<p><span style="color: #000000;"><strong>(កែប)៖ </strong>អាជ្ញាធរជំនាញខេត្តកែប បានប្រាប់ Fresh News នៅរសៀលថ្ងៃទី០៣ ខែមេសា ឆ្នាំ២០១៦នេះថា ស្ថានភាពទឹកសមុទ្រនៅខេត្តកែប ដែលកន្លងមកប្រែពណ៌បៃតងខុសធម្មតានោះ ពេលនេះមានភាពល្អប្រសើរឡើងវិញហើយ ប៉ុន្តែអាជ្ញាធរនៅមិនទាន់អនុញ្ញាតឲ្យប្រជាពលរដ្ឋ ឬភ្ញៀវទេសចរ ងូតទឹកនៅឡើយទេ។</span></p>
<p><span style="color: #000000;">លោក អ៉ឹម បញ្ញារិទ្ធិ ប្រធានមន្ទីរបរិស្ថានខេត្តកែប បានឲ្យដឹងថា ទឹកសមុទ្រនៅតំបន់មួយចំនួនក្នុងខេត្តកែប ដែលប្រែពណ៌ទៅជាលឿងនោះ ពេលនេះបានត្រឡប់ទៅជាពណ៌ធម្មតាវិញហើយ ដោយនៅសល់តិចតួចប៉ុណ្ណោះ។ លោកបន្ថែមថា ទោះជាយ៉ាងណាសមត្ថកិច្ចមិនទាន់ឲ្យភ្ញៀវទេសចរងូតលេងកំសាន្តទេ ដោយរង់ចាំការធ្វើកោសល្យវិច័យលើទឹកសមុទ្រខាងលើនេះ ចេញជាលទ្ធផលសិន។ លោកថាលទ្ធផលនោះអាចចេញនៅអំឡុងពេល ៥ថ្ងៃ។</span></p>
<p><span style="color: #000000;">លោក អ៉ឹម បញ្ញារិទ្ធិ បាននិយាយថា ការដែលទឹកសមុទ្រប្រែជាពណ៌បៃតងកន្លងមកនេះ ដោយសារតែការកើនឡើងនៃកម្រិតជាតិស្លែ ហើយបាតុភូតនេះទើបនឹងកើតមានជាលើកទី១ ប៉ុណ្ណោះនៅក្នុងខេត្តកែប និងប្រទេសកម្ពុជា។</span></p>
<p><span style="color: #000000;">កាលពីថ្ងៃទី០១ ខែមេសា ឆ្នាំ២០១៦ ប្រជាពលរដ្ឋខេត្តកែប មានការភ្ញាក់ផ្អើលយ៉ាងខ្លាំង បន្ទាប់ពីឃើញទឹកសមុទ្រនៅខេត្តកែប ប្រែពណ៌បៃតងខ្ចីខុសធម្មតា ហើយសត្វសមុទ្រជាច្រើនដូចជា មឹក បង្គា និងសត្វសមុទ្រមួយចំនួនទៀត បានងាប់ជាបន្តបន្ទាប់ដោយមិនដឹងមូលហេតុច្បាស់លាស់។ ពលរដ្ឋមានការព្រួយបារម្មថាបាតុភូតនេះ នឹងធ្វើឲ្យប៉ះពាល់ដល់ភ្ញៀវដែលទៅកំសាន្តនៅសមុទ្រ ក៏ដូចជាប្រជាពលរដ្ឋដែលរស់នៅជុំវិញ។</span></p>
<p><span style="color: #000000;">ទោះជាយ៉ាងណារហូតមកដល់ពេលនេះ សមត្ថកិច្ចពាក់ព័ន្ធកំពុងរកវិធានការដោះស្រាយ ប៉ុន្តែមិនទាន់មានដំណោះស្រាយនៅឡើយទេ។</span></p>
<p><span style="color: #000000;">សូមបញ្ជាក់ថា នៅថ្ងៃទី០៣ ខែមេសា ឆ្នាំ២០១៦នេះ លោក ថោង ខុន រដ្ឋមន្ត្រីក្រសួងទេសចរណ៍ បានដឹកនាំអ្នកជំនាញពាក់ព័ន្ធចុះពិនិត្យជាក់ស្ដែងនៅឆ្នេរកែប និងកោះទន្សាយផងដែរ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/1918166_1582856282028737_1769892972461660172_n.jpg?oh=8c504bb225a714e227aed69bd8a98450&oe=578BBCC0" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/12963377_1582856285362070_2813794987709722685_n.jpg?oh=4430686ff636ac6918dbbf91d9c68e45&oe=578AAC8A" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/12938204_1582856278695404_7619853206149129415_n.jpg?oh=c7febea7bc5ed9e61cd563eada9d0bd8&oe=57775502" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12321697_1582856335362065_343405620049265162_n.jpg?oh=d1d1f7a094b3b16383794e39d8ed5f67&oe=57848027" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>