<p><span style="color: #000000;"><strong>(ភ្នំពេញ)៖</strong> ក្រុមតន្រ្តីរបស់អាមេរិក ឈ្មោះ Matuto ដែលជាក្រុមតន្រ្តីពេញនិយមខ្លាំង នៅទីក្រុង New York នឹងមកប្រគំជូនប្រជាពលរដ្ឋកម្ពុជា ដោយឥតគិតថ្លៃ រយៈពេល ៤ថ្ងៃចាប់ពីថ្ងៃទី១៩ ដល់ថ្ងៃទី ២២ ខែឧសភា ឆ្នាំ២០១៦។ នេះបើយោងតាមសេចក្តី ជូនដំណឹងរបស់ស្ថានទូតអាមេរិក ប្រចាំនៅកម្ពុជា នៅថ្ងៃទី១៧ ខែឧសភា ឆ្នាំ២០១៦។</span></p>
<p><span style="color: #000000;">សេចក្តីជូនដំណឹង បានឲ្យដឹងថា ក្រោមការរៀបចំរបស់ស្ថានទូតអាមេរិក ប្រចាំកម្ពុជា សហការជាមួយក្រសួងវប្បធម៌ និងវិចិត្រសិល្បៈ និង អង្គការអម្រឹតសិល្បៈ បានអញ្ជើញក្រុមតន្រ្តី ដ៏ល្បីឈ្មោះ Matuto មកសម្ដែងនៅទឹកដីកម្ពុជា ដោយមានការចូលរួមពីសិល្បករខ្មែរ មាន DJ ពូឃ្លាំង ផងដែរ។ ការសម្ដែងជាសាធារណៈនេះ នឹងធ្វើការប្រគំនៅខេត្តក្រចេះ ស្ទឹងត្រែង និង ខេត្តកំពង់ចាម ហើយថ្ងៃចុងក្រោយប្រគំ នៅរាជធានីភ្នំពេញ។</span></p>
<p><span style="color: #000000;">ការសម្ដែងខាងលើ នឹងប្រព្រឹត្តទៅចាប់ពីថ្ងៃទី១៩-២២ ខែឧសភា ដោយថ្ងៃទី១ វេលាម៉ោង ៧៖០០នាទីយប់ នៅមន្ទីរវប្បធម៌ខេត្តក្រចេះ, ថ្ងៃទី២ វេលាម៉ោង៧៖០០នាទីយប់ នៅមន្ទីរវប្បធម៌ខេត្តស្ទឹងត្រែង, ថ្ងៃទី៣ វេលាម៉ោង ៧៖០០នាទីយប់ នៅមន្ទីរគរុកោសល្យខេត្តកំពង់ចាម, ថ្ងៃទី៤ វេលាម៉ោង៧៖០០នាទីយប់ នៅសាកលវិទ្យាល័យភូមិន្ទភ្នំពេញ (សាលមហោស្រពគ្មានដំបូល នៃវិទ្យាស្ថានភាសាបរទេស ក្រោយអាគារ CJCC)។</span></p>
<p><span style="color: #000000;">បើតាមការបញ្ជាក់ របស់ស្ថានទូតអាមេរិក ក្រៅពីការសម្តែងនៅប្រទេសកម្ពុជា ក្រុមតន្រ្តី Matuto នឹងទៅទស្សនកិច្ច និងសម្ដែងនៅប្រទេសថៃ និងប្រទេសចិនផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/18/08b-18-05-2016--15-31-48.jpg"><img src="/FileManager/Articles/mce/2016/5/18/08b-18-05-2016--15-31-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>