<p><span style="color: #000000;"><strong>(ភ្នំពេញ)៖</strong> ពិតជារឿងគួរឲ្យភ្ញាក់ផ្អើលមួយ ក្នុងសង្គមសិល្បៈ នៅពេលដែលពិធិការិនី និងជាតារាសម្ដែងល្បីឈ្មោះមួយដួង គឺស្រីស្រស់ គង់ វង្សយ៉ាទី បានព្រលយជំហររបស់ខ្លួនថា ប្រើសិនបើមានផលិតកម្មណា ហ៊ានឲ្យតម្លៃខ្លួនខ្ពស់សមស្របណាមួយ អាចទទួលយកបាន ហើយតម្រូវឲ្យមានឈុតឆាក ស្រាតននលគោក សម្រាប់នាងសម្ដែងនោះ នាងនឹងពិចារណា ពោលមិនឲ្យចាញ់តារាល្បី កញ្ញា ឌុច លីដា ឡើយ ។</span></p>
<p><span style="color: #000000;">មហាជននៅចាំបានថា តារាសម្ដែងស្រីមានផ្ទៃមុខ សិចស៊ីកាត់អឺរ៉ុប កញ្ញា ឌុច លីដា បានគ្រងតំណែងជាតួឯក ក្នុងរឿង«ស្បែកគង់» របស់ផលិតកម្ម Angkor Picture ក្នុងនោះមានឈុតឆាកមួយ ដែលអ្នកដឹកនាំសម្ដែង បានឲ្យនាងស្រាតទាំងអស់តែម្ដង នៅចំពោះមុខតួឯកប្រុស គឺលោក អ៊ុន សិទ្ធា ។ បន្ទាប់ពីរឿងនេះ ចាក់បញ្ចាំងជាផ្លូវការរួចមក ត្រូវបានគេសង្កេតឃើញថា ឌុច លីដា មានសន្ទុះកេរ្តិ៍ឈ្មោះ និងទទួលបាននូវប្រជាប្រិយភាព ដូចជាទឹកបាក់ទំនប់ ព្រោះតែនាងហ៊ានបញ្ចេញ រាងកាយដ៏ស្រឡូន ឲ្យមហាជនបានឃើញ ខុសពីតារាដទៃ។</span></p>
<p><span style="color: #000000;">ងាកមកតារាសម្ដែង មានឈ្មោះល្បីរាប់ឆ្នាំ ប៉ុន្តែទើបគ្រងតំណែងតួឯកជាលើកដំបូង ក្នុងរឿង«ខ្មោចប្រពន្ធស្ដេចល្បែង» កញ្ញា គង់ វង្សយ៉ាទី វិញ បានព្រលយសារមួយ គួរឲ្យចាប់អារម្មណ៍ថា ដើម្បីភាពល្បីល្បាញបន្ថែមពីលើនេះ និងតម្រូវចិត្តអ្នកដឹកនាំសម្ដែង ជាពិសេសឲ្យភាពយន្ត ដែលនាងសម្ដែងទទួលបាន ការគាំទ្រខ្លាំង នាងអាចថតឈុតស្រើបស្រាល ឬឈុតស្រាតក៏បានដែរ ប៉ុន្តែជាមួយគ្នានេះ តម្លៃខ្លួនក៏ត្រូវសមស្របដែលនាង អាចទទួលយកបានដែរ ទើបហ៊ានប្រថុយ។</span></p>
<p><span style="color: #000000;">ស្រីស្រស់មានទម្រង់មុខកាចឆ្នាស់ឆ្នើម គង់ វង្សយ៉ាទី បានប្រាប់ Khmertalking ថា <strong>« ចា៎បង..! សម្រាប់ខ្ញុំត្រូវតែមានភាពបត់បែន តាមកាលៈទេសៈ ពេលនៅក្មេងខ្ញុំចូលចិត្តសិចស៊ី ចូលចិត្តសម្ដែងសិចស៊ី តែពេលនេះអត់ទេ ត្រូវប្ដូរតាមកាលៈទេសៈ ពេលយើងត្រូវសុភាព គឺសុភាព ពេលត្រូវសិចស៊ី គឺត្រូវសិចស៊ី។ ប៉ុន្តែបើសាច់រឿង និងអ្នកដឹកនាំសម្ដែង តម្រូវឲ្យខ្ញុំថតដូចគាត់ (ឌុច លីដា) ហើយរឿងនេះ អាចជួយឲ្យភាពយន្តខ្មែររីកចម្រើន និងយកទៅក្រៅប្រទេស អាហ្នឹងខ្ញុំអាច...!។ និយាយឲ្យចំទៅពាក់ព័ន្ធនឹងតម្លៃខ្លួន ព្រោះខ្ញុំជាស្រីខ្មែរ ត្រូវគិតពីកិត្តិយសកេរ្តិ៍ឈ្មោះ ប៉ុន្តែនៅពេលនេះ មិនទាន់មានអ្នកមកទាក់ទងខ្ញុំ ឲ្យថតបែបនេះនៅឡើយទេ..!»</strong>។</span></p>
