<p><strong>ភ្នំពេញ៖</strong> តារាចម្រៀងប្រចាំ នៅផលិតកម្ម រស្មីហង្សមាស កញ្ញា ឈិត សុវណ្ណបញ្ញា មួយ<br />រយៈចុងក្រោយនេះ ត្រូវបានមហាជនមើលឃើញថា នាងហាក់កំពុងតែ មានសន្ទុះគាំទ្រ ខ្លាំង<br />ក្លាជាងមុន ពេលមុនៗ។ ខណៈដែលមុននេះបន្តិច មានលេចឮដំណឹងមកថា នាងកំពុងតែមាន <br />ទំនាក់ទំនងស្នេហា ជាមួយបុរសក្រៅស្រុក។</p>
<p>ទន្ទឹមនឹងកេរ្តិ៍ឈ្មោះល្បី ការគាំទ្រកាន់តែច្រើន ឈិត សុវណ្ណបញ្ញា បច្ចុប្បន្ន ក៏កំពុងតែទទួល<br />បាន ការកោតសរសើរផងដែរ ពីសំណាក់ទស្សនិកជន ជុំវិញការរៀបចាំ ចរិកឫកពារ ដែល<br />មើលទៅស័កិ្តសម ជាតារាល្បី។ ជាងនេះទៅទៀតថ្មីៗ ក៏មានប្រធានសមាគមន៍ខ្មែរ នៅកា-<br />ណាដា បានសម្តែងការ កោតសរសើរជាខ្លាំង មកលើតារាស្រីរូបនេះ។</p>
<p>ឆ្លើយឆ្លងជាមួយ ភ្នាក់ងារគេហទំព័រ LookingTODAY តាមទូរស័ព្ទ កាលពីព្រឹកថ្ងៃ៩ ខែសីហា <br />ឆ្នាំ ២០១៣ លោក ឃុត ដេវិត ប្រធានសមាគមន៍ខ្មែរ នៅកាណាដា បាននិយាយប្រាប់ ឲ្យ<br />ដឹងថា ឈិត សុវណ្ណបញ្ញា ជាតារាស្រីរបស់ខ្មែរមួយដួង ដែលទទួលបាន ការគាំទ្រច្រើន ពី<br />សំណាក់បងប្អូន អាណិកជនខ្មែរ ដែលរស់នៅទីនោះ។</p>
<p>លោក ឃុត ដេវិត បាននិយាយទៀតថា កញ្ញា ឈិត សុវណ្ណបញ្ញា ជាតារាដែលមាន ចរិតឫក<br />ពារល្អ មិនចេះវាយឫក ឆ្មើងឆ្មៃ ជាមួយទស្សនិកជនឡើង។ ម្យ៉ាងទៀតកាលពី អំឡុងពេល <br />ដែលនាងចេញទៅ សម្តែងនៅអូស្រ្តាលី កាលពីប៉ុន្មានឆ្នាំមុននោះ គឺ បងប្អូនខ្មែរ ដែលរស់<br />នៅអូស្តា្រលី បានសម្តែងការពេញចិត្ត យ៉ាងខ្លាំង ដោយសារ បញ្ញា ចេះមានភាពរីករាយ និង <br />រាក់ទាក់ជាមួយ អ្នកនៅទីនោះ ខុសពីតារាមួយចំនួន។</p>
<p>ប្រធានសមាគមន៍ខ្មែរ នៅកាណាដារូបនេះ បានបន្តថា បច្ចុប្បន្នលោកក៏កំពុងតែ មានគម្រោង<br /> ត្រៀមដើម្បីទាក់ទងហៅ ឈិត សុវណ្ណបញ្ញា ឲ្យចេញទៅច្រៀង និង សម្តែងនៅទីនោះ ជាថ្មីម្តង<br />ទៀត។ ប៉ុន្តែលោកមិនទាន់ដឹងថា តើនាងអាចយល់ព្រម ទទួលតាមការអញ្ជើញ របស់លោក ឬ<br />មួយក៏អត់នោះទេ។</p>
<p>តារាចម្រៀងដែលពីមុន ធ្លាប់តែតុបតែងខ្លួនបែបសុភាពរាបសារស្លៀកពាក់ ជិតលើជិតក្រោម <br />កញ្ញា ឈិត សុវណ្ណបញ្ញា នៅពេលចុងក្រោយនេះ ត្រូវបានមហាជន ទូទៅមើលឃើញថា នាង<br />ហាក់ដូចជាមានការ ប្រែប្រួលខុសប្លែក ពោលគឺរាល់ការតុបតែង ម៉ូដសក់ និង ការស្លៀកពាក់<br />របស់នាង គឺមានលក្ខណៈ សិចស៊ីស្រស់ស្អាតខ្លាំង។</p>
<p>គួររំឭកថា កញ្ញា ឈិត សុវណ្ណបញ្ញា ថ្មីៗកន្លងមកនេះ ទើបតែទទួលរងនូវព័ត៌មានថា មានបុរស <br />អាណិកជនខ្មែររស់នៅអូស្រា្តលី វ័យជាង ៤០ឆ្នាំម្នាក់ បាននឹង កំពុងតែ តាមទាក់ទងលួងលោម<br /> ចង់បានក្តីស្រលាញ់ពីនាង ។ ប៉ុន្តែបើទោះបីជាព័ត៌មាននេះ បានកំពុងតែលេចឮ សាយភាយពី<br />មួយទៅមួយ យ៉ាងណាក្តី គេនៅមិនទាន់ឃើញ ឈិត សុវណ្ណបញ្ញា ចេញមុខប្រតិកម្ម ឬមួយបក<br />ស្រាយ អំពីរឿងនេះ ដើម្បីឲ្យទស្សនិកជន បានដឹងច្បាស់ ពីការពិតនៅឡើយទេ។ ផ្ទុយទៅវិញ <br />នាងហាក់បែបដូចជា ព្រងើយកន្តើយ មិនខ្វាយខ្វល់អ្វីទាំងអស់៕</p>
<p><img src="http://image.lookingtoday.com:81/lookingtoday/looking-images/news/2013/April/id-098/S_0418.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/May/id-098/S_0577.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/May/id-098/S_0578.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/May/id-098/S_0579.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/June/id-065/PISETH-0315.jpg" alt="Looking Today" width="500" /></p>
<p><span>ព័ត៌មានកំសាន្តស្តីពីតារាៗ ដ៏សំបូរបែបគួរឲ្យចាប់អារម្មណ៍ជាច្រើនទៀត </span><a href="/News/Category/31/star"><strong><span>សូមចុចត្រង់នេះ</span></strong></a><span> !!!</span></p>
<p style="text-align: right;"><br />ដោយ ៖ Lookingtoday<br />ផ្តល់សិទ្ធដោយ ៖ ដើមអំពិល </p>