<p><span style="color: #000000;"><strong>កូរ៉េ ៖</strong> ព័ត៌មានពី Korea Times បានឲ្យដឹង ថា តារាសម្តែងវ័យ៤២ឆ្នាំ Kim Sung Min ត្រូវបានតុលាការ ផ្តន្ទាទោស ឲ្យជាប់ពន្ធធនាគាររយៈពេល ១០ខែ ពីបទ ជួញដូរ និង ប្រើប្រាស់ គ្រឿងញៀន ដែលនាំចូលពីបរទេស និងពីប្រទេសកម្ពុជា ទៅកាន់ប្រទេសកូរ៉េ។</span><br /> <br /><span style="color: #000000;">នៅថ្ងៃអង្គារ៍ ទី២ ខែកញ្ញា ឆ្នាំ២០១៥នេះ តារាសម្តែង Kim Sung Min ត្រូវតុលាការ បានសម្រេចផ្តន្ទាទោស ដាក់ពន្ធធនាគារ រយៈពេល១០ខែ និងពិន័យជាប្រាក់ ៧០ម៉ឺនវ៉ុន (៥៩៣ដុល្លារ អាមេរិក) ពីបទប្រើប្រាស់គ្រឿងញៀន កាលពីឆ្នាំ២០១១ បន្ទាប់ពីត្រូវឃាត់ខ្លួន តារាសម្តែងរូបនេះ ត្រូវព្រះរាជអាជ្ញាបានព្យួរទោស រយៈពេល៤ឆ្នាំ។ តែក្នុងអំឡុងពេលព្យួរទោស Kim Sung Min នៅតែប្រព្រឹត្តិរឿងដដែល នាំឲ្យមានទោសកាន់តែធ្ងន់ធ្ងរ។</span></p>
<p><span style="color: #000000;">សហព្រះរាជអាជ្ញា បានឲ្យដឹងថា « Kim Sung Min បានសារភាពរាល់ទង្វើរបស់ខ្លួន និងសោកស្តាយ ចំពោះរឿងដែលបានធ្វើ» ។ </span><br /><span style="color: #000000;">គួរបញ្ជាក់ផងដែរថា តារាសម្តែង Kim Sung Min បានរត់ពន្ធគ្រឿងញៀន ពីប្រទេស ហ្វីលីពីន កាលពីខែមេសាឆ្នាំ២០០៨ និងបានប្រើប្រាស់ កាលពីអំឡុងឆ្នាំ២០១០ មុនពេលចាប់ខ្លួន។ តែ ដោយសារមេធាវីរបស់គេ អះអាងថា មិនមានភស្តុតាងគ្រប់គ្រាន់ រួចក៏ត្រូវអនុញ្ញាតឲ្យនៅ ក្រៅឃុំ ។</span></p>
<p><span style="color: #000000;">រហូតមកដល់ថ្ងៃទី១១ខែមីនាឆ្នាំ២០១៥នេះ Sung Min ត្រូវចាប់ខ្លួនម្តងទៀត នៅផ្ទះរបស់លោក ក្នុងទីក្រុងសេអ៊ូល ដោយបានផ្ទុកថ្នាំញៀន ប្រភេទមេតំហ្វេតាមីន ចំនួន០,៨ក្រាម ហើយត្រូវរូបគេសារភាពថា នាំចូលពីប្រទេសកម្ពុជា៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/3/09-03-09-2015--09-21-22.jpg"><img src="/FileManager/Articles/mce/2015/9/3/09-03-09-2015--09-21-22.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>