<p><span style="color: #000000;"><strong>ភ្នំពេញ ៖</strong> មិនជាមានវិបត្តិអ្វីនោះទេ បានជានារីម្នាក់ បានដើរឡើងលើស្ពាន ជ្រោយចង្វាចាស់ មកលោតទឹកសម្លាប់ខ្លួន លិចបាត់ទៅក្នុងទឹកទន្លេ រកមិនឃើញ បង្កការភ្ញាក់ផ្អើល ដល់ប្រជាពលរដ្ឋ ធ្វើដំណើរឆ្លងកាត់ស្ពាន និងសមត្ថកិច្ចនៅលើស្ពាន ។</span></p>
<p><span style="color: #000000;">ហេតុការណ៍នេះ បានកើតឡើងកាលពីម៉ោងជាង១១យប់ ថ្ងៃទី ១២ ខែវិច្ឆិកា ឆ្នាំ២០១៤ នៅលើស្ពានជ្រោយចង្វាចាស់ ស្ថិតក្នុងសង្កាតជ្រោយចង្វា ខណ្ឌជ្រោយចង្វា ។</span></p>
<p><span style="color: #000000;">សាក្សីឃើញហេតុការណ៍ បានឱ្យដឹងថា នៅមុនពេលកើតហេតុ គេឃើញនារីវ័យក្មេងម្នាក់ ស្លៀករូប ពណ៌ខ្មៅ ត្រឹមភ្លៅបានធ្វើដំណើរមក ឡើងលើបង្កាន់ដៃស្ពាន ដោយដៃកាន់បង្កាន់ដៃ ស្ពានជាប់ ដោយ ឃើញ ដូច្នេះប្រជាពលរដ្ឋ បាននិយាយថា "កុំលោតៗ" ទើបតែថា បានពីរបីម៉ាត់ ស្រាប់តែនារីប្រលែងដៃពីបង្កាន់ដៃស្ពាន ទម្លាក់ខ្លួនចូលក្នុងទឹកទន្លេលិចបាត់ ។</span></p>
<p><span style="color: #000000;">ក្រោយពេលកើតហេតុ សមត្ថកិច្ចបានចុះមកកន្លែងកើតហេតុ ដើម្បីសួរនាំពីភិនភាគ នារីដែលលោតទឹក សម្លាប់ខ្លួន ប៉ុន្តែមិនមានប្រជាពលរដ្ឋធ្វើដំណើរណាម្នាក់ បានស្គាល់នោះទេ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2014/11/13/hong-0254-13-11-2014--11-56-14.jpg"><img src="/FileManager/Articles/mce/2014/11/13/hong-0254-13-11-2014--11-56-14.jpg" alt="" /></a><br /></span></p>
<p style="text-align: right;"><span style="color: #000000;"><br /><span>ផ្ដល់សិទ្ធិដោយ៖ ដើមអម្ពិល </span><br /></span></p>