<p><span style="color: #000000;"><strong>(ភ្នំពេញ)៖</strong> រឿងរ៉ាវដ៏គួរឲ្យរន្ធត់ និងមិននឹកស្មានដល់មួយ បានបង្កឲ្យមានការភ្ញាក់ផ្អើលខ្លាំង ដល់ប្រជាពលរដ្ឋរស់នៅភូមិ មិត្តភាព ឃុំប៉ោយប៉ែត ខេត្តបន្ទាយមានជ័យ ខណៈម្តាយរបស់បេក្ខនារី ក្នុងកម្មវិធីប្រឡងចម្រៀង លំដាប់ពិភពលោក «The Voice Cambodia» រដូវកាលទី២ កញ្ញា សាន ស្រីឡៃ ត្រូវបានឪពុកកាប់បណ្តាលឲ្យ រងរបួសធ្ងន់ កំពុងសង្គ្រោះនៅក្នុងមន្ទីរពេទ្យ កាលពីថ្មីៗនេះ ដែលជាអំពើហិង្សាមួយ ប៉ះពាល់ដល់អារម្មណ៍ របស់នាងជាខ្លាំង។</span></p>
<p><span style="color: #000000;">ប្រភពពីអ្នកនិយមលេង បណ្តាញសង្គមហ្វេសប៊ុក បានបន្តបង្ហោះ និង Share ចែករំលែកបង្កឲ្យមានការភ្ញាក់ផ្អើលខ្លាំង សម្រាប់ទស្សនិកជន ដែលបានស្គាល់បេក្ខនារី កញ្ញាសាន ស្រីឡៃ។ ជាមួយការបង្ហោះ និងShare នូវរូបភាពម្តាយ របស់បេក្ខនារី សាន ស្រីឡៃ ដែលត្រូវបានប្តីកាប់បណ្តាលឲ្យរបួសសុះសាច់ដេកដួល នៅក្នុងប្លុកឈាមនេះដែរ ក៏មានការសរសេរភ្ជាប់ថា «ម្តាយបេក្ខនារី សាន ស្រីឡៃ ត្រូវបានឪពុកកាប់នៅចំណុចដីថ្មី ភូមិមិត្តភាព ខេត្តបន្ទាយមានជ័យ!»។</span></p>
<p><span style="color: #000000;">ចំពោះរឿងរ៉ាវ នៃដំណើរដើមទង ដែលបង្កឲ្យមានហឹង្សា កាប់ប្រហារយ៉ាងសាហាវ រវាងឪពុក-ម្តាយបេក្ខនារី សាន ស្រីឡៃ ខាងលើនេះ ពុំមានប្រភពណាមួយបញ្ជាក់ច្បាស់ នៅឡើយទេថា កើតឡើងដោយសារមូលហេតុអ្វី ឲ្យច្បាស់លាស់នោះ។</span></p>
<p><span style="color: #000000;">ទន្ទឹមគ្នានៃការបែបធ្លាយដំណឹង ដ៏គួរឲ្យរន្ធត់សម្រាប់គ្រួសារ របស់បេក្ខនារី សាន ស្រីឡៃ នេះដែរ នៅលើបណ្តាញសង្គមហ្វេសប៊ុកផ្ទាល់ខ្លួន របស់បេក្ខនារីរូបនេះ ក៏បានសរសេរបញ្ជាក់ភ្ជាប់ ជាមួយរូបភាពម្តាយ ដែលកំពុងសម្រាក់ព្យាបាលរបួស នៅឯមន្ទីពេទ្យថា «មិនថាម៉ែមានរឿងអ្វីកើតឡើងទេ កូននឹងនៅក្បែរម៉ែជារៀងរហូត ឆាប់ជាណាម៉ែកូនស្រឡាញ់ម៉ែ..!»។</span></p>
<p><span style="color: #000000;">បន្ទាប់ពីទទួលបានដំណឹងនេះ គេសង្កេតឃើញមានមហាជន អ្នកគាំទ្រនៅលើហ្វេសប៊ុកជាច្រើន បានបង្ហាញអារម្មណ៍រន្ធត់ចិត្ត និងសូមជូនពរម្តាយរបស់នាង ឲ្យឆាប់ជាសះស្បើយ ពីជំងឺផងដែរ។ យ៉ាងណាមិញគេហទំព័រ Khmertalking នៅរសៀលថ្ងៃទី០២ ខែមិថុនា ឆ្នាំ២០១៦នេះ មិនទាន់អាចស្វែងរកការសួរនាំបន្ថែម ពីសំណាក់បេក្ខនារី សាន ស្រីឡៃ បាននៅឡើយទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13335519_1449432845083021_3014543740497536135_n.jpg?oh=59cc2131f148b8da5856bd32d9795574&oe=580EDD2F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13339720_1449432848416354_3657960197305556640_n.jpg?oh=77abb17e73c73c054668fec03585a411&oe=57D128FA" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/13332876_1449432838416355_3024959346280392215_n.jpg?oh=4a493bb907338a1af1dccd303eabda3e&oe=57CF8C9B&__gda__=1477138170_01d2e0703122790f36cc5779ba6aa071" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13319837_1449432958416343_9151661447916024_n.jpg?oh=d4601c91c60413b8a3188d741763056d&oe=57DACBC7" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>