<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសផ្សព្វផ្សាយជាបន្តបន្ទាប់នូវកម្មវិធី The Voice Cambodia និង Cambodian Idol នៅលើទំព័រ Facebook ផ្ទាល់របស់សម្តេច ដែលមានអ្នក Like ជាង៤លាន។</span></p>
<p><span style="color: #000000;">កម្មវិធី The Voice Cambodia និង Cambodian Idol ជាកម្មវិធីដ៏ល្បីល្បាញនៅលើពិភពលោក ដែលត្រូវបាននាំមកជូនប្រជាជនកម្ពុជា ដោយស្ថានីយ៍ទូរទស្សន៍ ហង្សមាស ដើម្បីស្វែងរក និងចម្រាញ់អ្នកមានទេពកោសលក្នុងការច្រៀងចម្រៀង នៅក្នុងប្រទេស។</span></p>
<p><span style="color: #000000;">នៅលើបណ្តាញសង្គម Facebook នៅថ្ងៃនេះ សម្តេចតេជោ ហ៊ុន សែន បានកោតសរសើរដល់យុវជន យុវតី នានាដែលបានចូលរួម បញ្ចេញសមត្ថភាព តាមរយៈកម្មវិធីទាំង២ខាងលើ ជាមួយគ្នានេះ សម្តេចក៏បានថ្លែងអំណរគុណដលស្ថានីយ៍ទូរទស្សន៍ហង្សមាសនេះ រួមទាំងអ្នកគ្រប់គ្រង និងអ្នកបង្វឹកបេក្ខជនផងដែរ។</span></p>
<p><span style="color: #000000;">សម្តេចតេជោ ហ៊ុន សែន បានសរសេរថា <strong>«ដើម្បីផ្តល់ការគាំទ្រ និងលើកទឹកចិត្តដល់យុវជនក៏ដូចជាផ្តល់នូវការកំសាន្ត គឺនឹងមានការផ្សាយសារឡើងវិញនូវកម្មវិធីដ៏មានប្រជាប្រិយទាំងពីរខាងលើនៅលើទំព័រហ្វេសប៊ុករបស់ខ្ញុំផ្ទាល់នៅពេលផ្សាយជាបន្តបន្ទាប់នាពេលខាងមុខនេះ»</strong>។</span></p>
<p><span style="color: #000000;">ទោះជាយ៉ាងណា សម្តេចបញ្ជាក់ថា ទំព័រ Facebook របស់សម្តេចក៏នឹងចាក់ផ្សាយផងដែរនូវបទចម្រៀងដែលរៀបចំដោយក្រសួងទេសចរណ៌។សិល្បៈដែលថតដោយទូរទស្សន៍អាស៊ីអាគ្នេយ៍នៃទិវាវប្បធម៌៣មីនា ដែលរៀបចំដោយក្រសួងវប្បធម៌និង វិចិត្តសិល្បៈ។ ការប្រឡងចម្រៀងប្រពៃណី ល្ខោនបាសាក់ យីកេ មហោរី កំណាព្យដោយទូរទស្សន៌បាយ័ន។ បទចម្រៀងទាក់ទងដល់ការអភិវឌ្ឍ និងសកម្មភាពមនុស្សធម៌របស់កាកបាទក្រហមកម្ពុជា។</span></p>
<p><span style="color: #000000;">សម្តេចបានសរសេរបន្ថែមថា <strong>«ខ្ញំនឹងផ្សាយនូវចម្រៀងដែលផលិតដោយទូរទស្សន៍ ឬផលិតកម្មផ្សេងទៀតក្នុងករណីយទទួលបានការអនុញ្ញាត។ ទំពរ័ Facebook របស់ខ្ញុំនេះមិនជំនួសឱ្យវិទ្យុ និងទូរទស្សន៌ណាមួយទេ តែការចាក់ផ្សាយបទចម្រៀងឬសិល្បៈអាចជួយដល់បងប្អូនពិសេសក្មួយៗយុវជនទាំងក្នុង និងក្រៅប្រទេសដែលមិនមានពេលមើលទូរទស្សន៍ហើយជាអ្នកនិយម Facebook ផងដែរ»</strong>៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13260217_1020026788045818_7158934677458853460_n.jpg?oh=94b2109f37c13306c59dbeef31597bdd&oe=57DC6A86" alt="" width="730" /></span></p>
<p><br /><span style="color: #000000;"><a class="thickbox" title="" href="/FileManager/Commons/2016/5/25/2-25-05-2016--08-42-09.png"><span style="color: #000000;"><img src="/FileManager/Articles/mce/2016/5/25/2-25-05-2016--08-42-09.png" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2016/5/25/2-25-05-2016--08-42-09.png"></a>ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>