<p><span style="color: #000000;"><strong>(ភ្នំពេញ)៖</strong> បន្ទាប់ពីមានការចុះផ្សាយ ជុំវិញជីវិតមនុស្សមួយគ្រួសារ ដែលក្រីក្រធ្លាក់ខ្លួនដើរសុំទានគេ រសាតអណ្តែងពីទឹកដីកំណើត ខេត្តព្រៃវែង រហូតធ្លាក់ដល់ខេត្តកំពង់ឆ្នាំ ហើយបុរសត្រូវជាប្តី និងឪពុកបានមកស្លាប់នៅភ្នំពេញ ក្រោយពីធ្វើដំណើរត្រឡប់ ទៅស្រុកកំណើតវិញ ខណៈការសុំទាននៅទីនោះ (កំពង់ឆ្នាំង) រយៈពេល២ថ្ងៃ ពុំបានលុយទិញបាយហូបនោះ តារាចម្រៀង អ្នកនាង ពេជ្រ សោភា បានសម្តែងក្តីអាណិតអាសូរ រហូតស្រក់ទឹកភ្នែករលីងរលោង និងប្រកាសរកអ្នកដែលស្គាល់គ្រួសារមួយនេះ ដើម្បីផ្ញើប្រាក់ចូលរួមបុណ្យ។</span></p>
<p><span style="color: #000000;">តារាចម្រៀងដ៏មានប្រជាប្រិយភាព និងល្បីល្បាញ តាមរយៈបទចម្រៀង «Original Song» អ្នកនាង ពេជ្រ សោភា បានសរសេរបង្ហោះ នៅលើបណ្តាញសង្គមហ្វេសប៊ុកថា« ឱជីវិតអើយ មើលហើយឈឺចាប់ណាស់ អាណិតណាស់ព្រះអើយ ខ្ញុំចង់ចូលបុណ្យគាត់ណាស់ តើធ្វើយ៉ាងណាអាចចូលបាន? ហើយចុះកូនៗគាត់រៀនទៀត ថ្ងៃក្រោយយ៉ាងណាទៅ?»។</span></p>
<p><span style="color: #000000;">បន្ថែមពីលើនេះ តារាចម្រៀងថ្គាមខ្លា អ្នកនាង ពេជ្រ សោភា បានឲ្យដឹងទៀតថា «បើសិនមានបងប្អូនណា អាចទាក់ទងគាត់បានជួយ ប្រាប់ខ្ញុំផងចង់ជួយគាត់ ព្រោះអាណិតកូនគាត់ចង់ឲ្យគ្នាបានរៀនសូត្រ ព្រោះខ្ញុំអាណិតក្មេង!»។</span></p>
<p><span style="color: #000000;">សូមបញ្ជាក់ថា កាលពីវេលាម៉ោង ប្រមាណ១២ថ្ងៃត្រង់ថ្ងៃទី០៧ ខែកញ្ញា ឆ្នាំ២០១៦កន្លងមកនេះ នៅត្រង់ចំណុចក្រោមស្ពាន ជ្រោយចង្វាថ្មីត្រើយខាងលិច មានហេតុការណ៍ភ្ញាក់ផ្អើលមួយ ខណៈបុរសម្នាក់ ត្រូវបានខ្យល់គស្លាប់ ក្រោយពេលវិលត្រឡប់ មកពីការដើរសុំទាន ជាមួយប្រពន្ធនិងកូនតូចៗ ចំនួន២នាក់ នៅឯខត្តកំពង់ឆ្នាំង។ ប៉ុន្តែជាអកុសលបុរស ដែលត្រូវជាប្តី និងឪពុកត្រូវបានដាច់ខ្យល់ស្លាប់ ដោយសារដាច់បាយចំនួន២ថ្ងៃ ព្រោះសុំទានគេអត់បាន៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfp1/v/t1.0-9/14317555_1558035267556111_5140634338531740959_n.png?oh=d2049f9865ea80d6299e94fccfed6232&oe=5885E53F&__gda__=1484945519_a2b6c0081d4ff982f6339fcebcd2a83c" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14199738_1558035140889457_2541195238136399367_n.jpg?oh=d12a9258e4012db7cf3437f5bc4c80fe&oe=58379AD9" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlp1/v/t1.0-9/14225344_1558035144222790_7404611038533323490_n.jpg?oh=cf5a3550901f6d31ad21f4371050e1a1&oe=584C1971&__gda__=1484161636_d8289af97b368dfac2ce4dda65a38ce3" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14232570_1558035147556123_5410761940915215124_n.jpg?oh=3e4236e963ab78c4f3de69d2ab2b5e52&oe=5876D539" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>