<div class="article-content">
<p><strong>-ជនសង្ស័យ អាចនឹងត្រូវព្រះរាជអាជ្ញា ដោះលែង ឱ្យនៅក្រៅឃុំ</strong></p>
<p><strong>ភ្នំពេញ ៖</strong> គូស្នេហ៍វ័យក្មេង មួយគូរ ដែលតួអង្គប្រុស មានអាយុជាង ២០ឆ្នាំ និង តួអង្គស្រីមានអាយុ<br />ជាង ១០ឆ្នាំ បាន ស្រឡាញ់គ្នា អស់រយៈពេល ជាង ២ឆ្នាំមក ហើយ តាំងពីឆ្នាំ២០១១ មកម្ល៉េះ រហូត<br />ដល់ ជ្រុលជ្រួសហួសប្រពៃណី ហើយថែមទាំង ជួលផ្ទះនៅជាមួយគ្នា ដូចប្ដីប្រពន្ធទៀតផង ប៉ុន្ដែ អ្វីៗ<br />បានប្រែប្រួលពីភាពផ្អែមល្អែម ទៅជាភាពល្វីងជូរចត់ បន្ទាប់ពីតួអង្គប្រុស បានដោះដៃលែងទទួល<br />ខុសត្រូវ នៅពេល ដែលតួអង្គស្រី ដែលជាអនីតិជនបានកើត កូនស្រីម្នាក់ រហូតមកដល់ពេលនេះ<br />អាយុ ជាង ៤ខែហើយ ។</p>
<p>ប្រធានការិយាល័យ ប្រឆាំងការជួញដូរ មនុស្ស និងការពារអនីតិជននៃស្នងការដ្ឋាន នគរបាលរាជធានី<br />ភ្នំពេញ លោក កែវ ធា បានថ្លែងតាម ទូរស័ព្ទថា យោងតាមពាក្យ បណ្ដឹងរបស់នារីរងគ្រោះ បានឱ្យដឹង<br />ថា រូប នាងមានឈ្មោះ ជ.រ.ស កាលពីអាយុ១២ឆ្នាំ ពោលនៅអំឡុងឆ្នាំ ២០១១ បានលួចមាន ទំនាក់<br />ទំនងស្នេហាជាមួយបុរសម្នាក់ឈ្មោះ ប៉ែន វិចិត្រ អាយុ ២១ឆ្នាំ ស្នាក់នៅផ្ទះ លេខ ៤១ ផ្លូវលេខ ៤៧៨ <br />សង្កាត់ទួលទំពូង ទី១ ខណ្ឌចំការមន ហើយសេចក្ដីស្រឡាញ់ របស់ពួកគេកាន់តែជ្រៅទៅៗ រហូតមាន<br /> ថ្ងៃមួយនោះ បាននាំគ្នាចូលទៅដេកផ្ទះសំណាក់យីហោ ហ្គោហាវ ស្ថិតនៅសង្កាត់ ទំនប់ទឹក ខណ្ឌចំការ<br />មន កាលពីឆ្នាំ២០១១ ។</p>
<p>លោក កែវ ធា បានបន្ដឱ្យដឹងទៀតថា ក្រោយពីពួកគេទាំងពីរនាក់ ចូលទៅដេក ផ្ទះសំណាក់ ហើយធ្វើ<br />ឱ្យពួកគេទាំងពីរនាក់ រិតតែស្រឡាញ់គ្នា ជ្រៅឡើងៗ រហូតដល់ ដាច់ចិត្ដ ចាកចេញពីផ្ទះ ហើយទៅ<br />ជួលផ្ទះ មួយរស់នៅជាមួយគ្នា ដូចប្ដីប្រពន្ធទៀតផង ។</p>
<p>លោក កែវ ធា បានបញ្ជាក់ទៀតថា ការរស់នៅរបស់ពួកគេ ក្នុងផ្ទះជួលរហូតធ្វើ ឱ្យក្មេងស្រីមិនទាន់គ្រប់<br />អាយុរូបនេះ មាន ផ្ទៃពោះ ហើយកើត បានកូនស្រីម្នាក់ ដែលបច្ចុប្បន្ននេះមានអាយុជាង ៤ខែហើយ ។</p>
<p>ប្រធានការិយាល័យ ប្រឆាំងការជួញដូរ មនុស្ស និងការពារអនីតិជន បានបន្ថែមថា នៅពេលដែលនារី<br />រងគ្រោះ បានកូនស្រីម្នាក់ ធ្វើឱ្យភាគីខាងប្រុស ចាប់ផ្ដើមអស់ចិត្ដ ស្រឡាញ់បន្ដិចម្ដងៗរហូតដល់ដោះ<br />ដៃ និង លែងទទួលខុសត្រូវ យកធ្វើជាប្រពន្ធតទៅ ទៀត ។</p>
