<p><span style="color: #000000;"><strong>(បាត់ដំបង)៖</strong> បុរសម្នាក់បានយកខ្សែភ្លើងមក រាយដាក់ម៉ូទ័របូមទឹកលាងត្រី តែភ្លេចខ្លួនមិនបានបិទភ្លើងប៉ះចំមុខដំណរខ្សែ បណ្ដាលឲ្យឆក់ ស្លាប់នៅនិងកន្លែង កាលពីវេលា០៩៖០០នាទី ថ្ងៃទី១២ ខែតុលា ឆ្នាំ២០១៦ នៅត្រង់ចំណុចភូមិគារ៣ ឃុំគារ ស្រុកមោងឫស្សី ខេត្តបាត់ដំបង។</span></p>
<p><span style="color: #000000;">លោក សោម រ៉ាវុធ មន្រ្តីកងរាជអាវុធហត្ថស្រុកមោងឬស្សី បានឲ្យដឹងថា ជនរងគ្រោះដែលឆក់ខ្សែភ្លើងស្លាប់មានឈ្មោះរៀម សុខគា ភេទប្រុសអាយុ៣៦ឆ្នាំ មុខរបរលក់ត្រី រស់នៅភូមិពោធិ៍១ ឃុំគារ ស្រុកមោងឫស្សីខេត្តបាត់ដំបង។</span></p>
<p><span style="color: #000000;">សាក្សីដែលនៅជិតកន្លែងកើតហេតុបានប្រាប់សមត្ថកិច្ចឲ្យដឹងថា នៅមុនពេលកើតហេតុគេឃើញជនរងគ្រោះ ខាងលើនេះបានយក ខ្សែភ្លើង ទៅតម៉ូទ័រដើម្បីបូមទឹកលាងត្រី តែភ្លេចខ្លួនមិនបានបិទភ្លើងហើយបានទៅប៉ះចំមុខដំណរខ្សែ ដែលកំពុងមានភ្លើងក៏បណ្ដាលឲ្យ ឆក់ស្លាប់ភ្លាមៗនៅនិងកន្លែងតែម្តង។</span></p>
<p><span style="color: #000000;">បច្ចុប្បន្នសមត្ថកិច្ចបានប្រគល់សពជនរងគ្រោះបន្ទាប់ពីបានចុះមកត្រួតពិនិត្យរួច ត្រូវបានក្រុមគ្រួសារបានយកទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-10-13-14-11-58-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-10-13-14-11-59-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-10-13-14-11-59-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>