<p><span style="color: #000000;"><strong>(កែប)</strong>៖ សពក្មេងស្រីអាយុ៧ឆ្នាំ គួរឱ្យអាណិតម្នាក់ ត្រូវបានសាច់ញាតិប្រទះឃើញអណ្ដែតស្លាប់ ក្នុងទឹករណ្តៅដីមួយកន្លែង ត្រង់ចំណុច ក្បែរផ្លូវរថភ្លើង ស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប នៅព្រឹកថ្ងៃទី១៧ ខែតុលា ឆ្នាំ២០១៦នេះ ដែលករណីដ៏រន្ធត់នេះ ត្រូវបានសមត្ថកិច្ចសន្និដ្ឋានថា ជារឿងឃាតកម្មដោយសារជនដៃដល់ ប្លន់យកក្រវឹលកាឡៃ១គូ តម្លៃ២៥០០រៀល ពីក្មេងស្រីរងគ្រោះ។</span></p>
<p><span style="color: #000000;">មន្ត្រីនគរបាលជំនាញក្រុងកែប បានប្រាប់ឲ្យដឹងថា សពក្មេងស្រីរងគ្រោះ មានឈ្មោះ អែម លីហ្សា អាយុ៧ឆ្នាំ មានឪពុកឈ្មោះ អែម វិចិត្រ អាយុ៣៣ឆ្នាំ និងម្ដាយឈ្មោះ ទ្រី ចិន អាយុ៣៣ឆ្នាំ រស់នៅភូមិ-សង្កាត់កើតហេតុខាងលើ។</span></p>
<p><span style="color: #000000;">តាមការធ្វើកោសល្យវិច្ឆ័យ កម្លាំងសមត្ថកិច្ចជំនាញបានសន្និដ្ឋានថា <strong>«ក្មេងស្រីរងគ្រោះខាងលើ ស្លាប់ដោយជនដៃដល់ប្លន់យកក្រវឹល របស់នាង ព្រោះដោយសារគ្រោះមុនកើតហេតុ ក្មេងស្រីរងគ្រោះមានពាក់ក្រវឹល១គូនោះ នៅឡើយ រួចហើយក៏យកសពទៅ ទម្លាក់ចូល ទៅក្នុងទឹករណ្ដៅ»</strong>។</span></p>
<p><span style="color: #000000;">សមត្ថកិច្ចបានបញ្ជាក់ថា មុនពេលកើតហេតុក្មេងស្រីរងគ្រោះ បានទៅចំការជាមួយឪពុកម្តាយ លុះពេលឃ្លានបាយក៏សុំឪពុកម្តាយមកមុន ស្រាប់តែជួបជនដៃដល់ប្លន់យកក្រវឹលតែម្តង។ សមត្ថកិច្ចបានបន្តថា ក្បាលក្មេងស្រីរងគ្រោះផ្នែកខាងក្រោយ មានស្នាមរបួសប្រវែង ៩.៥សង់ទីម៉ែត្រ និងជម្រៅ ០.៥សង់ទីម៉ែត្រ ព្រមទាំងមានស្នាមជាំខ្មៅពេញខ្នង និងដៃទាំងសង ខាងទៀតផង។</span></p>
<p><span style="color: #000000;">មន្ត្រីនគរបាលដដែលបានបន្តថា ក្មេងស្រីរងគ្រោះខាងលើ បានបាត់ខ្លួនកាលពីវេលាម៉ោង១០ព្រឹក ថ្ងៃទី១៦ ខែតុលា ឆ្នាំ២០១៦ ក្នុងផ្សារ ដំណាក់ចង្អើរ ស្ថិតក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប លុះដល់ថ្ងៃកើតហេតុ ទើបត្រូវសាច់ញាតិបានរកឃើញ តែនាង បានស្លាប់ស្ដូកស្ដឹងទៅហើយ។ នៅពេលនេះកម្លាំងសមត្ថកិច្ចជំនាញបាននិងកំពុងធ្វើការស្រាវជ្រាវ យ៉ាងយកចិត្តទុកដាក់ដើម្បីតាមចាប់ ជនដៃដល់៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xap1/v/t1.0-9/14724411_342776262721549_271550035376837317_n.jpg?oh=7f19ce660c115797b457c2b18dfe0f25&oe=58A2FEFE&__gda__=1482714295_d3f37e725feea7b880c61488a0807193" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpl1/t31.0-8/14753262_342776272721548_7840408478887853084_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14712972_342776229388219_2572876775971553149_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/t31.0-8/14715666_342776222721553_3866763129535139002_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlt1/t31.0-8/14701046_342776226054886_7029773366772065441_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>