<div>
<p><span style="color: #000000;"><strong>(ម៉ូស្គូ)៖</strong> ប្រធានាធិបតីរុស្ស៊ី លោក Vladimir Putin កំពុងរៀបចំប្រលែងអាវុធទំនើបចុងក្រោយរបស់រុស្ស៊ី សម្រាប់ធ្វើសង្គ្រាមប្រឆាំងនឹងក្រុមភេរវករ ជាពិសេសគឺក្រុមឧទ្ទាម ISIS ដែលអាវុធថ្មីបំផុតនោះគឺជាសត្វកណ្ដុរ នេះបើយោងតាមការចេញផ្សាយរបស់សារព័ត៌មាន Daily News នៅថ្ងៃទី០៥ ខែមករា ឆ្នាំ២០១៦។</span></p>
<p><span style="color: #000000;">ក្រុមអ្នកវិទ្យាសាស្ត្ររុស្ស៊ី កំពុងសិក្សាទៅលើគម្រោងថ្មីមួយ ដែលរួមបញ្ចូលគ្នានូវបច្ចេកវិទ្យា ជាមួយនឹងខួរក្បាលរបស់សត្វកណ្ដុរ ដែលត្រូវបានគេជឿថាវានឹងមានប្រសិទ្ធ ហើយក៏ជាអាវុធដ៏អស្ចារ្យមួយផងដែរ សម្រាប់អនាគតដ៏ខ្លីខាងមុខនេះ។</span></p>
<p><span style="color: #000000;">តាមរយៈវីដេអូដែលអ្នកវិទ្យាសាស្ត្ររបស់រុស្ស៊ី បានបង្ហាញគឺអ្នកវិទ្យាសាស្ត្របានបំពាក់នូវឧបករណ៍ម្យ៉ាងនៅលើក្បាល កណ្ដុរសម្រាប់ភ្ជាប់ទំនាក់ទំនងទៅនឹងខួរក្បាលកណ្ដុរ និងប្រើប្រាស់ច្រមុះរបស់សត្វកណ្ដុរដើម្បីហិតក្លិនថ្នាំញៀន ឬអាវុធជាតិផ្ទុះជាច្រើន។</span></p>
<p><span style="color: #000000;">ក្រុមអ្នកវិទ្យាសាស្ត្ររុស្ស៊ីបានអះអាងថា ពួកគេត្រូវបានពេលវេលាប្រមាណ ២ឬ៣ខែនឹងទទួលបានលទ្ធផលពីការសាកល្បងមួយនេះ ហើយវាអាចនឹងយកទៅប្រើប្រាស់នៅក្នុងការធ្វើសង្គ្រាមបាននៅក្នុង ឆ្នាំនេះ។</span></p>
<p><span style="color: #000000;">ក្រៅពីហិតក្លិនថ្នាំញៀន និងអាវុធជាតិផ្ទុះ សត្វកណ្ដុរនេះក៏ជាឧបករណ៍សម្រាប់ធ្វើការបំផ្ទុះគ្រាប់បែក និងជាកងទ័ពជួរត្រៀមមុខ ដែលកាចសាហាវ និងមានឥទ្ធិពលខ្លាំងជាងអាវុធនាពេលបច្ចុប្បន្ន។</span></p>
<p><span style="color: #000000;">គួរបញ្ជាក់ផងដែរថា សត្វកណ្ដុរដែលអ្នកវិទ្យាសាស្ត្ររុស្ស៊ីកំពុងតែធ្វើការពិសោធន៍ និងសាកល្បងនេះគឺត្រូវបានប្រទេសជាច្រើននៅលើសកលលោក មានដូចជា កម្ពុជា, ថៃ, អង់ហ្គោឡា, តង់ហ្សានី និងម៉ូសំប៊ិក ប្រើសម្រាប់ស្វែងរកគ្រាប់មីន៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/12/2FC8CE4000000578-0-image-a-1_1451909755041.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/12/2FC8CE1800000578-0-image-a-4_1451910427079.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/12/2FC8CE3400000578-0-image-m-6_1451910444665.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/12/2FC8CE3800000578-0-image-a-7_1451911462355.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/13/2FC8CE2A00000578-3383827-Talented_Scientists_hope_they_will_one_day_be_able_to_find_survi-m-6_1451913860691.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/04/13/2FC8CE3000000578-3383827-image-m-8_1451913940623.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: right;"><span style="color: #000000;">ប្រភព ៖ ដេលីម៉ែល</span></p>
</div>