<p>មិនគួរអោយជឿ ៖ បើតាមការអោយដឹងពីគេហទំព័រសារព័ត៌មានបរទេសអោយដឹងថា បុរស<br />ជាស្វាមីម្នាក់ បានច្រឡំលក់ចិញ្ចៀនភរិយារបស់ខ្លួនដែលមានតម្លៃដល់ទៅ២៣,០០០ដុល្លារ<br />ដោយអចេតនា ក្នុងតម្លៃជាសាច់ប្រាក់ត្រឹមតែ ១០ ដុល្លារតែប៉ុណ្ណោះ ។</p>
<p>គួរបញ្ជាក់ផងដែរថា រឿងហេតុអចេតនាមួយនេះ អាចកើតមានឡើងដោយសារតែ នារីជា<br />ភរិយាឈ្មោះ Racquel Cloutier បានយកចិញ្ចៀន ដែលមានតម្លៃថ្លៃមួយវង់នោះ ទៅលាក់<br />នៅក្នុងប្រអប់ដាក់នាឡិកា ដោយដាក់អោយឆ្ងាយពីដៃកូនប្រុសភ្លោះរពិស ទាំងពីររបស់<br />នាង ខណៈទៅសម្រាលកូនទីប្រាំនៅឯមន្ទីរពេទ្យ។</p>
<p><a class="thickbox" title="" href="/FileManager/Commons/2013/6/14/man-sells-wifes-23000-ring-for-10-665x385-14-06-2013--11-38-18.jpg"><img src="/FileManager/Articles/mce/2013/6/14/man-sells-wifes-23000-ring-for-10-665x385-14-06-2013--11-38-18.jpg" alt="" width="446" height="256" /></a></p>
<p>ដោយឡែក អំឡុងពេលនៃការសម្រាកព្យាបាលនៅក្នុងមន្ទីរពេទ្យ បុរសជាស្វាមីបានយក<br />ឥវ៉ាន់របស់ខ្លួន ទៅលក់ឡៃឡុង ( garage sale ) ស្របពេលដែលមានមនុស្សបានទទួល<br />ទិញយកប្រអប់នាឡិកានោះ ក្នុងតម្លៃទឹកប្រាក់ត្រឹមតែ ១០ ដុល្លារ។</p>
<p>មួយថ្ងៃក្រោយមក ស្រ្តីជាភរិយា ដែលទើបតែបានចេញពីមន្ទីរពេទ្យ បានដឹងថា ប្រអប់នោះ<br />បានបាត់ទៅហើយ ទើបសួរស្វាមីរបស់ខ្លួន ថាគាត់យកវាទៅណា ? រំពេចនោះ នាងបាន<br />ស្រែកទ្រហ៊ោយំ បន្ទាប់ពីទទួលបានចម្លើយ ពីស្វាមីរបស់នាងថា គាត់បានលក់វាបាត់ទៅ<br />ហើយ។ (តាមពិតទៅ បុរសជាស្វាមី មិនបានដឹងថា មានចិញ្ចៀននៅក្នុងប្រអប់នោះទេ) ។</p>
<p>ដោយឡែក បុរសជាស្វាមីក៏បានបញ្ចាក់ថា អញ្ជឹងតើ បានជាមានស្រ្តីម្នាក់ទទួលទិញវា<br />ដោយភាពស្ទាក់ស្ទើរកាលពីគ្រានោះ ។ នាង Racquel ដែលត្រូវជាភរិយា នៅតែមានសុទិដ្ឋិ<br />និយម ដោយសង្ឃឹមថា នឹងមាននរណាម្នាក់បញ្ជូនវាមកវិញ "បើសិនជាអ្នកពិតជាមានភាព<br />ស្មោះត្រង់មែននោះ មេត្តានាំវាត្រលប់មកវិញផង ព្រោះវាគឺជារឿងអចេតនានោះទេ" ៕</p>
<p style="text-align: right;">ដោយ ៖ ពិសី<br />ប្រភព ៖ spy</p>