិល</p>