<p><span style="color: #000000;">ជាការពិតសម្រាប់ស្រីស្រស់ សម្រស់ឆើតឆាយ មុខមានមន្តស្នេហ៍ កញ្ញា គង់ វង្សយ៉ាទី ត្រូវបានទស្សនិកជន សង្កេតឃើញថា កន្លងមកនាងធ្លាប់តែសម្ដែង ជាតួកាចឆ្នាស់ ឈ្នានីសតួឯកស្រីជាដើម ប៉ុន្តែក្នុងរឿងថ្មី ទើបតែចាក់បញ្ចាំងមានចំណងជើងថា «ខ្មោចប្រពន្ធស្ដេចល្បែង» គឺនាងឆក់បានតំណែង ជាតួឯកលើកដំបូង ក្នុងជីវិតសិល្បៈ ហើយតួឯកនេះ ត្រូវឲ្យនាងសម្ដែងជាតួខ្មោច និងត្រូវបានគេចាប់រំលោភទៀតផង ។</span></p>
<p><span style="color: #000000;">ទោះបីជាយ៉ាងណា គង់ វង្សយ៉ាទី បញ្ជាក់ថា នាងមិនប្រកាន់ថា ត្រូវសម្ដែងជាតួឯក ឬតួរងនោះទេ សំខាន់សូមឲ្យបងប្អូនទស្សនិកជន ជួយលើកស្ទួយ និងគាំទ្រភាពយន្តខ្មែរ ឲ្យបានកាន់តែច្រើន ព្រោះខ្មែរត្រូវតែជួយគាំទ្រខ្មែរ ខណៈដែលភាពយន្តយើង កំពុងតែមានសន្ទុះឡើងវិញ ។ បើបងប្អូនគាំទ្រខ្លាំង លើវិស័យភាពយន្តខ្មែរ ធ្វើឲ្យផលិតករ និងតារាសម្ដែងទាំងអស់មានទឹកចិត្ត និងបន្តផលិតភាពយន្តថ្មីៗជាច្រើនទៀត ដើម្បីបំពេញសេចក្ដីត្រូវការ បន្ថែមទៀត៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/t31.0-8/12710793_231428387189671_6630319373928683779_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/12745602_231428173856359_1772850516173550069_n.jpg?oh=473b6fc72cbe2aaa84a52126d1ed774b&oe=57665998" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12728785_231428170523026_8264467616476542759_n.jpg?oh=73011f860f4a59b7f13b33c5fa14e9e2&oe=5757D7A7" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12744489_231428113856365_7724032106261703808_n.jpg?oh=1efb8c66650e4672346ae2e619af735c&oe=5768C10E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12745645_231428110523032_9086527729028482085_n.jpg?oh=6e3903616b0e25246101ab00de2e46ec&oe=5762827A" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12741986_231428107189699_4400946721340281184_n.jpg?oh=a872b0dce5ecc97bba75bf0c37487aa3&oe=572AD79C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"> </p>