<div class="article-content">
<p><strong>ភ្នំពេញ</strong><strong>៖</strong> នារីកម្មកររោងចក្រស្រស់ខ្ចី១រូបត្រូវម៉ូតូជន ប្រមឹកបុកបណ្តាលឲ្យរងរបួសបាក់ភ្លៅ<br />ម្ខាងខណៈរូបនាង និងសង្សារ ជិះម៉ូតូឌុបគ្នាដើរកម្សាន្តពេលរាត្រី នៅមុខផ្ទះសំណាក់ ៩៩៩<br /> តាមបណ្តោយផ្លូវជាតិលេខ៤ ភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ <br />កាលពី ម៉ោង១និង៥០នាទីយប់ឈានចូលថ្ងៃទី៧ ខែ កក្កដា ឆ្នាំ២០១៣ ។</p>
<p>នគរបាលបានឲ្យដឹងថា ម៉ូតូនារីរោងចក្រ និងសង្សារ ម៉ាកគុបជ្រុងពណ៌ទឹកប្រាក់ ពាក់ស្លាកលេខ<br />កំពង់ស្ពឺ 1B-84 19។ បុរសជាសង្សារឈ្មោះឈ្មោះ ដ៉ា ណៃ អាយុ ២៣ឆ្នាំ និស្សិតសាលាមេគង្គ<br />កម្ពុជា រស់នៅក្នុងភូមិ ព្រៃទា សង្កាត់ចោមចៅ ខណ្ឌពោធិ៍សែនជ័យ ពុំមានរងរបួសនោះទេ។ នារី<br />រោងចក្រ ដែលជួបគ្រោះថ្នាក់ចរាចរបាក់ភ្លៅ ខាងឆ្វេង នេះ មានឈ្មោះ ប៊ូ សុខហ៊ីង អាយុ ២១ឆ្នាំ <br />ស្នាក់នៅក្នុងភូមិ-សង្កាជាមួយគ្នា មានស្រុកកំណើតនៅភូមិ បាក់រនាស់ ឃុំលំពង ស្រុកបាទី ខេត្ត<br />តាកែវ។</p>
<p>ដោយឡែកភាគីបង្ក ដែលប្រជាពលរដ្ឋនាំគ្នាហៅថា ជាជនប្រមឹកនោះ មានឈ្មោះ ចក់ ដូត ភេទ<br />ប្រុស អាយុ ២២ ឆ្នាំ ជាកម្មកររោងចក្រស្នាក់នៅភូមិជម្ពូវ័ន្ត សង្កាត់ចោមចៅ ខណ្ឌពោធិ័សែនជ័យ<br /> មានស្រុកកំណើតនៅភូមិកោះទាវ ឃុំកោះទាវ ស្រុកកោះធំ ខេត្តកណ្តាល រងរបួសស្រាល និងអ្នក<br />រួមដំណើរមានឈ្មោះ ស៊ិន ចំរ៉ុង ភេទប្រុស អាយុ ប្រហែលជា២០ឆ្នាំ ពុំមានរងរបួសនោះទេ ជិះម៉ូតូ<br /> ម៉ាកវ៉េវអេស ពណ៌ខ្មៅ ពាក់ស្លាកលេខភ្នំពេញ 1O-2115។</p>
<p>បើតាមមន្រ្តីនគរបាលចរាចរណ៍ បានឲ្យដឹងថា មុនពេលកើតហេតុគូស្នេហ៍ថ្មីថ្មោងនេះ រួមនិងគូស្នេហ៍<br />១គូផ្សេង ទៀត ដែលពុំត្រូវបានគេស្គាល់អត្តសញ្ញាណនោះ បាននាំគ្នាជិះម៉ូតូដើរកម្សាន្តនាពេលរាត្រី <br />ហើយប្រហែលជាទើប ចេញពីកម្សាន្តនៅទីណាក៏មិនដឹង។ លុះពួកគេជិះម៉ូតូឌុបគ្នាក្នុងទិសដៅពីកើត<br />ទៅលិច ដល់ម្តុំផ្ទះសំណាក់៩៩៩ បត់ឆ្លងផ្លូវ ក៏ត្រូវម៉ូតូជនប្រមឹកជិះគ្នា ២នាក់ក្នុងទិសដៅស្របទិសគ្នា<br />ជ្រុលទៅបុកយ៉ាងពេញទំហឹងចំនារីរងគ្រោះ កៀបជាប់អូសជិត១០ម៉ែត្រ បណ្តាលឲ្យរងរបួសបាក់ភ្លៅ<br />ម្ខាង និងម៉ូតូបាក់សាកស៊ី។</p>
<p>ក្រោយកើតហេតុភ្លាមៗ នគរបាលមូលដ្ឋាន បានចុះទៅដល់កន្លែងកើតហេតុ ហៅរថយន្តសង្គ្រោះ<br />របស់អង្គភាព ៧១១កងពលតូចលេខ៧០ ទៅដឹកជនរងគ្រោះទៅសង្គ្រោះ ប៉ុន្តែក្រោយពីការជួយ<br />សង្រ្គោះបឋម របស់មន្រ្តីអង្គ ភាព៧១១ ជនរងគ្រោះសុំទៅសម្រាកព្យាបាលនៅគ្លីនិកឯកជន តាម<br />ម៉ូតូមិត្តភក្តិរបស់គេជាអ្នកដើរលេងជាមួយ គ្នានោះ។</p>
<p>វត្ថុតាងទាំងពីរ រួមទាំងអ្នកបើកបរម៉ូតូបង្ក ត្រូវនគរបាលនាំទៅកាន់ប៉ុស្តិ៍នគរបាលចោមចៅ ដើម្បី<br />ចាត់ការទៅតាម នីតិវិធី៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-419.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-420.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-421.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-422.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>