<p><span style="color: #000000;"><strong>(ភ្នំពេញ)៖</strong> គ្រាន់តែបានឮប្រទេសម៉ុងហ្គោលី គ្រប់គ្នានឹងនឹកដល់ទីវាលស្មៅដ៏ធំល្វឹងល្វឺយ និងហ្វូងសត្វសេះជាមិនខាន ប៉ុន្តែអតីតភាពនេះ ក៏នៅតែបន្តកើតមាន មកដល់បច្ចុប្បន្នកាលផងដែរ ខណៈប្រទេសដែលគ្មានព្រំដែន ជាប់សមុទ្រសោះនេះ មានប្រជាជនតែជាង ៣លាននាក់តែប៉ុណ្ណោះ។</span></p>
<p><span style="color: #000000;">យោងតាមព័ត៌មានពីលោក ពុយគា ទីភ្នាក់ងារព័ត៌មានរបស់ Kyodo ជប៉ុនដែលកំពុងស្ថិតនៅប្រទេសម៉ុងហ្គោលី ចូលរួមយកព័ត៌មានស្តីពីកិច្ចប្រជុំ អាស៊ីអឺរ៉ុបលើកទី១១ នៅថ្ងៃទី១៥-១៦ ខែកក្កដា បានឲ្យដឹងថា បច្ចុប្បន្នប្រទេសម៉ុងហ្គោលី ចិញ្ចឹមបសុសត្វជាង៥៥លានក្បាល និងសេះជាង៣លានក្បាលស្មើនឹងប្រជាជនទាំងអស់របស់ខ្លួន។ ក្រៅពីនោះលោក ពុយគា បានបញ្ជាក់ថា ប្រទេសម៉ុងហ្គោលី នាពេលនេះគឺពេលវេលាយប់ខ្លី ថ្ងៃវែង ដោយម៉ោង៧៖៣០នាទីយប់ទៅហើយ តែនៅបើកថ្ងៃចែសដូចម៉ោង៣រសៀល។</span></p>
<p><span style="color: #000000;">បើនិយាយពីប្រទេសម៉ុងហ្គោលីនេះ ប្រជាជនកម្ពុជាភាគច្រើនប្រាកដ ជាបានស្គាល់តាមរយៈ ប្រវត្តិសាស្ត្រដ៏ល្បីល្បាញ ដែលផ្សារភ្ជាប់ជាមួយប្រវត្តិសាស្ត្រនៃមហាយក្សចិន។</span></p>
<p><span style="color: #000000;">ម៉ុងហ្គោលីមានផ្ទៃដីសរុប ១,៥៦៦,០០០ គីឡូម៉ែត្រក្រឡា ដែលជាប្រទេសមានទឹកដីធំជាងគេលំដាប់ទី១៩ របស់សកលលោក ប៉ុន្តែភាគ ច្រើនជាវាលស្មៅ និងវាលខ្សាច់ ហើយប្រជាជនលើផែនដីបានចាប់ផ្តើមមករស់នៅ លើទឹកដីអ្នកចម្បាំងនេះដំបូងកាលពី៤០,០០០ឆ្នាំ មុនមកម្ល៉េះ។ ភាពល្បីល្បាញបំផុតរបស់ម៉ុងហ្គោលី គឺប្រវត្តិសាស្ត្រ ដែលអតីតអធិរាជាណាចក្រម៉ុងហ្គោល ជាប្រទេសតែមួយគត់នៅលើ លោកដែលធ្លាប់វាយប្រហារដណ្តើម និងគ្រប់គ្រង ផ្ទៃដីបានច្រើនជាងគេបំផុត នៅអំឡុងសតវត្សទី១៣។</span></p>
<p><span style="color: #000000;">បច្ចុប្បន្នរដ្ឋធានី អ៊ូឡាំងបាទ័រ (Ulaanbaatar) របស់ម៉ុងហ្គោលី កំពុងតែទទួលបានការអភិវឌ្ឍលើគ្រប់វិស័យ ខណៈដៃគូពាណិជ្ជកម្មសំខាន់ បំផុតរបស់ ប្រទេសនេះ គឺចិន និងរុស្ស៊ី ហើយក៏ជាប្រទេសជិតខាងទំាងពីរ របស់ខ្លួនផងដែរ។ សម្រាប់វិស័យសេដ្ឋកិច្ចវិញប្រទេស ម៉ុងហ្គោលី ពឹងផ្អែកខ្លាំងទៅលើវិស័យ កសិកម្ម និងចិញ្ចឹមសត្វ តាមបែបប្រពៃណី។ បន្ថែមពីនេះទៀត ម៉ុងហ្គោលី ក៏ពឹងផ្អែកទៅលើ ធនធានរ៉ែសំខាន់ៗជាច្រើនទៀតផងដែរដូចជា ស្ពាន់, ធ្យូងថ្ម, ស័ង្កសី, ស្តែន, និងមាសផងដែរ ដែលធនធានទាំងនេះជាផ្នែកមួយដ៏សំខាន់ ជួយទ្រទ្រង់សកម្មភាពឧស្សាហកម្ម។</span></p>
<p><span style="color: #000000;">សូមជំរាបថា សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ព្រមទាំងគណៈប្រតិភូ បាននឹងកំពុងស្ថិតនៅប្រទេសម៉ុងហ្គោលី ដើម្បីចូលរួមកិច្ចប្រជុំអាស៊ីអឺរ៉ុប លើកទី១១ ដែលរៀបចំនៅថ្ងៃទី១៥-១៦ ខែកក្កដា៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13726812_1018719691568168_1475989616005209650_n.jpg?oh=d6c6528f4e983b2e003519dcb6991fbe&oe=57F4F177" alt="" width="730" /></span></p>
<p><span style="color: #000000;"><img src="http://www.toursmongolia.com/uploads/Hors%20tripping%20in%20Mongolia.jpg" alt="" width="730" /></span></p>
<p><span style="color: #000000;"><img src="https://s-media-cache-ak0.pinimg.com/736x/67/6a/33/676a332160fe3d23e5c932e21bc5c8b1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>