<p><strong>(ភ្នំពេញ)៖</strong> ស្រ្តីម្នាក់ត្រូវបុរសរាប់អានគ្នា តាមទូរស័ព្ទ តេហៅណាត់ជួបដើម្បីយកលុយ តែពេលទៅដល់បែរជាបុរសនោះវាយប្លន់យកលុយ ទៅវិញ។</p>
<p>ហេតុការណ៍នេះ បានកើតឡើងនៅរសៀលថ្ងៃទី១២ ខែវិច្ឆិកា ឆ្នាំ២០១៦នេះ នៅចំណុចនៅក្នុងព្រៃ ស្ថិតនៅភូមិកោះនិរា សង្កាត់និរោធ ខណ្ឌច្បារអំពៅ រាជធានីភ្នំពេញ។</p>
<p>មន្ដ្រីនគរបាលបានឲ្យដឹងថា ស្ដ្រីរងគ្រោះឈ្មោះ ព្រាប ហ៊ីង អាយុ៤៨ឆ្នាំ មុខរបរស៊ីឈ្នួលលាងចាន ស្នាក់នៅសង្កាត់ចតុមុខ ខណ្ឌដូនពេញ ។</p>
<p>ស្រ្តីរងគ្រោះបានប្រាប់ថា មុនកើតហេតុ គាត់ត្រូវបានជនសង្ស័យដែលស្គាល់តាមទូរស័ព្ទ តេហៅឲ្យមកយកលុយចាយរួចខ្លួនក៏តាម ការណាត់ ក្រោយពេលខ្លួនមកដល់ ជនសង្ស័យបានហៅចូលទៅក្នុងព្រៃ រួចក៏ធ្វើសកម្មភាពវាយបណ្ដាលឲ្យបែកមុខ។ ជនរងគ្រោះ បញ្ជាក់ថា បន្ទាប់ពីវាយរួចជនសង្ស័យបានយកលុយ ៣០ម៉ឺនរៀល និងទូរស័ព្ទ១គ្រឿង ហើយរត់គេចខ្លួនបាត់ស្រមោល។</p>
<p>ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យបង្អែក ខណ្ឌមានជ័យ និងដាក់ពាក្យបណ្ដឹងតាមក្រោយ៕</p>
<p><img src="http://image.freshnewsasia.com/2016/099/fn-2016-11-12-18-38-19-0.jpg" alt="" width="730" /></p>
<p><img src="http://image.freshnewsasia.com/2016/099/fn-2016-11-12-18-38-20-1.jpg" alt="" width="730" /></p>
<p><img src="http://image.freshnewsasia.com/2016/099/fn-2016-11-12-18-38-20-2.jpg" alt="" width="730" /></p>
<p> </p>
<p style="text-align: right;"><span>ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>