<p><span style="color: #000000;">ចំណងអាពាហ៍ពិពាហ៍ មិនប្រាកដថា ជោគជ័យគ្រប់គូនោះទេ បើភាគីម្ខាងៗ គ្មានការយោគយល់ដល់គ្នា ចាំតែចាប់កំហុសគ្នា មិនយកចិត្ដទុកដាក់នឹងគ្នា និងមិនរួមសុខទុក្ខនឹងគ្នា ។ ជាក់ស្ដែង ចំណងអាពាហ៍ពិពាហ៍តារាមួយគូគឺ <a href="https://www.viki.com/celebrities/14161pr?utm_source=soompi&utm_medium=soompi_news&utm_campaign=soompi_link&utm_content=ku-hye-sun-and-ahn-jae-hyun-come-to-a-settlement-finalize-divorce&utm_content_id=1412926wpp" target="_blank"><span style="color: #000000;">Ku Hye Sun</span></a> និង <a href="https://www.viki.com/celebrities/10008pr?utm_source=soompi&utm_medium=soompi_news&utm_campaign=soompi_link&utm_content=ku-hye-sun-and-ahn-jae-hyun-come-to-a-settlement-finalize-divorce&utm_content_id=1412926wpp" target="_blank"><span style="color: #000000;">Ahn Jae Hyun</span></a> ឈានដល់ផ្លូវបំបែកតាមផ្លូវច្បាប់ ដោយមិនដឹងពីមូលហេតុពិតប្រាកដ នៅពីក្រោយការលែងលះនោះ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/7/15/devorce-15-07-2020--15-00-19.jpg"><img src="/FileManager/Articles/mce/2020/7/15/devorce-15-07-2020--15-00-19.jpg" alt="" /></a><br /></span></p>
<p><span style="color: #000000;">នៅថ្ងៃទី១៥ ខែកក្កដានេះ ការលែងលះដោយមធ្យោបាយសន្ធានកម្ម ត្រូវបានជំនុំជម្រះជាស្ថាពរ នៅតុលាការគ្រួសារក្រុងស៊េអូល ។ តារាស្រីប្រុស Ahn Jae Hyun និង Ku Hye Su ពុំបង្ហាញវត្ដមានអំឡុងពេលជំនុំជម្រះឡើយ ហើយអ្នកតំណាងស្របច្បាប់របស់ពួកគេទាំងពីរ ជាអ្នកចូលរួម នៅក្នុងនីតិវិធីលែងលះនោះ ។</span></p>
<p><span style="color: #000000;">របាយការណ៍របស់ពួកគេ មានខ្លឹមសារថា៖</span></p>
<p><span style="color: #000000;">“Ahn Jae Hyun និង Ku Hye Su យល់ព្រមដោះស្រាយការលែងលះតាមរយៈដំណោះស្រាយសន្ធានកម្ម នៅថ្ងៃទី ១៥ ខែកក្កដា ឆ្នាំ ២០២០ ។ ភាគីទាំងពីរ នឹងជ្រើសរើសផ្លូវដើររៀងខ្លួន ហើយពួកគេ ជូនពរឱ្យគ្នា មានអនាគតដ៏ល្អរៀងៗខ្លួន ។ យើងសម្ដែងការសោកស្ដាយចំពោះបញ្ហាឯកជនរបស់ពួកគេ ដែលបានបង្កភាពស្មុគស្មាញដល់សាធារណៈជនរហូតបច្ចុប្បន្ន” ។</span></p>
<p><span style="color: #000000;">គួរបញ្ជាក់ថា អ្នកទាំងពីរបានរៀបការ ក្នុងឆ្នាំ ២០១៦ ហើយអ្នកនាង Ahn Jae Hyun បានប្ដឹងលែងលះ នៅខែកញ្ញា ឆ្នាំ ២០១៩ ៕</span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ soompi</span></p>
<p> </p>