<div class="article-content">
<p><strong>ភ្នំពេញ ៖</strong> នារីខ្មែរឥស្លាម ២នាក់ ជា និស្សិតនៅសកលវិទ្យាល័យន័រតុន បានរង របួស ក្រោយ<br />ពេលដែលរថយន្ដស៊ីអវី មួយ គ្រឿង ដែលបើកដោយមន្ដ្រីយោធាម្នាក់ បុកកាលពីវេលាម៉ោង<br /> ៧ និង១៥នាទីព្រឹក ថ្ងៃទី២៥ ខែវិច្ឆិកា ឆ្នាំ២០១៣ ស្ថិតនៅ តាមបណ្ដោយផ្លូវលេខ១១០ ក្នុង<br />សង្កាត់វត្ដ ភ្នំ ខណ្ឌដូនពេញ ប៉ុន្ដែសម្រាប់គ្រោះថ្នាក់ ចរាចរណ៍ខាងលើនេះ មិនរំខានដល់សមត្ថ<br /> កិច្ចមូលដ្ឋាន ឬមន្ដ្រីនគរបាលចរាចរណ៍ជើង គោក ចុះមកវាស់វែង និងជួយដោះស្រាយ នោះ<br />ឡើយ ព្រោះតែអ្នកបើករថយន្ដបាន សងសំណងទៅជនរងគ្រោះទាំង២នាក់ ចំនួន ៧០ម៉ឺនរៀល។</p>
<p>សេចក្ដីរាយការណ៍ ពីកន្លែងកើតហេតុ បានឱ្យដឹងថា និស្សិតសកលវិទ្យាល័យន័រ តុន ជនជាតិខ្មែរ<br />ឥស្លាមបានបើកម៉ូតូម៉ាក ស្មាស់ពណ៌ក្រហម ពាក់ស្លាកលេខ ក្រចេះ ១បេ ៣៣២៥ ក្នុងទិសដៅពី<br />ជើងទៅត្បូង ទំនងជាឆ្ពោះទៅសាលារៀន លុះដល់ចំណុច កើតហេតុ ស្រាប់តែមានរថយន្ដស៊ីអវី<br />មួយ គ្រឿង ពណ៌ទឹកប្រាក់ ពាក់ស្លាកលេខភ្នំ ពេញ ២ណ-៥៦៥១ ធ្វើដំណើរក្នុងទិសដៅពី កើត<br />ទៅលិច បានបុកពេញមួយទំហឹង បណ្ដាលឱ្យជនរងគ្រោះទាំង ២នាក់ ដួល ម៉ូតូរងរបួស ប៉ុន្ដែ មិន<br />ធ្ងន់ធ្ងរនោះឡើយ។</p>
<p>សេចក្ដីរាយការណ៍បានបន្ដទៀតថា ក្រោយពីជួបគ្រោះថ្នាក់ចរាចរណ៍ខាងលើ ភាគីទាំង២បានធ្វើការ<br />សម្របសម្រួលគ្នា លុះចុងបញ្ចប់ ម្ចាស់រថយន្ដស៊ីអវី បានសង សំណងចំនួន ៧០ម៉ឺនរៀលដល់ជនរង<br />គ្រោះ ទាំង២នាក់។យ៉ាងណាក៏ដោយពុំមាននរណា ម្នាក់ ស្គាល់ពីអត្ដសញ្ញាណអ្នកបើករថយន្ដនោះ<br />ឡើយ គ្រាន់តែដឹងថា ជាមន្ដ្រីយោធា ដោយឡែកជនរងគ្រោះទាំង២នាក់ ជា និស្សិតសកលវិទ្យា<br />ល័យន័រតុន ។ ក្រោយដោះស្រាយគ្នារួច តាមរយៈសំណង ៧០ ម៉ឺនរៀល ភាគីទាំង២បានធ្វើដំណើរ<br />ត្រឡប់ ទៅវិញរៀងៗខ្លួន ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0844.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>