<p><span style="color: #000000;">Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។ កីឡាករឆ្នើមសញ្ជាតិ ប៊េហ្ស៊ីក ត្រូវបានស្វាគម៍យ៉ាងកក់ក្តៅដោយកុ្រមអ្នកគាំទ្រថ្មី ក្នុងពហុកីឡដ្ឋាន Santiago Bernabéu ដែលមានងារថា ជាកីឡាករល្អជាងគេក្នុងវគ្គផ្តាច់ព្រ័ត្រ Europa League ដែលនឹងមកគ្រងឈុតស្តេចស ជាលើកដំបូង។ តាំងតែពីល្ងាចមិញម្លេះ តំបន់ជុំវិញពហុកីឡដ្ឋាន ត្រូវបានប្រមូលផ្ដុំដោយអ្នកគាំទ្ររបស់ស្តេចស ដែលមានឈ្មោះថា Madridistas ខណៈពេលដែលពួកគេកំពុងរង់ចាំអោយពហុកីឡដ្ឋានបើកទ្វារដើម្បីអបអរ នៅថ្ងៃពិសេសមួយនេះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/20/he18591-20-06-2019--14-56-46.jpg"><img src="/FileManager/Articles/mce/2019/6/20/he18591-20-06-2019--14-56-46.jpg" alt="" /></a><br /></span></p>
<p><span style="color: #000000;">ពេលវេលា ដែលអ្នកគាំទ្រទន្ទឹងរង់ចាំត្រូវបានមកដល់ បន្ទាប់ពីម៉ោង ៨:០០ល្ងាច នៅពេលដែល Hazard ដើរចូលទីលានក្នុងការរំពឹងទុកដ៏ធំមួយ ដែលគាត់នឹងពាក់អាវថ្មីរបស់ Real Madrid។ អ្នកគាំទ្របានស្រែក ឈ្មោះរបស់គាត់ដោយក្ដីរំភើបរីករាយ នឹងការប៉ះបាល់ដំបូងរបស់គាត់ក្នុងនាមជា Madridista។</span></p>
<p><br /><a class="thickbox" title="" href="/FileManager/Commons/2019/6/20/av28112thumb-20-06-2019--14-57-04.jpg"><img src="/FileManager/Articles/mce/2019/6/20/av28112thumb-20-06-2019--14-57-04.jpg" alt="" /></a></p>
<p><span style="color: #000000;">តារាបាល់ទាត់រូបនេះ បានឆ្លើយតបទៅអ្នកគាំទ្រ តាមរយៈការបង្ហាញដោយការទាត់បាល់ឡើងលើបង្ហាញអ្នកគាំទ្រ និងផ្ញើសារទៅអ្នកគាំទ្រថា៖ “សូមអរគុណអ្នកទាំងអស់គ្នាណាស់។ Hala Madrid!</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/20/he18618thumb-20-06-2019--14-57-55.jpg"><img src="/FileManager/Articles/mce/2019/6/20/he18618thumb-20-06-2019--14-57-55.jpg" alt="" /></a><br /></span></p>
<p><span style="color: #000000;">សូមបញ្ចាក់ផងដែរថា កីឡាករ Eden Hazard ត្រូវបានក្រុមស្តេចស Real Madrid ទិញមកពីក្រុមតោខៀវ Chelsea ក្នុងតម្លៃខ្លួន ១៣០ លានផោន និងចុះកុងត្រាជាមួយស្តេចស Real Madrid រហូតដល់ឆ្នាំ ២០២៤៕</span></p>
<p><br /><a class="c_tab" href="https://mekongnet.com.kh/" target="_blank"><img src="/FileManager/Articles/mce/2019/6/20/mekongnet-promo-500x168-01-20-06-2019--15-00-01.jpg" alt="" /></a></p>
<p><span style="color: #000000;"><br />អត្ថបទ៖ ស៊ីថា</span></p>
<p><span style="color: #000000;"><br />ប្រភព៖ realmadrid</span></p>
<p> </p>