<p style="text-align: justify;">ថ្មីៗនេះ ស្ថានទូតសហរដ្ឋអាមេរិកប្រចាំប្រទេសកម្ពុជា បានចេញសេចក្តីថ្លែងការស្តីពី ការស្លាប់<br />របស់ កុមារីជំទង់ម្នាក់នៅខេត្តក្រចេះ ហើយស្នើឲ្យអាជ្ញាធរកម្ពុជាធ្វើការស៊ើបអង្កេតចំពោះការ<br />បាញ់សម្លាប់នេះ ឲ្យបានពេញលេញ និងមានតម្លាភាព។</p>
<p><a class="thickbox" title="" href="/FileManager/Commons/2012/5/18/18052012-18-05-2012--11-20-29.jpg"><img style="display: block; margin-left: auto; margin-right: auto;" src="/FileManager/Articles/mce/2012/5/18/18052012-18-05-2012--11-20-29.jpg" alt="" width="386" height="289" /></a></p>
<p style="text-align: justify;">តាមការដឹងថា យ៉ាងហោចណាស់មានកុមារីអាយុ១៤ឆ្នាំម្នាក់បានស្លាប់បាត់បង់ជីវិត ក្នុងការ<br />បង្រ្កាបក្នុងជម្លោះដីធ្លីយ៉ាងហិង្សាមួយនៅថ្ងៃពុធនេះ ក្នុងស្រុកឆ្លូង ខេត្តក្រចេះ។ នេះបើយោង<br />តាមមន្ដ្រីជាន់ខ្ពស់ក្រសួងមហាផ្ទៃ និងក្រុមមន្ដ្រីឃ្លាំមើលការរំលោភសិទ្ធិមនុស្ស។</p>
<p style="text-align: justify;">នៅក្នុងសេចក្ដីប្រកាសព័ត៌មានរបស់សហរដ្ឋអាមេរិកនេះ រដ្ឋាភិបាលសហរដ្ឋអាមេរិកសូមស<br />ម្ដែងការសោកស្ដាយ ដោយស្មោះដល់ក្រុមគ្រួសារ និងមិត្ដភក្ដិរបស់ក្មេង ដែលបានស្លាប់នោះ។<br /> ហើយគេមានកង្វល់យ៉ាងជ្រាលជ្រៅ ចំពោះការបាញ់ សម្លាប់កុមារី ឈ្មោះ ហេង ចាន់ថាអាយុ<br />១៤ឆ្នាំ កាលពីថ្ងៃទី១៦ ខែឧសភា ដែលតាមសេចក្ដីរាយការណ៍ បានឲ្យដឹង ថា ករណីស្លាប់ក្មេង<br />ស្រីជំទង់រូបនេះ បានកើតឡើងក្នុងអំឡុងពេល នៃការចុះបង្រ្កាប របស់កម្លាំងសន្តិសុខកម្ពុជាទៅ<br />នឹងការតវ៉ាមួយលើដីសម្បទានសេដ្ឋកិច្ច។</p>
<p style="text-align: justify;">សេចក្ដីប្រកាសព័ត៌មានដដែលបានឲ្យដឹងបន្តថា រដ្ឋាភិបាលអាមេរិក បានចាត់ទុកការសម្រេចចិត្ត<br />ថ្មីៗនេះ របស់រាជរដ្ឋាភិបាលកម្ពុជា ក្នុងការផ្អាកផ្ដល់ សម្បទានដីសេដ្ឋកិច្ចថា ជាការវិវត្តវិជ្ជមាន<br /> ជាពិសេស ដោយយោងទៅលើកង្វល់កាន់តែច្រើនឡើង របស់ សាធារណៈជនទៅលើផលប៉ះ<br />ពាល់បរិស្ថាន និងសិទ្ធិលើទ្រព្យសម្បត្តិ របស់ប្រជាជនកម្ពុជា។</p>
<p style="text-align: justify;" lang="ca-ES">លោកឧត្តមសេនីយ៍ឯកខៀវ សុភ័គ អ្នកនាំពាក្យក្រសួងមហាផ្ទៃ បានសម្ដែងការសោកស្ដាយ <br />ចំពោះ ការផ្ទុះអាវុធត្រូវក្មេងស្រីម្នាក់នោះ រហូតដល់ស្លាប់បាត់បង់ជីវិត ។ ប៉ុន្តែលោក ខៀវ សុភ័គ<br /> បញ្ជាក់ថាគោល បំណងរបស់រដ្ឋាភិបាល គឺកម្លាំងសមត្តកិច្ចចុះទៅបង្រា្កបក្រុមរបស់ ប៊ុន រដ្ឋា <br />ដែលមានបំណងធ្វើ អប្បគមន៍ តែ ប៉ុណ្ណោះ។ លោកមានប្រសាសន៍កាលថា អ្នកភូមិចំនួនប្រាំនាក់<br />ត្រូវសង្ស័យថា ជាអ្នកបង្ក និងញុះញង់ក្រុមប្រជាពលរដ្ឋឲ្យបង្កើតតំបន់អប្បគម មួយប្រឆាំងនឹង <br />អាជ្ញាធរមូលដ្ឋាន និងបានប្រព្រឹត្តិអំពើខុសច្បាប់មួយចំនួន ក្នុងនោះមានបុគ្គលម្នាក់ ឈ្មោះ ប៊ុន <br />រដ្ឋា ដែលអាជ្ញាធរចង្អុលថា ជាសមាជិកសមាគមអ្នកប្រជាធិបតេយ្យរបស់លោក ម៉ម សុណង់ដូ<br /> នាយកវិទ្យុសំបុកឃ្មុំ។ «វាជាអំពើល្មើសដែលក្រុមអណាធិបតេយ្យបានធ្វើនៅកន្លែងហ្នឹង។ សមាគម<br />របស់គាត់មាន គឺសមាគមប្រជាធិបតេយ្យ ដែលមានលោកម៉ម សុណង់ដូ ជាប្រធាន។ ជាសាខា<br />របស់គាត់នៅតាមស្រុក មានបួន ទៅប្រាំនាក់ ហើយមេខ្លោងដែលយើងរកចាប់ខ្លួននោះ»។</p>
<p style="text-align: right;" lang="ca-ES">ប្រភព៖ Usembassy<br />ដោយ៖ មិនា</p>
<p style="text-align: right;" lang="ca-ES"> </p>