<p>ក្រោយពីតូចចិត្ដថា ខាងប្រុសបោះបង់ ចោល នៅពេលដែលខ្លួនឯងកើតបានកូន ស្រី ដែលជាចំណង<br />ដៃនោះម្ដាយរបស់នារី រងគ្រោះ បានសម្រេចចិត្ដនាំនារីរងគ្រោះ ទៅដាក់ពាក្យបណ្ដឹង នៅការិយាល័យ<br /> ប្រឆាំងការជួញដូរមនុស្ស និងការពារអនីតិ ជន ដើម្បីជួយអន្ដរាគមន៍ ។</p>
<p>បើតាមលោក កែវ ធា ក្រោយពីមានពាក្យបណ្ដឹងពីសំណាក់ នារីរងគ្រោះ និងម្ដាយរួចមក កម្លាំងនគរ<br /> បាលរបស់លោក ដោយមានការបញ្ជាពីសំ ណាក់ស្នងការនគរបាល រាជធានីភ្នំពេញ លោកឧត្ដមសេ<br />នីយ៍ ជួន សុវណ្ណ និងស្នងការ រង បែន រ័ត្ន ព្រមទាំងមានដីកាបញ្ជាឱ្យចូល ខ្លួន ពីសំណាក់ព្រះរាជអាជ្ញា<br />ផងនោះ ទើប កម្លាំងសមត្ថកិច្ចបានឈានទៅដល់ការឃាត់ ខ្លួនយុវជន ប៉ែន វិចិត្រ នៅកន្លែងស្នាក់នៅ<br /> របស់គេកាលពីព្រឹកថ្ងៃទី១២ ខែឧសភា ឆ្នាំ ២០១៣ រួចហើយបញ្ជូនទៅកាន់សាលា ដំបូង រាជធានីភ្នំ<br />ពេញ នាព្រឹកថ្ងៃទី១៣ ខែ ឧសភា ឆ្នាំ២០១៣ នេះ ។</p>
<p>យ៉ាងណាក៏ ដោយ យោងតាមប្រភពព័ត៌មានពីមន្ដ្រី សាលាដំបូង រាជធានីភ្នំពេញមួយរូបបាន លួច<br />បង្ហើបឱ្យដឹងថា តាមពិតសំណុំរឿង មួយនេះ ស្ថិតនៅក្នុងដៃព្រះរាជអាជ្ញារង អមសាលាដំបូង លោក<br /> មាស ច័ន្ទពិសិដ្ឋ ប៉ុន្ដែ ព្រះរាជអាជ្ញារង គង់ សំសារ៉េត បាន សុំយកសំណុំរឿងនេះ មកចាត់ការវិញ ។</p>
<p>មន្ដ្រីសាលាដំបូងរូបនេះ បានបន្ដថា លោកព្រះរាជអាជ្ញារង គង់ សំសារ៉េត បាន ទុកពេលឱ្យនារីរង<br />គ្រោះ ក្នុងរយៈពេលមួយម៉ោង ដើម្បីបង្ហាញឯកសារឱ្យបានគ្រប់ ហើយជនសង្ស័យខាងលើនេះ អាច<br />នឹងត្រូវ បានលោកព្រះរាជអាជ្ញាសម្រេចដោះលែង ឱ្យនៅក្រៅឃុំ ។</p>
<p>ជុំវិញករណីនេះ មជ្ឈមណ្ឌលព័ត៌មាន ដើមអម្ពិល មិនទាន់អាចសុំការបកស្រាយ បាននៅឡើយទេ <br />ពីសំណាក់លោក គង់ សំ សារ៉េត នាព្រឹកថ្ងៃទី១៣ ខែឧសភា ឆ្នាំ ២០១៣ នេះ។</p>
<p>ប៉ុន្ដែ ចំពោះសំណុំរឿងបាន ខ្លួនប្រាណ រហូតដល់កើតបានកូនស្រីម្នាក់ ហើយដោះដៃលែងទទួល<br />ស្គាល់ ធ្វើឱ្យនារី រងគ្រោះ ដែលជាមនុស្សមិនទាន់ គ្រប់អាយុ និងជាស្ដ្រីទន់ខ្សោយ រងនូវការឈឺចាប់<br /> យ៉ាងខ្លាំង ត្រូវបានអង្គការក្រៅរដ្ឋាភិបាល និងអង្គការពាក់ព័ន្ធមួយចំនួន បាន និងកំពុង យកចិត្ដទុក<br />ដាក់ចំពោះករណីនេះ ហើយរង់ ចាំមើលថា តើនឹងមានការដោះលែងឱ្យនៅ ក្រៅឃុំ ពីសំណាក់ព្រះ<br />រាជអាជ្ញារងលោក គង់ សំសារ៉េត ឬមួយយ៉ាងណានោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0411.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0412.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>