<p>ព័ត៌មានអន្តរជាតិ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស<br />wsj ដែលទើបតែបានចេញផ្សាយកាលពីថ្ងៃអាទិត្យកន្លងទៅនេះ បានគូសបញ្ជាក់អោយដឹង<br />ថា ក្រុមហ៊ុន Danone SA និងក្រុមហ៊ុន Coca-Cola Co ដែលជាក្រុមហ៊ុនសាខាចែកចាយ<br />ផលិតផលទឹកដោះគោបន្ត ត្រូវបានរកអោយឃើញថា បានប្រកាសចេញផ្សាយប្រមូល<br />ផលិតផលទឹកដោះត្រលប់មកវិញ បន្ទាប់ពីក្រុមហ៊ុនដ៏ធំរបស់ប្រទេសញ៉ូវសេឡេន Fonte-<br />rra Co-Operative Group Ltd បានចេញសេចក្តីប្រកាសអាសន្នអោយដឹងថា ម្សៅទឹកដោះ<br />គោរបស់ពួកគេអាចនឹងមានសារធាតុបាក់តេរី បង្កជាហានិភ័យ ពុល នឹងអាចស្លាប់បាត់<br />បង់ជីវិតថែមទៀតផង។</p>
<p><a class="thickbox" title="" href="http://camnews.com.kh/FileManager/Commons/2013/8/6/mk-cf276nzformg20130804182224-06-08-2013--10-52-32.jpg"><img src="http://camnews.com.kh/FileManager/Articles/mce/2013/8/6/mk-cf276nzformg20130804182224-06-08-2013--10-52-32.jpg" alt="" width="443" height="294" /></a></p>
<p>ក្រុមហ៊ុន Fonterra បានរាយការណ៍កាលពីព្រឹកថ្ងៃសៅរ៍ ដោយផ្តោតទៅលើ "បញ្ហាគុណ<br />ភាព" ពោលគឺ មានបញ្ហាទៅលើប្រូតេអ៊ីន ដែលក្រុមហ៊ុនបានផលិតឡើងកាលពីខែឧសភា<br /> ឆ្នាំ ២០១២ ។ ជារួមប្រូតេអ៊ិនម្សៅទឹកដោះគោ (whey protein ) មានដល់ទៅជាង៤២ តោន<br /> ដែលជាគ្រឿងផ្សំចម្បង ត្រូវបានចូលរួមផលិត។</p>
<p>យ៉ាងណាមិញ ប្រភពសារព័ត៌មានដដែលបន្ថែមថា ក្រុមហ៊ុនផលិតម្សៅទឹកដោះគោ Font-<br />erra ដ៏ធំរបស់ប្រទេសញ៉ូវសេឡេនមួយនេះ បានចេញសេចក្តីថ្លែងការណ៍បែបនេះជាចល<br />ករ ជំរុញអោយក្រុមហ៊ុនចែកចាយបន្តធ្វើការប្រមូលត្រលប់មកវិញនូវផលិតផល (Recall)<br /> ដែលនៅក្នុងនោះ ប្រទេសដែលពាក់ព័ន្ធចម្បងបំផុត រួមមាន ៧ ប្រទេស ដូចជាប្រទេស<br />ញ៉ូវសេឡេន ថៃ ចិន វៀតណាម អូស្រ្តាលី ម៉ាឡេស៊ី និងប្រទេសអារ៉ាប់ប៊ីសាអ៊ូ ឌីដ (Saudi<br /> Arabia) ។ នៅក្នុងនោះ ម្សៅទឹកដោះគោដែលត្រូវបានប្រមូលត្រលប់ទៅវិញរួមមានដូចជា<br />ម្សៅទឹកដោះគោម៉ាក Nutricia Karicare ជាដើម។</p>
<p>គួររំឭកផងដែរថា បើយោងតាមសម្តីលោក Gary Romano ជាប្រធានក្រុមហ៊ុនផលិតម្សៅ<br />ទឹកដោះដ៏ធំមួយនេះ អោយដឹងថា បើទោះជាមិនទាន់មានករណីអវិជ្ជមានបានកើតឡើង<br />ក៏ដោយ ការប្រមូលត្រលប់មកវិញនូវម្សៅទឹកដោះគោត្រូវបានធ្វើឡើងជាបន្ទាន់ ដើម្បីធា<br />នាអោយបាននូវសុខសុវត្ថិភាពរបស់បងប្អូនប្រជាពលរដ្ឋ ដែលជាអ្នកប្រើប្រាស់</p>
<p style="text-align: right;">ដោយ ៖ ពិសី<br />ប្រភព ៖ wsj</p>