<p><span style="color: #000000;"><strong>(ម៉ានីល)៖</strong> អភិបាលក្រុង Albuera នៃខេត្ត Leyte របស់ប្រទេសហ្វីលីពីន បានស្លាប់បាត់បង់ជីវិតហើយ នៅក្នុងពន្ធនាគារស្ថិតនៅភាគកណ្តាលប្រទេសហ្វីលីពីន បន្ទាប់ពីកើតមានហេតុការណ៍បាញ់បោះដាក់គ្នា នៅក្នុងពន្ធនាគារនោះ។ នេះបើតាមសារព័ត៌មាន Channel News Asia ដកស្រង់ការផ្សាយពី Reuters នៅមុននេះបន្តិចនារសៀលថ្ងៃសៅរ៍ ទី០៥ ខែវិច្ឆិកា ឆ្នាំ២០១៦។</span></p>
<p><span style="color: #000000;">អភិបាលក្រុងខាងលើនេះមានឈ្មោះថា Rolando Espinosa លោកបានស្ម័គ្រចិត្តចូលមកទទួលទោស ដោយខ្លួនឯងនៅថ្ងៃទី០៥ ខែតុលា ដោយមិនចាំរង់ចាំដល់ប្រធានាធិបតីលោក រ៉ូឌ្រីហ្គោ ឌូធើតេ ធ្វើការបង្ក្រាបដោយបង្ហូរឈាមនោះឡើយ។ កាលពីខែសីហា លោក ឌូធើតេ បានស្នើឲ្យលោក Rolando និងកូនប្រុសធ្វើការប្រគល់ខ្លួនដល់សមត្ថកិច្ចដោយសារតែភស្តុមានច្បាស់លាស់បង្ហាញថា អភិបាលក្រុងរូបនេះ មានជាប់ពាក់ព័ន្ធនឹងការរត់ពន្ធគ្រឿងញៀនដ៏សកម្ម។</span></p>
<p><span style="color: #000000;">មកដល់ថ្ងៃសៅរ៍ ទី០៦ខែវិច្ឆិកានេះ ក្រុមប៉ូលិសបំពេញប្រតិបត្តិការបង្ក្រាបគ្រឿងញៀនបានចូលទៅកាន់ ពន្ធនាគារដែលលោក Rolando កំពុងជាប់ឃុំតែក៏ត្រូវលោកនិងគូកនម្នាក់ទៀតឈ្មោះ Raul Yab បាញ់រះសំដៅមកកងកម្លាំងប៉ូលិស ទើបប៉ូលិសសម្រេចចិត្តបាញ់តបតវិញក្នុងន័យការពារខ្លួន បានបណ្តាល ឲ្យលោកអភិបាលក្រុងរូបនេះបាត់បង់ជីវិតជាមួយនិងទណ្ឌិតដូចគ្នាម្នាក់ទៀតនៅហ្នឹងកន្លែង។</span></p>
<p><span style="color: #000000;">គួរបញ្ជាក់ថាកាលពីខែតុលាការមុននេះ ប៉ូលិសបង្ក្រាបគ្រឿងញៀនហ្វីលីពីនក៏បានបាញ់សម្លាប់អភិបាលក្រុងមួយរូប និងកងអង្គរក្សរបស់លោក០៩នាក់ផ្សេងទៀតដែរ នៅប៉ុស្តិ៍ត្រួតពិនិត្យភាគខាងត្បូងប្រទេស និងបានរកឃើញគ្រឿងញៀនជាច្រើននៅក្នុងរថយន្តអភិបាលក្រុងរូបនោះទៀតផង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/5/10dd-05-11-2016--16-09-41.png"><img src="/FileManager/Articles/mce/2016/11/5/10dd-05-11-2016--16-09-41.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ <span>Reuters </span></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>