<p><span style="color: #000000;"><strong>(តូក្យូ)៖</strong> នាវាមួយគ្រឿងផ្ទុកដោយសារធាតុភ្លុយតានីត្យូម សម្រាប់ផលិតអាវុធនុយក្លេអ៊ែ បានចាកចេញពីប្រទេសជប៉ុន ឆ្ពោះទៅកាន់សហរដ្ឋអាមេរិកនៅថ្ងៃអង្គារនេះ ដោយនេះគឺជាការបញ្ជូន គ្រឿងសម្ភារៈគ្រោះថ្នាក់កម្រិតខ្ពស់ ចាប់តាំងពីឆ្នាំ១៩៩២មក នេះបើយោងតាមការចេញផ្សាយរបស់សារព័ត៌មានស៊ិនហួ ចេញផ្សាយនៅថ្ងៃទី២៣ ខែមីនា។</span></p>
<p><span style="color: #000000;">ក្រុមអភិរក្សបរិស្ថាន Greenpeace បានបញ្ជាក់ថា សារធាតុភ្លុយតានីត្យូមប្រមាណ ៣៣១គីឡូក្រាម គឺគ្រប់គ្រាន់ក្នុងការផលិតអាវុធនុយក្លេអ៊ែ ប្រមាណជា ៥០គ្រាប់ ត្រូវបានយកពីមជ្ឈមណ្ឌលស្រាវជ្រាវនុយក្លេអ៊ែមួយនៅតំបន់កំពង់ផែ Tokai Mura ប្រទេសជប៉ុន ដាក់ទៅលើនាវារបស់ចក្រភពអង់គ្លេស ឈ្មោះ Pacific Egret ដើម្បីបញ្ជូនទៅកាន់រដ្ឋ South Carolina សហរដ្ឋអាមេរិក។</span></p>
<p><span style="color: #000000;">ភ្នាក់ងារថាមពលអាតូមិកជប៉ុន (JAEA) ដែលជាភ្នាក់ងាររបស់រដ្ឋាភិបាលទទួលបន្ទុកលើគ្រឿងឧបករណ៍នុយក្លេអ៊ែ មិនបានធ្វើអត្ថាធិប្បាយលើរបាយការណ៍របស់ក្រុម Greenpeace នោះទេ ខណៈស្ថានទូតសហរដ្ឋអាមេរិកប្រចាំទីក្រុងតូក្យូ ក៏បានបដិសេធក្នុងការអត្ថាធិប្បាយផងដែរ។</span></p>
<p><span style="color: #000000;">ការដឹកបញ្ជូនសារធាតុភ្លុយតានីត្យូម គឺជាដំណឹងដ៏រសើបមួយ ព្រោះវាអាចយកទៅប្រើប្រាស់ក្នុងការផលិតអាវុធនុយក្លេអ៊ែ ឬក៏គ្រាប់បែកដ៏កាចសាហាវ ហើយការដឹកបញ្ជូននេះទៀតសោតគឺជាចំនួនដ៏តិចមួយនៃសារធាតុភ្លុយតានីត្យូមសរុបនៅក្នុងប្រទេសជប៉ុន ដែលមានប្រមាណជិត ៥០តោន ដោយភាគច្រើនបានមកពីការដំណើរឡើងវិញ នៃរ៉េអាក់ទ័រនៅស្ថានីយ៍ផលិតអគ្គីសនី ដើរដោយថាមពលនុយក្លេអ៊ែរ។</span></p>
<p><span style="color: #000000;">សារធាតុភ្លុយតានីត្យូម ត្រូវបានដឹកបញ្ជូនដើម្បីផ្គត់ផ្គង់ដល់សហរដ្ឋអាមេរិក, ចក្រភពអង់គ្លេស និងបារាំងសម្រាប់គម្រោង Fast Critical Assembly របស់ភ្នាក់ងារ JAEA នៅក្នុងឧប្បតិហេតុនុយក្លេអ៊ែរ Tokai Mura ដែលបានកើតឡើង កាលពីឆ្នាំ១៩៩៧៕</span></p>
<p><a class="thickbox" title="" href="/FileManager/Commons/2016/3/24/04-24-03-2016--14-06-10.jpg"><img src="/FileManager/Articles/mce/2016/3/24/04-24-03-2016--14-06-10.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>