<p><span style="color: #000000;"><strong>(ភ្នំពេញ)៖</strong> តារាចម្រៀងស្រីថ្មីរបស់ផលិតកម្ម ថោន កញ្ញា និរត្តន៍ បានចេញMV បទ «ទឹកភ្នែកនិស្សិត» ជាផ្លូវការហើយ កាលពីប៉ុន្មានថ្ងៃមុននេះ និងបានបង្ហោះចែកចាយ ជាសាធារណៈដោយផលិតកម្មថោនផ្ទាល់តែម្ដង។ បទចម្រៀង «ទឹកភ្នែកនិស្សិត» ត្រូវបានកវីនិពន្ធ លោក យឹម តាស្រង់ ចំឡងចេញពីបទចម្រៀងចាស់ៗ យកមកច្រៀងឡើងវិញដោយកញ្ញា និរត្តន៍ និងដឹកនាំសម្ដែងដោយលោក ទូច ស៊ីដេត ។ បទចម្រៀងមានរយៈពេល៩នាទី ជាបទចម្រៀងអប់រំសុទ្ធសាធ ត្រូវបានលាតត្រដាង ពីជីវិតនិស្សិតស្រីម្នាក់ ដែលឃ្លាតឆ្ងាយស្រុកកំណើត មករៀននៅភ្នំពេញ តែនាងបែរជាចាញ់បោកប្រុសព្រាន លង់ខ្លួនភ្លេចការសិក្សា និងមានកូនមុនរៀបការ ដោយសារតែខាងប្រុស មិនទទួលខុសត្រូវ ហើយនាងដាច់ចិត្តលេបថ្នាំសម្លាប់ខ្លួន តែត្រូវបានជួយសង្គ្រោះទាន់ពេលវេលា ។ ក្រោយរួចជីវិត នាងក៏ទុកកូនក្នុងផ្ទៃ ហើយត្រលប់ទៅស្រុកកំណើតវិញ ។</span></p>
<p><span style="color: #000000;">បទចម្រៀង«ទឹកភ្នែកនិស្សិត» បានចំណាយពេលថតជិតមួយសប្ដាហ៍ ព្រោះត្រូវដូរប្លង់ចុះឡើងជាច្រើនដង ដើម្បីឲ្យស័ក្តិសមជាមួយសាច់រឿង នឹងបទចម្រៀង ។ ចំណែកឯនិរត្តន៍ផ្ទាល់បទចម្រៀងនេះ ជាបទដែលថតលើកដំបូង ក្នុងអាជីពជាអ្នកចម្រៀងរបស់នាង ។ នាងជាតារាចម្រៀងថ្មីសុទ្ធសាធ គ្មានទាំងបទពិសោធន៍ តែការសម្ដែងមិនអន់នោះទេ ពិសេសការដាក់អារម្មណ៍ ឈុតទួញសោកបោកប្រាណនាងសម្ដែង មិនចាញ់តួល្បីៗនោះទេ។ រហូតក្រុមការងារហៅនាងថា នី មុនីនាថ ទី២ទៀតផង ។</span></p>
<p><span style="color: #000000;">បទចម្រៀង និរត្តន៍ ចេញមកមិនបានប៉ុន្មានផង មានអ្នកចែករំលែក លើបណ្ដាញសង្គមរាប់ពាន់នាក់ និងអ្នកមើលរាប់ម៉ឺននាក់ឯណោះ ធ្វើឲ្យតារាចម្រៀងស្រីរូបនេះ ញញឹមបិទមាត់មិនជិត ព្រោះអ្វីដែលនាងបានប្រឹងប្រែង ទទួលបានភាពជោគជ័យ។</span></p>
<p><span style="color: #0000ff;"><a href="/News/Detail/17999/nivoth" target="_blank"><span style="color: #0000ff;">- អាន ៖ និរត្តន៍ គ្រាប់ពេជ្រថ្មីរបស់ «ថោន» ប្រឹងប្រែងតស៊ូព្យាយាម ទម្រាំមានថ្ងៃនេះ..!</span></a></span></p>
<p><span style="color: #000000;">តោះទស្សនាបទចម្រៀងទឹកភ្នែកនិស្សិត ទាំងអស់គ្នា ថាមានអត្ថន័យអប់រំយ៉ាងណាខ្លះ៖</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/21-15-12-2015--11-54-36.jpg"><img src="/FileManager/Articles/mce/2015/12/15/21-15-12-2015--11-54-36.jpg" alt="" /></a></span></p>
<p><a class="thickbox" title="" href="/FileManager/Commons/2015/12/15/21a-15-12-2015--11-54-45.jpg"><img src="/FileManager/Articles/mce/2015/12/15/21a-15-12-2015--11-54-45.jpg" alt="" /></a></p>
<p><a class="thickbox" title="" href="/FileManager/Commons/2015/12/15/21b-15-12-2015--11-54-57.jpg"><img src="/FileManager/Articles/mce/2015/12/15/21b-15-12-2015--11-54-57.jpg" alt="" /></a></p>
<p><object width="489" height="419" data="http://www.youtube.com/v/eAP8BVjXDkE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/eAP8BVjXDkE&rel=1" /></object><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វេ្រសញូវអាស៊ី</span></p>