<p><span style="color: #000000;"><strong>ភ្នំពេញ៖</strong> តារាចម្រៀងជើងចាស់ បកស្រាយបទចម្រៀង បានទាំងបុរាណ និងសម័យ យ៉ាងពីរោះរណ្តំចិត្ត អ្នកនាង ម៉េង កែវពេជ្ជតា នៅពេលថ្មីៗនេះ បានសម្រេចចិត្ត បើកឱកាសឲ្យតារាចម្រៀងជំនាន់ក្រោយ បានចាប់ដៃគូឡើង បកស្រាយ បទចម្រៀងជាមួយនាង ដោយមិនប្រកាន់ខ្លួន ជាតារាល្បី ឬជារៀមច្បងជំនាន់មុនអ្វីឡើយ ។</span></p>
<p><span style="color: #000000;">តារាចម្រៀងសំឡេងពីរោះ ស្រទន់រណ្តំចិត្ត ដូចរៃកណ្ដឹង អ្នកនាង ម៉េង កែវពេជ្ជតា ជារឿយៗ គេតែងតែបានឃើញវត្តមានរបស់នាង ឡើងឆាកជាបន្តបន្ទាប់ ដោយក្នុងនោះ អមដោយដៃគូថ្មីសន្លាងជា តារាចម្រៀងបុរសវ័យក្មេង នៅតាមស្ថានីយ ទូរទស្សន៍ជាច្រើន។ នៅក្នុងនោះ គេសង្កេតឃើញថា តារាចម្រៀងស្រីរូបនេះ មិនមានការឆ្មើងឆ្មៃតម្កើងឫកពារថា ខ្លួនជាតារាល្បីជើងចាស់ឡើយ ដោយជានិច្ចកាល នាងតែងតែផ្តល់ឱកាស ឲ្យតារាជំនាន់ក្រោយនូវបទពិសោធន៍ ក្នុងការច្រៀង និងផ្នែកសិល្បៈជាច្រើនទៀត ។</span></p>
<p><span style="color: #000000;">តារាចម្រៀង អ្នកមេម៉ាយចាយ សម្រស់កូនពីរ អ្នកនាង ម៉េង កែវពេជ្ជតា ក្រៅពីចាប់ដៃគូច្រៀង ជាមួយ តារាចម្រៀងជើងចាស់ដូចជា លោក ណូយ វ៉ាន់ណេត , លោក អៀង ស៊ីធុល និងតារាចម្រៀងជើងចាស់ ជាច្រើនទៀត ពេលនេះ អ្នកនាង បានបង្ហាញវត្តមានផ្លាស់ ប្តូររសជាតិ ដោយចាប់ដៃគូជា បុរសរូបសង្ហាវ័យក្មេងវិញម្តង ដោយដៃគូថ្មីនោះមាន ដូចជា លោក បញ្ញាសិទ្ធិ និងលោក រតនៈ ពិសិដ្ឋ ហើយនាង និងបើកឱកាសទទួល យកដៃគូជាច្រើនទៀត ឲ្យតែគេមានបំណងចង់ ច្រៀងជាមួយនាង ។</span></p>
<p><span style="color: #000000;">បើទោះបី ជាតារាចម្រៀង អ្នកនាង ម៉េង កែវពេជ្ជតា ជាតារាចម្រៀងជើងចាស់ ប្រឡូកសិល្បៈជាច្រើនឆ្នាំ ហើយក៏ដោយ តែចំពោះប្រជាប្រិយភាព និងកេរ្តិ៍ឈ្មោះរបស់នាង មិនបាក់ស្រុតឡើយ គឺនៅតែល្បីរន្ទឺរងំដដែល ដោយសំឡេងរបស់នាង នៅតែផ្អែមពីរោះ ពេញចិត្តប្រិយមិត្តអ្នកស្ដាប់ មិនចេះរីងស្ងួត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/4/40-04-08-2015--14-04-27.jpg"><img src="/FileManager/Articles/mce/2015/8/4/40-04-08-2015--14-04-27.jpg" alt="" /></a></span></p>
<p><a class="thickbox" title="" href="/FileManager/Commons/2015/8/4/41-04-08-2015--14-04-35.jpg"><img src="/FileManager/Articles/mce/2015/8/4/41-04-08-2015--14-04-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/4/40-04-08-2015--14-04-27.jpg"></a></span></p>
<p><a class="thickbox" title="" href="/FileManager/Commons/2015/8/4/42-04-08-2015--14-04-44.jpg"><img src="/FileManager/Articles/mce/2015/8/4/42-04-08-2015--14-04-44.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>