<p>សារព័ត៌មានប៉ាគិស្ថាន កាលពីថ្ងៃទី ២៣ឧសភា បានអោយដឹងថា គ្រូពេទ្យម្នាក់ឈ្មោះ Shakil <br />Afridi ត្រូវបានកាត់ទោសអោយជាប់ពន្ធនាគាររយៈ ៣៣ឆ្នាំ ពីបទក្បត់ជាតិ ដោយសារតែបុរស<br /> នេះបានជួយអាមេរិកក្នុងស្វែងរកអតីតមេដឹកនាំភេរវកម្ម អូសាម៉ា ប៊ីនឡាដែន។</p>
<p>តុលាការស្រុក Khyber បានធ្វើការសម្រេចចិត្តខាងលើ ព្រមទាំងបានពិន័យជាប្រាក់ ៣២០.០០០ <br />rupi (ប្រហែល ៤.៣៧៨ដុល្លារ) ចំពោះគ្រូពេទ្យរូបនេះ។ នៅក្នុងករណីដែលមិនមានប្រាក់ លោក<br />គ្រូពេទ្យ Afridi នឹងត្រូវជាប់ពន្ធនាគារបន្ថែម ៣ឆ្នាំទៀត។ ក្រៅពីបានប្រកាសសាលក្រម គ្រូពេទ្យ<br />នេះត្រូវបានបញ្ជូនទៅកាន់ពន្ធនាគារមួយនៅក្រុង Pesharwa ប្រទេសប៉ាគិស្ថាន។</p>
<p><em><a class="thickbox" title="" href="/FileManager/Commons/2012/5/24/bacsy01-420-24-05-2012--10-40-42.jpg"><img src="/FileManager/Articles/mce/2012/5/24/bacsy01-420-24-05-2012--10-40-42.jpg" alt="" /></a></em></p>
<p><em>គ្រូពេទ្យ Afridi ត្រូវកាត់ទោសអោយជាប់ពន្ធនាគារ ៣៣ឆ្នាំ</em></p>
<p>កាសែតក្នុងស្រុកបានរាយការណ៍ថា គ្រូពេទ្យ Afridi បានរៀបចំគម្រោងធ្វើការចាក់វ៉ាក់សាំងក្លែង<br />ក្លាយដើម្បីអាចចូលទៅកាន់មន្ទីរពេទ្យ លួចយក DNA របស់ប៊ីនឡាដែន នៅឯក្រុង Abbottabad<br />ជាកន្លែងដែលអតីតមេភេរកម្មរូបនេះកំពុងលាក់ខ្លួន។ ក្រោយមក Afridi ក៏បានប្រគល់វាទៅអោយ<br />អាមេរិក ជួយអោយអាមេរិកកំណត់ទិសដៅ និងកំចាត់អូសាម៉ា ប៊ីនឡាដែន បានសម្រេច។</p>
<p>បន្ទាប់ពីអាមេរិកបានកំចាត់ ប៊ីនឡាដែន កាលពីខែឧសភា ឆ្នាំ ២០១១ គ្រូពេទ្យ Afridi ក៏បានរត់<br />គេចខ្លួនពីស្រុក Duoerhamu ភាគពាយព្យ ប៉ាគិស្ថាន ទៅកាន់ អាហ្គានិស្ថាន ប៉ុន្ដែត្រូវគេចាប់<br />បាន។ គ្រូពេទ្យ Afridi បានសារភាពថា ខ្លួនបានរៀបគម្រោង និងធ្វើការចាក់វ៉ាក់សាំងក្លែងក្លាយ<br />ដើម្បីយក DNA របស់ ប៊ីនឡាដែន។</p>
<p>រដ្ឋមន្ដ្រីការពារជាតិអាមេរិក លោក Leon Panetta ក៏ធ្លាប់បានទទួលស្គាល់នូវករណីខាងលើ ហើយបានថ្លែងថា ប៉ាគិស្ថាន គួរតែដោះលែង និងអនុញ្ញាតអោយគ្រូពេទ្យនេះបានមករស់នៅឯ<br />អាមេរិក។</p>
<p>គួររឭកថា កាលពីថ្ងៃទី ២ឧសភា ឆ្នាំ ២០១១ ក្រុមកុម្មង់ដូពិសេសរបស់អាមេរិក បានប្រើប្រាស់<br />ឧទ្ធម្ភាគចក្រចេញដំណើរពី អាហ្គានីស្ថាន មកកាន់ភាគពាយព្យរបស់ប៉ាគិស្ថាន រួចបានចូលទៅ<br />ក្នុងផ្ទះរបស់ប៊ីនឡាដែន និងបានសម្លាប់អតីតមេភេរវកម្មនេះ និងបាននាំយកសាកសពទៅកាន់<br />មូលដ្ឋានទ័ពរបស់ខ្លួន៕</p>
<p style="text-align: right;">ដោយ ៖ សូរីយ៉ា<br />ប្រភព ៖ <cite>en-maktoob</cite></p>
<p> </p>